Каха мен Серго бала кезден ажырамас дос. Алайда екі дос бозбала шақтан баяғыда өтіп, жігіт ағасы атанса да өмірге дағдыланбаған. Тұрақты жұмыстары да, табыс көздері де жоқ. Серго Милена есімді соқыр қызға ғашық. Бірақ қалтасы жұқа екендігін қыздан жасырып, өзін бай етіп көрсетеді. Ал Каха кербез бірбеткей Софа есімді қызға ғашық болып, адам нанғысыз әрекетке барады. Махаббат сезімі екі досты түрлі оқиғаларға тап етіп, қисынсыз әрекеттерге итермелей бастайды. Тіпті достықтарына да сызат түсіреді. Каха досының көлігін қиратып, өзінің ескі көлігінің тізгініне отыруына тура келеді. Софа үшін қаудырлаған ескі көлігімен тіпті жарысқа да қатыспақ ниетте. Бірақ ол үшін қомақты қаржы керек. Қызықтың көкесі енді басталмақ.

Комедия

Ресей

Күйдіргі Каха

Жаңы жыл қарсаңында студент жігіттің өмірі түбегейлі өзгереді. Алаңсыз тіршілігін кешіп жүрген Женя есімді жігіт оны не күтіп тұрғанын әлі білмейді. Қас қағым сәтте жігітті автобус қағып кетеді. Автобустың ішінде отырған қарт вампир терезеден ұшып кетіп, жігіттің үстіне құлайды. Қарт вампирдің қаны жас жігіттің денесіне тиіп, оны бірден вампирге айналдырады. Енді ол вампирлер әулетінің жаңа мүшесі. Бұл жағдайды жігіт алғашында қабылдай алмай түрлі оқиғаларға тап болады. Вампирлер әулеті жігіт үшін тіпті Жаңа жыл мейрамын тойлауға мәжбүр болады. Сөйтіп барлығы жиналып, танымал жұлдыздың үйіне мерекені қарсы алуға аттанады.

Фэнтези

Шағын қаланың вампирлері. Жаңа қан

Белград қаласындағы көздің жауын алар қонақ үйдің Павел есімді иесінің өмірі бір күннің ішінде өзгеріп шыға келеді. Күндері мен түндерін түрлі сұлу қыздармен өткізіп, шалқып өмір сүруге үйренген жігіттің басы дауға қалады. Көлігімен кетіп бара жатқанда өзгенің көлігімен соқтығысып, сәтсіздікке ұшырайды. Соққан көліктің иесі мафия бастығы болып шығады. Ол аздай мафияға тиесілі құнды затты сындырып, үш миллион евро қарыз болады. Ашуға мінген қарақшы жігіттің өмірін талқандамақ ниетте. Алайда ортаға қызы түсіп, жағдай басқаша өрби бастайды. Ақыр соңында жігіт мафия бастығының қызына үйленуге мәжбүр болады. Осы сәтте тағдыр оның жолын бұрынғы сүйіктісімен тоғыстырады. Әбігерге түскен жігіт бұл шытырман оқиғадан қалай құтылып шықпақ?

Белград қонақ үйі

Оқиға желісі немерелі болуды аңсаған Нұржан мен Сәлиманың үйінде өрбиді. Қазақтың ескі «белқұда» салтымен баласы Бауыржанға бір танысының қызын алып бергісі келеді. Ол қыздың өзінің сүйген жігіті бар. Ал Бауыржанның көңілі басқада. Өз жұптарымен қосылуды армандаған ғашықтар бірге болмау үшін түрлі айла тәсілдерге көшеді.

Отбасылық

Қазақстан

16 қыз

Тана кенжесі Тайлақтың әлі күнге дейін үйленбей жүргеніне уайымдап, оған лайықты қалыңдық іздеуге бел байлайды. Тайлақ — география пәнінің мұғалімі. Анасының көз қуанышы, жайдары мінезді, нағыз періште дерсің. Ұлына әйел табу Тананың өмірлік мақсатына айналады. Таныстарынан көмек сұрайды, тіпті көшеде кетіп бара жатқан, автобуста отырған қыздармен таныса бастайды. Ал Тайлақтың жүрегін өзге қыз жаулаған, есімі — Айша. Тананың қуанышы көпке созылмады. Айшаның әкесі Тайыр кезінде Тана апаға сөз салып, уәдесінде тұрмағаны анықталады. Өткеннің ренішін ұмыта алмаған Тана апа ұлының сүйіктісімен қосылуына кедергі келтіріп, қалыңдық іздеуін тоқтатпайды.

Музыкалық

Кеңестік Социалистік Республикалар Одағы

Тақиялы періште

Төртінші сынып оқушысы Санжар қаладан ауылға ата-әжесінің қолына келген. Ауылда ол жаңа достар тауып, мектепте Дана есімді мұғалімге жүрек бұрады. Бірақ бақытты болу үшін оған бір-ақ нәрсе керек — анасы мен әкесі қаладағы табыс табу жолындағы күйбең тіршілігін аз да болса ұмытып, оған қонаққа келуі керек. Санжар оның арманы бір ғана жолмен жүзеге асатынына сенімді: Астанаға келіп, Бәйтерек шыңында тілек тілесе ғана.

Бәйтерек

Қу әрі айлакер Алдар-көсенің басты мақсаты — сараң байлар мен әділетсіз адамдарды алдап, қарапайым халыққа көмектесу. Алдардың тапқырлығы мен қайсарлығы оны халықтың сүйікті кейіпкері етеді. Бірде Алдар көрікті Қарлығашты кезіктіреді. Қарлығаштың сүйіктісі Тәкен байларға қарызын қайтара алмай жүргендіктен екеуі бірге бола алмайды. Ғашықтарға көмектесу үшін Алдар сан түрлі қулыққа басып, өз дегеніне жетеді.

Мелодрама

Алдар көсе

Бір ауылда өскен үш дос ұзақ уақыттан кейін Алматыда кездеседі. Олардың біріне 25 жасқа толуына орай ата-аналары Шымкенттен бір бөлмелі пәтер сатып алып, ұлына үйлену керек деген талап қояды. Ата-анасын ренжіткісі келмеген жігіт достарынан оған қалыңдық тауып, алып қашуға көмектесуін сұрайды. Түнгі клубтардың бірінде олар ішімдікке мас болып, жоспар құрады. Осылайша алғашқы кездестірген қаланың сұлу қызын алып қашады.

Жел қызы

Шетелден келген режиссер мен хореограф «Шығыс ертегісі» деп аталатын мұз айдынында шоу дайындап жатыр. Дайындық барысында шоу көңілдерінен шықпай, шабыт алу үшін Алматыға келеді. Қазақстанға келген соң Әлия оларға жол көрсетіп, жергілікті мәдениетпен таныстырады. Қазақтың үйлену тойы, қыз алып қашу дәстүрлерін көрсетеді. Ал егіздің сыңары Раушан шоуда басты рөлді сомдайды. Қызығы мол махаббат оқиғалары шоуға дайындық барысын шиеліністіре түседі.

Көріскенше қош бол, Медеу!

Ауыл өмірі мен салт-дәстүрді дәріптейтін балалар лагерін Қайрат, Дастан мен Болат есімді үш дос ашқан сәтте бірталай қызық оқиғаларды балалармен бірге өткеріп үлгерген еді. Бірақ жұмыстың нағыз қызған шағында Қайрат үлкен холдингте басшылық қызметке ауысатынын мәлімдейді. Енді лагерьге Болат пен Дастан иелік етеді. Алайда екеуі де жауапкершіліктен жұрдай. Ол аздай, үнемі араздасып қалады. Салдарынан лагерьдегі балалар екі топқа бөлініп, ара-жіктері ажырай бастайды. Дәл осы тұста лагерьге есерсоқ тентек балалардың жаңа легі келе бастайды. Сондай-ақ, керемет тосын сый болып, сұлу жүзді медбике бикеш де келеді. Болат пен Дастан бірден қызды ұнатып, араларындағы қырқыс өрши түседі.

Off-line демалыс 2

Қан майданның ортасынан табылып, соғысты басынан кешкен қазақ солдаты бірде қираған үйіндінің астында бүкіл жақындары қалып, бұл жалғаннан баз кешкен неміс азаматымен кездеседі және бұл кездесу өмірлік кәсібін таңдауына түрткі болады. Қабырғасы қайысқан неміс азаматы қазақ жігітінің иығына кинопроекторды іліп, беті ауған жаққа кете барады. Сол аппарат арқылы басты кейіпкер елге оралған соң, ауыл-ауылды аралап, халыққа кино көрсетумен айналысады.

Драма

Шырақшы

Кенже жасы беске келген, қалада өскен бала. Әкесі жұмыстан қолы босамай, ақырында ұлын ауылға, атасы мен әжесінің қолына әкеп табыстайды. Бұл жерде ол қызықты сәттерді бастан кешіп, есейе бастайды. Бұл фильмде қарапайым ауыл тұрғындарының өмірі құрақ көрпе секілді сан түрлі кезеңдерді қиыстырады. Мұнда Қызыләскер деген шағын ауылдың тұрмыс-тіршілігі баяндалған. Әр кейіпкердің өз тарихы және тағдыры бар.

Құрақ көрпе

Шағын қалашықтағы интернатта оқитын Әулет есімді жетім бала кездейсоқ ұтысы бар лотерея билетіне ие болады. Ол билет оның өмірін күрт өзгертіп жібереді. Әп сәтте оның «қамын ойлайтын» көптеген туысқандары пайда бола қалады. Бірақ Әулет оңай шағылар жаңғақ емес және өз дегеніне жетпей қоймайды.

Лотерея

Қожа — мал бағып, мектепте оқитын қарапайым ауылдың баласы. Мектепте сабағын да жақсы оқиды. Алайда оның еркелігі мен сотқарлығы айналасындағы адамдарға, әсіресе, анасы мен мұғалімдеріне ұнамайды. Оның үстіне, досы Сұлтан да Қожаға жақсы үлгі бола алмайды. Сабақтан қашып, Жанармен достасудың жолында кедергі болған Жантасқа тиісіп, мұғалімінің сөмкесіне бақа салып күнде бір бұзықтық жасайды. Соғыстан кейін қайтыс болған әкесіне деген сағынышы оны үлгілі бала, озат оқушы болуға жетелейді.

Менің атым Қожа

Алатау бөктеріндеге шипажайлардың бірінде қызмет ететін дәрігер Лавровты жақсы көрмейтін жан жоқ. Оның қамқорлығы мен кәсібилігіне тәнті болған әрбір демалушы дәрігердің адамгершілігін еш ұмыта алар емес. Лавровтың алпыс жылдық мерейтойы жақындағанда, мәдениет қызметкері Бибігүл мен шипажай басшысының хатшысы Ксения Павловна ерекше кеш ұйымдастырып, құттықтағысы келеді. Алайда шипажай басшысы Филькин бұл кешке қаржы бөлуден бас тартады. Бибігүл, суретші Мұрат пен Тәкен әншілерді тегін өнер көрсетуге көндіруге тырысады. Туған күн кешінде әншілердің өзге жоспарлары бар екені мәлім болады.

Біздің сүйікті дәрігер

Фильмде өткені де, болашағы да бұлыңғыр Дарик есімді өмірден адасқан жігіттің тағдыры туралы баяндалады. Бірде ол өңі ме, түсі ме белгісіз бір жерде есін жиып, оянады. Табиғатпен бетпе-бет оңаша қалған Дарик аман қалу үшін қалада үйренген барлық амал-тәсілдерін еске алуға мәжбүр болады. Бірақ мұнда, кең далада, ең алдымен, өзіңнің кішкентай тайпаңды жинау қажет.

Шытырман оқиға

Фантастика

Риэлтор

Самат отыздан асқан сүрбойдақ. Жанындағы достарының бәрі үйленіп, той жасап жатыр. Жігіт қалыңдық табу мақсатында әлеуметтік желіде Ләйлә есімді қызбен танысады. Ләйла да Самат сияқты мысықтарды жақсы көреді. Бауыржан досын Алматыға ертіп барып, Ләйланы алып бермекші. Ал дәл осы уақытта Алматы мұражайында Цин әулетінің XIV ғасырдағы бағалы құмырасын контрабандистер ұрлап кеткен. Полиция қылмысты ашуға тырысады, аңғал Бауыржан мен Самат күдікке ілінеді. Енді олар қалыңдық іздеумен қатар, өздерінің кінәсіз екенін дәлелдеуі керек.

Ең сұлу. 16 қыз — 2

Құрмаштың бар арманы бала сүю. Балаларының бәрі бірінен соң бірі шетінеп жатыр.  Басқа амалы қалмаған Құрмаш емшіден көмек сұрайды. Емшінің кеңесі ақылға қонбаса да өз нәтижесін береді. Құрмаш балалы болады, бірақ тұңғышы қыз екеніне налиды. Емшінің айтуымен қызын Секер деп атап, оны ұл етіп тәрбиелейді. Ауылдың бәрі Секердің қыз екенін білмейді. Секер 13-ке толғанда мектеп директоры наразы болып, оны қыз ретінде қабылдау керек деген шарт қояды. Баланың алдында ұрланған балалық шақ, өзін-өзін тану және жасөспірім кезеңі тұрады.

Секер

Тәкаппар сұлу өзінің ұяң әрі ебедейсіз әріптесін көзге ілмейді. Ал жігіт бойжеткенді көрген сайын жүрегін сезім оты шарпып өтеді, алайда сыр бермейді. Сондай-ақ, бикешке өз ортасында құрметке ие ер азамат жанашырлық білдіреді, бірақ кейіпкердің кәсіби беделі мен қадір-қасиеті оған бастықтың сезімін қабылдауға мүмкіндік бермейді. Шындықтан қашып, ол интернеттен махаббат іздейді. Виртуалды әлемде, бәлкім, бәрі өзгеше. Интернет шекараларды бұзады деген ұғым қалыптасса да, оның жұмбақ таңдауы жүзін әдейі көрсетпейді. Бұл махаббат үшбұрышын қалай ашуға болады және виртуалды сезімді шындыққа айналдыру үшін не істеу керек?

Виртуалды махаббат

Жомарт есімді жігіт әкесінен мұра ретінде қалған қонақ үйді шетелдік инвесторларға сатуды ұйғарады. Алайда жаңа сатып алушылар алдымен қонақ үйге келіп, оның жағдайын өз көздерімен көргісі келеді. Қызметкерлерінің бәрі жұмыстан шығып кеткен, Жомарт амалсыздан ауылға барып, өзінің туысқандарын жұмысқа тартады. Мұндай жерде ешқашан жұмыс істеп көрмеген оларға басында қиын болады, бірақ уақыт өте келе туыстары да өздерінің жақсы қырларын көрсетіп, Жомартқа барынша көмектеседі.

Қазақша бизнес

Жомарт Айсұлуға үйленіп, екеуі Дубайға демалуға аттанады. Алайда туыстары олармен бірге ілесіп алады. Ол жерде олар Африка бизнесмендерімен кездесіп, шәй сатып, баюдың жоспарын құра бастайды. Шәй плантацияларын көріп келеміз деп олар алаяқтарға алданып, Кенияға кетіп қалады. Енді Жомарт оларды құтқару үшін тағы бір саяхатқа аттануы тиіс.

Қазақша бизнес Африкада

Туыстарының көмегімен қонақ үйдің жұмысын қайта жандандырған Жомарт енді бес жұлдыз мәртебесін алу үшін Америкадан келетін арнайы маманды күтуде. Алайда сол туысқандардың кесірінен маман ашуға мініп, қонақ үйге аяқ баспай жатып қайтып кетеді. Енді оның шешімін өзгертіп, ықыласын алу үшін Жомарт кішігірім командасымен Америкаға аттанады. Онда олар талай қызықты оқиғаларға тап болып, бизнесті құтқаруға бар күштерін салады.

Қазақша бизнес Америкада

Жомарт жақындарымен бірге Үндістандағы таныстарының тойына келеді. Бұл жерде ол туыстарына қонақ үйді сатып, оларды жұмыстан шығаратыны туралы айтады. Алайда оқыс оқиға болып, Жомартты жергілікті бандиттер ұрлап кетеді. Қиын жағдайға тап болғанда Жомартты құтқаруға сол баяғы туыстары келеді.

Қазақша бизнес Үндістанда

Қонақ үй бизнесі қарқынды дамуда. Жомарт енді жаңа технологияларды енгізуге бел буады. Алайда ауылдан шыққан туыстары Оңтүстік Кореядан әкелінген қымбат роботты сындырып алады. Енді оны жөндеу үшін Жомарт көмекшісі Аланмен Кореяға аттанады. Олардың артынан еремін деген Еркош байқамай Солтүстік Кореядан бірақ шығады. Енді олар Еркошты құтқарудың амалдарын ойластыру керек.

Қазақша бизнес Кореяда

Жомарттың бизнесі халықаралық деңгейге шығып, енді ол шетелден қонақ үй сатып алуды көздейді. Осы мақсатпен ол туысқандарымен бірге Түркияға аттанады. Онда бес жұлдызды қонақ үй аукционға қойылған. Алайда жаңа мүлікті сатып алу оңай іс емес және біздің сүйікті кейіпкерлер тағы да көптеген қызықты оқиғаларды бастан кешіреді.

Қазақша бизнес Түркияда

Қуаныш — байдың еркетотай баласы. Оның өмірінде бәрі бар: шексіз байлық, сұлу қыз және онымен көңіл көтергенді жақсы көретін достары. Өмірі күнде думан, күнде той — ол уайымсыз көңіл көтеру үшін әкесінен үнемі ақша сұрауға мәжбүр. Сондай күндердің бірінде өзін қарақшылар ұрлап кетті деп алдап, әкесінен ақша бопсалауға шешеді. Жоспар бойынша әкесі қомақты қаржыны беріп, баласын құтқарып алу керек. Күтпеген жерден әкесін шын қарақшылар ұрлап кетеді. Ойын болып басталған жоспардың күл-талқаны шығып, енді Қуаныш әкесіне лайық ұл екенін дәлелдеуі тиіс.

Түркия

Адал алаяқтар

Жас жылқышы Айдар мен бойжеткен Ғалия бірін-бірі ұнатса да, сезімдерін білдіре алмаған. Айдар өз колхозында асыл тұқымды жылқылар өсіруді армандайды. Алайда колхоз төрағасы әрі әкесі оған қаржы бөлуден бас тартады. Әкесін көндіріп, колхоздағы жылқылардың нашар екенін дәлелдеу мақсатында ол бәйгеде Ғалияға әдейі жеңіліп қалады. Ал Ғалия  керісінше, Айдарға мүмкіндік беру үшін атын тежеп, оның бетін сүйгенін қалайды. Дегенмен, қыздың бұл әрекеті бос әурешілік болады. Айдардың бұл әрекетіне Ғалия ренжиді. Араздасып қалған жастардың жағдайын Ғалияны ұнатып қалған Аңғарбай пайдаланып қалады.

Шабандоз қыз

Бай әрі ықпалды кісі өз өмірі туралы фильм түсіру үшін белгісіз бір режиссерге тапсырыс береді. Алайда ол фильмге деп берілген ақшаны жоғалтып алады. Амалдың жоғынан және өміріне қауіп төніп тұрғандықтан ол енді ешбір қаражатсыз фильм түсіруге кіріседі. Бұл жолда ол талай қиыншылықтар мен қызықты сәттерді басынан кешіреді.

Басқа вариант жоқ

Еркош жұмысына салғырт қарап, басшысының ызасын келтірумен күнін өткізіп жүреді. Басшысы — нәзік жанды ару. Келеңсіз қылықтарынан әбден титықтаған келіншек Жомартқа шағымданады. Еркош бұл жайтқа бей-жай қарай қоймасы анық. Ал есерсоқ туысынан мезі болған Жомарт оны әріптесімен бірге жұмыс сапарымен Түркияға аттандырады. Онда Еркош Үндістанның атақты актрисасы Авика Гормен достасып, Әлияға ғашық болып, өз махаббаты үшін күреседі.

I go to school

Коронавирус індеті жайлап, балалардың ауылдағы сүйікті мекеніне айналған лагерь ақыры жабылатыны мәлім болады. Қаражат көзі азайғандықтан салымшының қызы Жанна осындай шешімге келген. Алайда лагерь жетекшілері Қайрат, Дастан мен Болат бұл шешіммен келіспей, өз беттерінше демалыс орнын қайта жандандырмақшы. Бірақ ол үшін үш дос ұтымды жоспар ойластырулары қажет. Сондай-ақ, жан-жаққа тарап кеткен балаларды қайта жинап, ұмытылмас ғажап демалыс ұйымдастырулары керек. Олар лагерь қайта танымал болып, шартараптан балалар легі ағыла бастайтынына сенімді. Алайда бұл іс қолдарынан келер ме екен?

Off-line демалыс 3

Жаңа жыл қарсаңында әдеттегідей жатақхана студенттері ауылдарына қайта бастайды. Тек Ермек және Дәурен есімді екі студент пен Асхат ағай қалады. Асхат жұбайымен ұрсысып қалады және ол ренжіп төркініне кетіп қалады. Іші пысқан ағай екі студентті өзінің бөлмесіне шақырып, көңіл көтеруге ұсыныс тастайды. Бірақ студенттер тек су ішеміз деп байқамай емші оқытып қойған сусынды ішіп қояды. Барлық қызық осыдан кейін басталады.

Таиландтағы демалыс

Тентек бауырлар Баха мен Таха анасынан айырылған. Қос ұлдың әкесі жұмыстан үнемі босамайды. Балаларға ағылшын тілі мұғалімі мен өгей аналары қарайды. Балалар Амазонка ханшайымы жайлы ертегіні сүйіп оқиды. Ертегі желісі бойынша, ханшайымның ұлы соғыста қатты жараланып, көз жұмады. Енді оны қайта тірілтетін дәрі керек. Дәріні сиқырлы карта арқылы табуға болады. Баха мен Таха сиқырлы қартаны тауып, қайта тірілтетін дәрімен аналарын қайтарғысы келеді. Жұмбақ ормандағы сынақтар арқылы бауырлар бауырмашылық, достық пен батылдықтың маңызын түсінеді. Ақтық шайқаста жеңіске жетіп, балалар нағыз батыр атанады.

Мультфильм

Аңыздар кітабы. Жұмбақ орман

Қарапайым жүк тиеуші болып жұмыс істейтін Диас бай қызға ғашық болып қалады. Оның көңілін аудару үшін ол көп ақша табудың жолдарын ұйымдастырып, мақсатына жетеді. Бірақ бай болу оңай емес, оның да қыр-сырлары көп. Қыздың дәрежесіне жету үшін жігіт өзін байлардың арасында қалай ұстауды үйрене бастайды. Бұл жоспары оны қайда әкеп соғады?

Миллионға сатылған махаббат

Бизнеспен айналысатын қатал Жанна марқұм әжесінің үйін сату үшін ауылға көшіп келуге мәжбүр.  Ал Гүлзия апа бүкіл балаларын бір дастархан басында жинауды армандайды. Ол үшін қарт әйел бүкіл ауылға интернет кіргізуге де дайын. Айжан өмірлік жарын күтумен күдері үзілуге жақын. Ал Жанат балаларын бағып, ауыл шарушылығымен айналысады. Бұл жарқын да нәзік жандарды не байланыстырады?

Анашым

Батырбек қалада оқуға түсе алмай, ауылға қайтып келеді. Онда інісі Аян оған көмектесуге бел буып, қалыңдық іздеуге кіріседі. Ол ағасына қалыңдық таңдап, оның орнына хат-хабар алмасып, өмірін басқа арнаға бұрады. Інісінің жоспары жүзеге асар ма екен? Мүмкін тағдырына балта шапқалы тұрған шығар.

Ағама арналған қалыңдық

Оңтүстің Корея елінің бір топ маманы Қазақстанға ат терлетіп, сапарға шығады. Олар қазақ халқының мәдениетімен жақын танысып, үйлену тойына байланысты әдет-ғұрыптар мен салт-жоралғылар туралы деректі фильм түсірмекші. Бірақ елге аяқ басқан сәтте жазатайым оқиға орын алып, фильм продюсері жол апатына ұшырайды. Осылайша түсіру тобы тойға қатыса алмай қалады. Оның үстіне, бар ақшаларын да жұмсап тастайды. Жалғыз амалдары — жалған үйлену тойын түсіру ғана. Ол үшін күйеу жігіт пен қалыңдықтың рөлін сомдайтын қос жұпты іздеп табулары керек. Бірақ шалғай ауылда бұл оңайға соқпайды. Алда оқыс әрі қызықты оқиғалар күтіп тұр.

Оңтүстік Корея

Жалған қалыңдық

Жаңа жыл қарсаңында полиция қызметкерлерінен қашып келе жатқан алаяқ әкесіз ер жетіп келе жатқан екі баланың пәтерінен бір-ақ шығады. Бір қызығы, балалар жаңа жылға Аяз атадан әке беруді сұраған еді. Енді заңнан құтылу үшін алаяқ екі жеткіншекке еріксіз әке болуы керек.

Еріксіз әке

Шерхан және Қазанбас есімді екі жігіт Алматыға келіп, күнелту үшін заңсыз әрекеттермен айналыса бастайды. Бір күні достар қыдырып жүріп екі қызбен танысады. Таныстықты жалғастыру үшін қыздар оларды өз үйлеріне шақырады. Алайда ол жерде бұларды күтпеген тосын сый күтіп тұр. Осылайша екі дос байқамай құлдыққа түсіп қалады. Ол жерде олар күні-түні тұшпара жасауға мәжбүр. Шерхан бұл құлдықтан қашып құтылудың амалын ойласа, Қазанбас тұшпара сатылымын арттыру бойынша кеңестер айтып, жаңа басшыларын өзіне қаратып алады. Енді достар құлдықтан құтылумен қатар өздерінің араларындағы кикілжіңді де шешулері тиіс.

Қораға кірдік

30 жасқа келген жігіт бір күні дәрігерлік мансабы бойынша АҚШ еліне шақырту алады. Алайда оның анасы бұған үзілді-кесілді қарсы. Анасы ұлына тек шаңырақ құрған жағдайда ғана келісімін беретінін айтады. Қалыңдық табу үшін жігітте тек екі ай ғана бар. Бұл тығырықтан шығу үшін ол агенттікке жүгінуге мәжбүр болады. Агенттік қызметкерлері жуас жігітті сері жігітке айналдыру үшін барын салып, іске білек сыбана кірісе кетеді. Алайда тағдырдың жоспары мүлдем басқа болып шығады.

Мачо секілді

Жас сценарист Дамир шабыт іздеп жүріп, үлкен қонақ үйге швейцар болып жұмысқа тұрады. Маңызды да қызыққа толы қызметте ол нешетүрлі адамдарды кездестіріп, талай көңілді жағдайларға тап болады. Дамир өзін жақсы қырынан көрсетіп, қонақ үй тұрғындарының көңілінен шығады. Алайда бәріне жағу мүмкін емес және бас кейіпкер әлі талай сәттерді бастан кешіреді.

Портье

Екі әйелі бар отбасы туралы жалған мақала жазған Артурға шынында да сондай отбасын сомдауға тура келеді. Себебі басшылық құрам мақаладан үлкен әсер алып, оны тексеру үшін келеді. Әйелі қарсы болса да, Артур үйіне жалған некеге тұрған екінші әйелін алып келеді. Осы сәттен бастап бүкіл жоспар құрдымға кетеді.

Екінші әйелімдей бол

Әлішер қызына сөз салады. Бірақ қызы келісімін бермеген соң ол өмірден түңіліп кетеді. Әлішердің көңілін аулау үшін достары оны демалысқа алып кетеді. Онда олар пранкерлермен бірлесіп Әлішерді күйзелістен шығару жолдарын іздейді. Алайда ойын ретінде басталған демалыс кенеттен қорқынышты фильмге айналып кетеді.

Қазақша әзіл

Шағын ауылда мекендейтін Бөлекбай есімді электриктің өмірі бір сарынды. Үй мен шаруаның айналасында ғана, еш қызығы жоқ. Бір күні сұрықсыз өмірі бір сәтте өзгеріп, бойына тылсым қасиет дариды. Ер адамды найзағай ұрып, есінен танады. Көп ұзамай тылсым күшке ие болғанын байқайды. Енді ол кез келген металдан тұратын затты түйсігі арқылы орнынан жылжыта алатын қасиетке ие. Билік басындағыларға бұл құбылыс мәлім болып, оған ел мүддесі үшін арнайы тапсырмалар жүктеледі. Бірақ ер адамның өмірі қыл үстінде болады. Себебі саяси ойынның тырнағына ілігеді. Енді бұл шырғалаңнан қалай құтылмақ?

Атыс-шабыс

Сен маған керексің

София есімді бойжеткен Түркияға Украинадан көшіп келіп, Хуссейн есімді жігітке алданып, далада қалады. Жалғыз қалған қыз теңіз жағасында Азаматты кездестіреді. Өзінің мүшкіл жағдайына қарамастан ол қызға көмектесе бастайды. Жігіттің арқасында Софияда өмірге деген құштарлығы ояна бастайды.

София

Полиция бөлімінде Миша есімді жас жігіт қызмет етеді. Лауазымы жоғары болмаса да, армандары асқақ. Ол қауіпті қылмыскерлерді қолға түсіріп, ер жүрек қаһарманға айналғысы келеді. Бірақ әзірше мардымсыз тапсырмалармен айналысуға мәжбүр. Көңілді жігіттің жүрегін жаулаған ару бар. Миша қыздың ата-анасымен танысып, оған үйленуге ниетті. Бірақ бұл оңайға соқпайтыны анық. Себебі қыздың әкесі бай беделді кәсіпкер. Жігіт қыздың әкесі қарсы болатынына сенімді. Алайда тағдырдың өзі ойламаған жерден Миша мен болашақ қайын атасының жолын тоғыстырады. Болат есімді кәсіпкердің компаниясы құрылыс тендерін ұтып алады. Бірақ мафия өкілдеріне бұл ұнамайды. Енді олар кәсіпкердің ізіне түсіп, қарымтасын қайтармақ. Ер адам шалғай ауылға аттанып, із жасыруға мәжбүр болады. Ойламаған жерден қызының сүйіктісі екеуі сапарға бірге шығады. Жолда олар күлкілі әрі оқыс оқиғаларға тап болады. Тіпті бір-бірімен араздасып та, табысып та үлгереді.

Қазымыр қайын ата

Тимур есімді ауылдың жас жігіті құқық қорғау органдарында қызмет етуді армандайды. Осы мақсатпен академияға түсу үшін ол қалаға келеді. Тимур ағасының үйінде тұрады және оның кішігірім бизнесіне көмектеседі. Алайда аудандағы бандиттер ағасының бизнесін дамытуға кедергілер келтіреді. Тимур оларға қарсы шығады. Шытырман оқиғаны басынан кешіп жүргенде өз махаббатын кездестіреді. 2023 жылы шыққан Тимур Бақтыбаевтың фильмі Джеки Чанның туындыларын қазақша нұсқада көрсетуге тырысады.

Тимучин

Мақсат жергілікті телеарнада жұмыс істейді. Әпкесінің тойына аз уақыт қалғанда, мейрамханаға төлейтін ақшасынан айырылып қалады. Бұл тойды жасау үшін ол бәріне дайын. Осылайша өз тобын әпкесінің үйлену тойы туралы ток-шоу жасауға үгіттейді, бірақ бұл жөнінде туыстарына тіс жарып айтпайды. Сөйтіп оның отбасы шоудың кейіпкерлеріне айналып шыға келеді.

Той жыры

Отандық робототехник Әлімжан бүкіл әлемді таңқалдырып, жаңа робот әйелді құрастырып шығады. Енді роботты жұмыс жағдайында тексеру үшін ол оны ауылға апарып, өзінің ағасының үйіне әкеледі. Қошқарбай басында роботқа қызықпайды. Себебі оны жақында ғана әйелі тастап кеткен. Бірақ уақыт өте екіойлы болып жүрген Қошқарбай әйел роботқа бет бұра бастайды.

Робот әйел

Қанат есімді ер адамды әйелінің туыстары үнемі кекетіп, зілді сөздерімен шағып алуды әдетке айналдырған. Ол баспаналы болуды армандайды. Әзірше әйелінің анасына тиесілі үйде тұруға мәжбүр. Күшік күйеу деген келемежден әбден мезі болған ер адамның төзімі ақыры шегіне жетеді. Әйелінің туыстарымен сөзге келіп, басқа қалаға көшіп кетуге шешім қабылдайды. Дәл осы тұста Қанаттың досы елде оңтүстіктен солтүстік өңірге көшкендерге арнайы бағдарлама бойынша мемлекет қаржылай көмек беріп, баспанамен қамтамасыз ететіні жайлы хабарлайды. Осы тұста қос жұп Ером мен Мансар атты екі алаяқпен бірге жолға шығады. Бірақ солтүстік өңірдегі ауылға көшіп келгенде күтпеген жағдайға тап болады. Бәрі олар ойлағаннан әлдеқайда басқаша. Ауыл тұрғындарының ұлттық дәстүр мен мемлекеттік тілді білмейтіні оларды қатты таңқалдырады. Оның үстіне, керемет деп сипатталған ауыл тұрмысы жұпыны болып шығады. Ал олардың алдында ауылды көркейту міндеті тұр. Осы сәттен бастап күлкілі оқиғалар бірінен соң бірі бастау алады.

Жездуха

Австралия

Америка Құрама Штаттары

Армения

Бельгия

Германия

Гонконг

Дания

Жапония

Ирландия

Испания

Италия

Канада

Қытай

Латвия

Нидерланды

Норвегия

Украина

Ұлыбритания

Финляндия

Франция

Швеция

Ел

Биография

Әскери

Детективтер

Балаларға арналған

Деректі

Драмалар

Тарихи

Комедиялар

Қылмыстық

Мелодрамалар

Мистикалық

Жастарға арналған

Мультфильмдер

Шытырман оқиғалар

Даму

Ойын-сауық

Реалити

Спорт

Триллерлер

Қорқынышты

Шоу

Аниме

Қысқаметражды

Вестерн

Жанр

2025

2024

2023

2022

2021

2020

2019

2018

2017

2016

2015

2014

2013

2012

2011

2010

2000-2009

1990-1999

1980-1989

1970-1979

Жыл

https://api.unicoplay.com/categories?category=movie&genre=comedy&for_kids=false&apikey=KNnpXL0TCyMm9F0qFqF5vsBzj3O4NGBs&locale=kk&content_lang=kk

Фильмдер: комедиялар - онлайн көру