Антон есімді азамат өрт сөндіруші болып жұмыс істейді. Екі жыл бұрын әйелімен ажырасқан ол жеткіншек қызымен тек демалыс күндері кездеседі. Сенбі күні де келіп жетіп, ер адам Кира есімді қызын үйінде күтіп отырады. Кешқұрым есік қоңырауы басылады. Ер адам есікті ашқанымен, қызы пәтерге кірмейді. Қызы үшін алаңдаған Антон оны шарқ ұрып іздей бастайды. Бақылау камерасын қараған Антон қызы көпқабатты пәтерден ешқайда шықпағанын байқайды. Ер адам көршілердің есігін қағып, қызы туралы сұрастыра бастайды. Осы сәттен бастап түрлі құпиялардың куәсіне айналады.

Драма

Триллер

Ресей

Көпқабатты үй

Қазақстан

Голиаф

Тарихшы ғалым Ермұхан Бекмаханов соғыс жылдарынан кейін Қазақстанның тарихы туралы кітап шығарады. Алайда билік оның бұл жұмысын Кенесары Қасымұлы бастаған қозғалысты қолдау тұрғысынан көрсеткен еңбек деп бағалап, оны буржуазияшыл-ұлтшыл идеологияны дөріптеуші деп саяси қуғынға ұшыратады. Қудалауға түсіп, кейіннен 25 жылға бас бостандығынан айырылады. Одан кейін батыл тарихшының жолын жас журналист Рамазан жалғастырады, алайда ол да талай қиыншылықтарға тап болады.

Аманат

Фильмге өз ортасынан безіп, далада өмір сүруді жөн санаған қарт кісінің өмірі арқау болған. Ағатай қартайған шағында жалғыз қалған, әйелі мен баласы қайтыс болған. Ол дәрілік шөптер жинап, ауыл адамдарын емдейді. Күндердің күнінде қарттың үйіне Нуни есімді жетім бала қашып келеді. Нуни тілазар, қасқырдың бөлтірігіндей асау. Қарт балаға бар мейірімін төгіп, оны асырап алады. Алғашында тіл табысу қиын болғанымен, кейіннен бір-бірін әке мен баладай жақсы көріп кетеді. Алайда бір-біріне медеу болған жандар ауыр сынақтардан өтуге мәжбүр.

Әруақ

Айдай — тау етегінде өмір сүретін және адамдарға көмектесетін бақсы. Ол науқастарды емдеп, бедеу келіншектерге бала көтеруге көмектеседі және жоғалған затты табу үшін рухтар әлемімен байланысады. Бақсының кәсіпкер баласы мен немересі бар. Кәсіпкерлер Айдайдың жерін тартып алып, ол жерге жанармай бекетін, казино салғысы келеді. Бақсы ол жердің киелі екенін және ешқайда кетпейтінін айтады. Әділеттілікті пір тұтқан тылсым күш жеңе ме әлде қараңғы түнектен туған зұлымдық басым бола ма?

Фэнтези

Бақсы

XIX ғасырдың соңында патшалық Ресейдің билеушілері қазақ жеріне үстемдік орнатып, халықты қиын жағдайға душар етеді. Халықтың қарсылығына қарамастан орыс офицерлері қазақ ауылдарына жат елдің халқын қоныс аударуға шешім шығарады. Ал Балуан Шолақтың үй ішін түрмеге қамайды. Мәселені шешу үшін балуан уезд басшысының қызын ұрлап, қазақ жерін азат етуді талап етеді.  Әр шайқас пен қақтығыс оның бойындағы батырлықты шыңдап, әділдік жолындағы күресін тереңдете түседі.

Биография

Тарихи

Балуан Шолақ

Ақын-сазгер Біржан салдың жүрген жері той мен мерекеге ұласады. Сал-серілердің келе жатқанын көрген ауыл адамдары оларды аяғын жерге тигізбей күтіп алады. Сондай күндердің бірінде Біржан Көлбайдың ауылына қонақ болады. Домбырасын тартып, өлең айтып, жұртттың көңілін аулайды. Ал Біржанның көңілін сұлу да, көркем Ләйлім жаулайды. Ақынды ұнатпай жүрген көрші ауылдың болысы Азнабай да Ләйлімді жар еткісі келеді.

Біржан сал

Отырар — ежелгі қазақ өркениетінің бесігі. XIII ғасырдың басында қала Шыңғыс ханның әскерлеріне қарсы төтеп береді. Оған дейін Шыңғыс хан жасақтарына жасырын барлаушы болып енген ержүрек Інжу есімді батыр жеті жыл ішінде құлдықтан мыңбасына дейін көтеріліп, соғыстың қыр-сырын меңгеріп алады. Шыңғыс ханның Орталық Азияға өз әскерін жіберу туралы шешім қабылдағанын білген Інжу Хорезм хандығына төніп тұрған қауіп туралы хабарлауға асығады.

Әскери

Отырардың күйреуi

Қарапайым шаруа шаңырағына бойжеткен Салтанат келін болып түседі. Шаруаның үлкен ұлы, белді шопан Тастанның жары атанған Салтанат жүрегі мейірімге толы жан. Салтанат келін болғалы бері, ол шаңыраққа мейірім мен жылулық сәулесі төгіледі. Салтанаттың жібек мінезіне ата-енесі тәнті. Қайыркен де жеңгесіне еркелеп, онымен жақсы дос болады. Тек мінезі ауыр Тастан ғана Салтанатқа суық әрі қатал. Ер-азаматының мейіріміне бөлене алмаған Салтанат ауыр дертке шалдығады.

Гауһартас

Қан майданның ортасынан табылып, соғысты басынан кешкен қазақ солдаты бірде қираған үйіндінің астында бүкіл жақындары қалып, бұл жалғаннан баз кешкен неміс азаматымен кездеседі және бұл кездесу өмірлік кәсібін таңдауына түрткі болады. Қабырғасы қайысқан неміс азаматы қазақ жігітінің иығына кинопроекторды іліп, беті ауған жаққа кете барады. Сол аппарат арқылы басты кейіпкер елге оралған соң, ауыл-ауылды аралап, халыққа кино көрсетумен айналысады.

Комедия

Шырақшы

Қазақ халқы жоңғар шапқыншылығына қарсы, азаттық үшін күрескен ауыр да аласапыран уақыт көрініс табады. Бас кейіпкер — жас батыр Мансұр елін қорғауға және азаттық үшін күресуге жаралған. Серен қазақ елін түгел жаулауға бекінеді. Мансұр елінің болашағы үшін жанын құрбан етуге дайын. Бар ойы анасының кегін алып, қазақ елін азат ету. Осыған дейін басы бірікпеген қазақ елі ақтық шайқаста Мансұрдың бастауымен жоңғарды жеңеді. Оның ерлігі елін жаудан қорғаған батырлықтың, еркіндік пен қайсар рухтың нышанына айналады.

Америка Құрама Штаттары

Көшпенді

Фильм Қазақстанға оралған Ка мырзаның тағдырын баяндайды. Бар ғұмырын Бангкок түрмесінде өткізген қарт енді тыныш өмір сүремін дегенде пойызда Игорь есімді жігітпен танысады. Сырттай қарапайым көрінген бұл жас жігіт, шын мәнінде, есірткі тасымалдаушылар тобына қатысы бар екені анықталады. Олардың арасындағы әңгімеден қарт жас жігіттің қиындыққа ұшырағанын түсініп, оған көмектесуге шешім қабылдайды. Дегенмен бұл жағдай Ка ойлағандай оңай болып шықпады. Шындық ашылған сайын Ка мырзаның да құпиясы көп екені анықталады. Оның өткені — жұмбақ, бүгіні — өмір мен өлімнің шахмат ойыны іспеттес, болашағы бұлыңғыр.

Атыс-шабыс

Сіз кімсіз, Ка мырза?

Фильм қазақ халқының көрнекті биі Құнанбай Өскенбайұлының әділдік пен бірлік жолындағы күресін суреттейді. Қатал да, турашыл мінезінің арқасында көреген басшы болады. Дін мен дәстүрді ұштастырып, медресе ашып, халықты рухани тәрбиелеуге тырысады. Алайда оның талапшылдығы мен қаталдығы өз туыстары мен ауыл ақсақалдары арасында түрлі қақтығыстар туғызады. Құнанбай өз елінің сынын да, қарсылығын да көтеруге мәжбүр болады. Оның өмірдегі ұстанымдары Абай есімді ұлының тұлға болып қалыптасуына да көп әсер етеді.

Құнанбай

Бибол ерте жетім қалған, өмірге балаға тән көзқараспен қарайтын, жүрегі мейірім мен махаббатқа толы бала. Қиялшыл мінезіне қарап, тәрбиешілері оны Кішкентай ханзада деп атайды. Бір күні кездейсоқ көшеде Қасымханмен танысып, оны атасы деп ойлап қалады. Өз баласынан мейірім көрмеген Қасымхан Биболды балалар үйіне апаруға асықпайды. Екеуі әсем Астанада қыдырып, түрлі жағдайларға тап болады.

Біздің қаланың ханзадасы

ХVIII ғасырда Маңғыстау жерінде адайлар мен түрікмен жәуміттер бейбіт өмір сүріп,  қыз алысып, құдаласатын. Алайда жер мен суға талас уақыт өте келе екі ауылды бітіспес жауға айналдырады. Тағдырдың жазуы бойынша адайдан шыққан Ершора мен түрікменнің хас сұлуы Жамал бір-біріне ғашық болады. Жастардың махаббатына ата-анасынан бастап бүкіл ру қарсы болады. Екі жақтың қарсылығына қарамастан Ершора мен Жамал жасырын кездесе береді. Сондай кездесудің бірінде ғашықтар түрікмендердің қолына түсіп қалады. Көпжылдық жауласуды махаббат жеңе ме әлде қос ғашық кектің құрбаны бола ма?

Кек

Бұл өз бақытын таппас бұрын көптеген қиындықтарды бастан кешірген ару қыздың романтикалық махаббат хикаясы. Жас талантты әнші Айшаның арманы — Францияда ән шырқап, талантымен Париж халқын тәнті ету. Айшаға осы арманын жүзеге асыруына оның қамқоршысы — бай банкир Асхат Бабайұлы көмектеседі. Ақыры Парижге шақырту алады. Айшаның  арманы орындалуға жақын, бірақ өмір оған тосын сый жасайды. Тағдырдың жазуымен ол шынайы махаббатын кездестіреді.

Мелодрама

Менің күнәлі періштем

Режиссер Сатыбалды Нарымбетов түсірген туынды түркі халықтарының біртұтас мемлекетін құру үшін күрескен ХХ ғасырдың көрнекті саяси қайраткері Мұстафа Шоқайдың өмір жолын баяндайды. Алайда бұл идеалистік арманды жүзеге асыру оңай болған жоқ, өйткені оның қарсыласы кең аймақтағы ықпалынан айырылғысы келмеген тоталитарлық билік болды. Шиеленісті саяси жағдай Мұстафа Шоқайды туған өлкесінен кетуге мәжбүр етеді, бірақ басқа елде жүрсе де, ол Түркістанның тәуелсіздігі идеалистік арманынан бас тартпады және оны жүзеге асыруға тырысты. Эмигрант өмірдің барлық ауыртпалықтарын өмірлік жары Мария Горина бөлісті, ол күйеуінің идеялары мен күресіне сеніп, опера әншісінің гүлденген өмірі мен мансабынан бас тартты.

Мұстафа Шоқай

ХХ ғасырдың 30-жылдары қызыл террордың кесірінен Ауғанстанға жер аударған қазақтар туралы фильм. Көшіп барғаннан кейін Базарқұлдың әйелі сол жерде ұлы мен қызын дүниеге алып келеді. Олар өсіп, өз отбасыларын құрады. Баласы жергілікті пуштунның қызын алып, моджахедтер соғысына қатысады. Ал қызы ауған жігітіне тұрмысқа шығады. Біраз жылдар өткеннен кейін атамекенге қайтуға мүмкіндігі пайда болады. Бүкіл отбасы бірігіп, Қазақстанға қайтуға бел буады.

Оралман

Ердене есімді балықшыға тағдыр Дәмелі есімді бойжеткенді қосады. Ердененің бірінші әйелі­нен қалған ұлы болады. Ауыл теңіз жағасында орналасқан­дық­тан негізгі тіршілік көзі — балық аулап, күн көру. Сонымен қатар өкіметтің қойған жоспарын орындап отыру міндеті тағы бар. Ердененің тікмінезділігін онша жақтыра қоймайтын өкіметтің әскери адамы оған іштей қас болып, қиянат жасауға тырысып бағады. Мұны сезіп жүрген Ердене оған бірнеше рет қарсылық танытады. Күнделікті шаруа қамымен қамыстың арасында кетіп бара жатқан Ерденені күндердің күнінде жабайы мысық тістеп алып, қиын жағдайға душар болады.

Дәмелі

Оқиға XVIII ғасырдағы Жоңғар шапқыншылығы кезінде өрбиді. Құлжа мен Ақберді есімді екi сарбаз бір ауылда өскен. Есейе келе олар кезінде тұтқынға түскен біреуінің әкесін құтқарып, даланы жоңғарлардан тазартуға шешім қабылдайды. Бірақ жат елге барған екі жігіт бір қызға ғашық болады. Ханшайымның махаббаты үшін екеуі таласып, ақыр соңында тек біреуі қалады.

Сардар

Құрмаштың бар арманы бала сүю. Балаларының бәрі бірінен соң бірі шетінеп жатыр.  Басқа амалы қалмаған Құрмаш емшіден көмек сұрайды. Емшінің кеңесі ақылға қонбаса да өз нәтижесін береді. Құрмаш балалы болады, бірақ тұңғышы қыз екеніне налиды. Емшінің айтуымен қызын Секер деп атап, оны ұл етіп тәрбиелейді. Ауылдың бәрі Секердің қыз екенін білмейді. Секер 13-ке толғанда мектеп директоры наразы болып, оны қыз ретінде қабылдау керек деген шарт қояды. Баланың алдында ұрланған балалық шақ, өзін-өзін тану және жасөспірім кезеңі тұрады.

Отбасылық

Секер

Тауда орналасқан бір шағын ауылда тоғыз жасар бала тұрады. Оның әкесі ұзақ іссапарға аттанып кеткен, ал анасы бес жыл бұрын қайтыс болған. Оның қалада оқитын ағасы бар, ол көп ұзамай үйге оралуы тиіс. Жас кейіпкер ағасын аңсап күтуде, себебі ол оралғанда үйінде және өмірінде жылу, сүйіспеншілік пен қолдау пайда болады деп үміттенеді. Ағасымен қауышқан бала қатты қуанады, бірақ күтпеген жерден бәрі өзгереді.

Бауыр

Ауылда өскен Алан есімді жігіт Алматыдағы жоғары оқу орындарының бірінің 3 курс студенті. Ол болашақта табысқа жетуге үміттеніп, қалаға келген. Алайда ол тумысынан жоқшылықты көрмеген, шалқып өмір сүріп үйренген жастардың ортасына түсіп, қиындықтарды басынан кешіруіне тура келеді. Бұл ортаның өз заңдары, тәртібі мен қағидалары бар. Оларды ұстану үшін Алан өмірін өзгертіп, жаңа заңдылықтарды қабылдауы керек.

Қылмыстық

Қызғылт қоян туралы ертегі

Шалғай ауылда шал мен оның келіні және немересі — үшеуі бірге тұрады. Олардың басты байлығы — бір отар қойлары. Қарт кісі қойларын бағып, немересіне көрген-түйгенін айтып, өмірге баулуда.  Бір күні шал жапан далада қойларымен бірге адасып кетеді. Жолда оған бір топ қасқыр кездеседі. Ал немересі ауыл тұрғындарымен бірге оған іздеу салады.

Шытырман оқиға

Шал

1930-шы жылдары қазақ даласында орын алған ашаршылық пен қуғын-сүргінде ауыл тұрғындары туған жерін тастап, аман қалу үшін жаңа қоныс іздеуге мәжбүр болады. Сондай көштің бірінде Шорман Жұмабайдың отбасына оқ атып, денелерін өзенге ағызып жібереді. Бұл қырғыннан Жұмабайдың баласы Керім мен оның досы Тағай аман қалады. Бірақ екеуін тағдыр екі жаққа айдап жібереді. 13 жыл өткен соң Екінші дүниежүзілік соғыс басталады. Шорман қазақ жігіттерін соғысқа жібереді. Ал Тағай мен Керімнің бар арманы әкелерінің кегін қайтару. Фильм Жүсіпбек Қорғасбековтың «Қасқыр-адам» повесіне негізделген.

Талан

Фильм қырық жасқа келген, орта жас күйзелісін кешіп жүрген, өмірден ештеңе күтпейтін банк қызметкері Қанат туралы баяндайды. Бір күні бас кейіпкер коуч-тренердің өмірде табысқа жету және көшбасшы болу жайлы тұлғалық өсу тренингіне қатысады. Көшбасшылықтың қыр-сырын түсініп, біраздан бері көрмеген танысы Даниярды кездестіргенде, оның өмірге деген көзқарасы өзгереді.

Тұлғалық өсу тренингі

Әйелі басқа еркекке кетіп қалған еңбек пәнінің мұғалімі Кәрім ұлы Байсалмен бірге қарапайым жатақхананың кішкентай ғана бөлмесінде тұрады. Тұрмысы төмен әкелі-балалы екеудің қарым-қатынасында да қарама-қайшылық болып тұрады. Кәрімнің ұлы жасы кіші болса да зерек, ақылды. Дегенмен оған ана алақанының жылуы жетіспейтіні байқалады.

Әкем екеуіміз

Бас кейіпкер Жакен ауылдан қалаға көшіп келіп, жаңа өмір бастауға талпынады. Қалаға бара жатқан жолда Сәкенмен және оның жұбайы Надиямен танысады. Кейіннен тағдыр Жакен мен Надияны қайта жолықтырып, күтпеген оқиғалар орын алады. Қала тіршілігінің қарбаласы, адамдардың бір-біріне немқұрайлы қарауы және әлеуметтік қиындықтар Жакеннің өмірге деген көзқарасына әсер етеді. Алматыға арман қуып келген ол бәрі өз ойлағандай емес екенін түсінеді. Кішіпейілдігі мен адалдығы қаланың қатаң қағидаларына үйлеспейді, сондықтан алғашқы күндерден-ақ оны түрлі сынақтар күтеді. Фильмде ауыл адамы мен қала мәдениеті арасындағы қайшылық, адамның рухани құндылықтарының сыналуы және өмірдің мәнін іздеу мәселелері тереңінен қарастырылады.

Ғашық балық

Фильм XVIII ғасырдың бірінші жартысын — қазақ халқының жоңғар шапқыншылығына қарсы ерлікпен күрескен кезеңін қамтиды. Сол дәуірде қазақ жасақтары бірігіп, басқыншыларға тойтарыс беріп, майданда шешуші жеңістерге жеткен еді. Кино желісі бойынша, осы соғыста ел үшін күрескен жауынгер ер-азаматтар қатарында жаужүрек Сартай батыр да өзі сияқты өрімдей жас, жеткіншек сарбаздарды жорыққа бастап шығады. Мың бала атанған Сартай жасағы қарасы әлдеқайда көп жауға аз ғана әскермен қарсы шауып, жеңіске жетеді. Бұл шайқас фильмде шешуші факторға айналып, қазақ халқының тарихында «Аңырақай шайқасы» деп танылған.

Жаужүрек мың бала

Ресейлік теледидар қызметкерлері мен қазақстандық кинематографистерден құралған жас, креативті топ Алматыдан Ауғанстанға деректі фильм түсіру үшін қауіпті сапарға аттанады. Оларға кезінде Ауған жерінде соғысқан және аяғынан жарақат алған — Марат Аюмов есімді ардагер көмектесуге келіседі. Ол сол жердің әдет-ғұрыптармен, дәстүрлермен және Ауғанстанның «заңдарымен» таныс, фарси тілін жақсы меңгерген. Бірақ ер адамның кезінде аты аңызға айналған «Қара Майордың» батальонында қызмет еткенін және оның Ауғанстанға оралуының жеке себептері бар екенін ешкім білмейді.

«А» - ға оралу

Тау арасында кішкентай станцияның ауыл тұрғындары темір жолды жөндеу жұмыстарымен айналысады. Бұл ауылда бүкіл өмірін теміржолға арнаған зағип қария, бригадир ұлы мен келіні тұрады. Қария жұмыстан шыққан соң, оның орнын ұлы басады. Теміржолдың жағдайын тексеруге ай сайын арнайы техника келеді. Бригадир ешқандай техника қолданбай жолды әкесімен бірге тексеріп, көрсеткіштердің әртүрлі екенін көреді. Бригадир кімге сенерін білмей, екі оттың арасында қалып қояды.

Дүние жарық

Қазақстанда 130 аса ұлт өкілі тұрады. Мұнда әлемнің жүздеген тілін естуге болады. Бұл мекен - кез келгенді жылы шыраймен қарсы алатын өлке. Ел тарихында, әрине, қиындықтар аз болған жоқ. Мысалы, Ұлы жұт, 1932 жылдан 1933 жылға дейін созылған Қазақстандағы ашаршылық. Басымызға қандай күн тумасын, көрші мемлекеттердің тумаларын қарсы алуға қашанда құшағымыз ашық болған. Бұл фильм сол бауырлас халықтардың: неміс, корей, түрік, күрд және басқа халықтардың жүрекжарды шынайы алғысы туралы. Енді олар Қазақстанды мақтанышпен өз Отаны деп атай алады.

Жерұйық

Фильм Жақсылық Үшкемпіровтің балалық шағынан бастап, спорттағы жетістіктеріне дейінгі өмір жолын қамтиды. Ол қарапайым ауылдан шыққан қазақтың қара баласы. Еңбекқорлығының арқасында Семейге оқуға түсіп, кейіннен күреспен айналыса бастайды. Дегенмен Олимпиадада жеңіске жету жолында түрлі кедергілерге тап болады. Жауырыны жерге тимеген спортшыларды жеңсе де, белгілі себептерге байланысты Спорт комитеті оның Олимпиада ойындарында өнер көрсеткенін қаламайды. Жақсылықтың табандылығы мен жаттықтырушысының сенімінің арқасында 1980 жылы Мәскеуде өткен Олимпиада ойындарында алтын медаль алып, Қазақстанның атын әлемге танытады. Фильмде оның жеке өмірі, отбасылық құндылықтары және қоғамға қосқан үлесі де суреттеледі.

Спорт

Жақсылық

Қазақтың ұлы ақыны, ойшылы Абай Құнанбаев жастайынан білімге ұмтылып, әлеуметтік әділетсіздікке қарсы тұрды. Медреседе оқып, еліне оралған соң, Абай әкесі Құнанбайдың жауыздығын, оған елдің көңілі толмайтынын көреді. Әкесінің ел билегенін сырттай бақылап, көп ой түйеді. Әсіресе Қодар мен Қамқаны жазалау сәті жас Абайға қатты әсер етеді. Фильмде Абайдың Тоғжанмен кездескені, медреседе білім алуы мен ел басқару ісіне араласуы баяндалады. Ол өлеңдері арқылы білімге, еңбекке және рухани дамуға үндейді. Абайдың өмірлік күресі мен рухани ізденістері оны қазақ халқының ұлы ойшылына айналдырады.

Франция

Абай

Алмаз есімді жігіт бай әрі ірі беделге ие әкесінің арқасында жоқшылық тауқыметін тартып көрмеген. Деседе өзге байлардың еркетотай ұлдарынан ақылы мен көрегендігі және мейрімділігімен ерекшеленеді. Жігіт Эльвира есімді аруды кездестіріп, шаңырақ көтеруге ұсыныс жасайды. Бірақ дәл той күні оқыс оқиға орын алады. Жақын досы қоңырау соғып, көмектесуін өтінеді. Алмаз дереу көлігіне отырып, досына жол тартады. Жолда оған әкесі мен қалыңдығы қоңырау соғып, дегбірін қашырады. Ол аздай, бизнестегі серіктестері де мазасын алады. Дәл осы сәтте жақындары жайлы ол білмеген көлеңкелі тұстары айқын болады. Түрлі құпиялар да ақтарылады. Көңілі қалған Алмаз енді кері оралғысы келмейді.

Алмаз

Әбілқайыр ханның әділетсіздігі мен қатал саясаты халықтың наразылығын туырады. Керей мен Жәнібек өз халқының азаттығы мен болашағын ойлап, оларды ханның ықпалынан шығарып, Жетісу аймағына көшуге шешім қабылдайды. Бұл қадам халықтың бірлігін сақтап қалу үшін маңызды шешімге айналады. Олар халықты еркіндікке жетелеп, жаңа мемлекеттің негізін қалауға бел буады. Жаңа мемлекеттің іргесін қалай отырып, жауларынан қорғануды және ішкі бірлікті сақтауды ойлайды. Көрші елдер мен бұрынғы жаулардың қысымына қарамастан, Керей мен Жәнібек қазақ жұртын аман сақтап қалу үшін бірлеседі. Режиссер Рүстем Әбдіраштың «Қазақ хандығы.

Қазақ хандығы. Алмас қылыш

17 жастағы Айдос ауылда науқас анасымен бірге тұрады. Бекбота мен Ләйлә үшеуі биыл мектеп бітіреді. Үшеуі кассетадан Ван Даммның фильмдерін көреді, өзенге шомылады, әр күнін бірге өткізеді. Жаздың соңғы айында ауылға сұлу да сымбатты Әлия деген бойжеткен көшіп келеді. Айдос Әлияны бір көргеннен ұнатып қалады. Сол күннен бастап Әлияға үй шаруасына көмектесе бастайды. Үш достың арасы суып, бірге уақыт өткізуді қояды. Айдостың анасы қалаға емделуге кетеді, артынша көп ұзамай қайтыс болады. Жетім қалған бала алғашқы махаббаты мен достарын тастап, қалаға көшуге мәжбүр.

Тамыз

ХХ ғасырдың 90-шы жылдары. Үш дос өмірлерін жақсарту мақсатында бизнеспен айналыса бастайды. Бизнес әрқашан тәуекелді керек етеді және жас кәсіпкерлер табысқа жету үшін көп нәрсені құрбан етуге мәжбүр. Ақшаның буы мен заңсыз келісімдер олардың басын айналдырып, ақырында тағдырларын өзгертеді. Фильмнің кейіпкерлері нарық үстемдік орнатқан заманға қадам басқандарды бейнелейді.

Бизнесмендер

Серік Сәпиев — бокс жұлдызы. Қазақстанда бірнеше рет тәжірбиелі әрі мықты боксшыларды жеңген. Үлкен үміт күттірген Серік Бейжің Олимпиадасының жекпе-жек алаңында таиландтық боксшыдан күтпеген жерден жеңіліп қалады. Осыдан соң оның өмірі толығымен өзгереді. Әріптестері теріс айналып, өзіне деген сенімін жоғалтып, күреңсіз кезеңдерді бастан кешіреді. Алайда чемпионды тағы бір Олимпиада ойындары күтуде.

Боксшы

Фильм қазақ халқының дүрбелең кезеңдерін, атап айтқанда ашаршылық, соғыс және қуғын-сүргін жылдарын басынан өткерген Ілияс есімді баланың өмірін суреттейді. Ілияс әкеден ерте айырылады, оны ағайындары шетелге алып кетеді. Бірнеше жыл өткен соң Ілияс елге қайта оралады, алайда тағдырдың тәлкегімен балалар үйіне түседі. Уақыт өте Ілияс ер жетіп, Екінші дүниежүзілік соғыс басталғанда майданға аттанады. Ол жаумен күресіп, елі мен жерін қорғау жолында үлкен ерлік көрсетеді. Ал анасы Мариям ештеңеге қарамастан баласының жолын тосады.

Анаға апарар жол

1967 жылы құрылыс отрядтарында ән айтумен бастаған Қазақ политехникалық институының студентері кейіннен бүкіл Кеңес Одағын өзіне қаратқан әйгілі «Дос-Мұқасан» тобына айналады. Құрамы өзгергенмен жүрегі өзгермеген аты аңызға айналған музыкалық ансамбльдың толық тарихы фильмде көрсетілген. Топтың құрамындағы жігіттердің қарым-қатынасы, оқу мен өнер арасындағы арпалыстары, өмірлік қиындықтары мен күрестері және сол кездегі еліміздің бейнесі көрініс тапқан тарихи музыкалық драма.

Музыкалық

Дос-Мұқасан

Фара — арбаға таңылған бала. Боб есімді жан досы аяққа тұрып, жүріп кетуіне көмектескісі келеді. Бобтың айтуынша, Фара қатты шошыса аяққа тұрып кетеді, сөйтіп екеуі көпқабатты үйдің шатырына шығып, секіруге бел байлайды. Фараны бизнесмен әкесі құтқарады, ал Боб құлап кетіп, қайтыс болады. Уақыт өте баланың әкесін белгісіз біреулер өлтіріп кетеді. Фараның қолында мұра жатқан сейфтың коды ғана бар. Қылмыскер енді Фараның ізіне түседі. Сейфтың коды, Боб, қылмыскерлер — бәрі өзара байланысты екені анықталады.

Фара

Табиғатынан тұйық, орта жастағы сүрбойдақ жігіт Мэлс қала ауруханасында хирург болып жұмыс істейді және өз саласының үздік маманы. Мэлстің көңілсіз де қызықсыз өмірі жұмбақ қызды кездестіргенде өзгере бастайды. Нәзік бойжеткен тартымды қылығымен жігітті бірден баурап алады. Алайда бойжеткеннің ешкімге тіс жармаған құпиясы бар. Дәрігер жігіттің де өткені елес тәрізді алдынан шығып, қатесін бетіне басар күн жақын.

Хирург

Банк қызметкері, әрі құмар ойыншы Батыр туралы оқиға. Ол жұмыста VIP клиенттерге қызмет етеді және сол жерде жұмыс істейтін досы мен оған ғашық болып қалған әріптес қыздың көмегімен олардың ақшасын шоттан шешіп алады. Бірде ол қолындағы бар ақшаны ойынға тігіп, барынан айрылады.

Ойын

Қазақстанның шеткі аудандарында болған бұл оқиға бүкіл елді дүрбелеңге салды. Осы жағдайдан кейін қаланың өмірі толығымен өзгеріп, тексерістер жасалып, көп полиция қызметкерлері жұмыстарынан қуылды. Шынайы оқиғаларға негізделген фильмнің басты кейіпкерлері — екі ағайынды бауырлар. Үлкені түрмеде карта ойнап, қомақты ақша қарыз болып қалады. Еркіндікте жүрген інісі бір аптада сол қаражатты тауып бермесе ағасы түрмеден тірі шықпайды. Басты кейіпкер бауыры үшін барын салып, мәселені шешуге кіріседі.

Фильмнің бас кейіпкерлері — қарт Еңсеп және оның ұлы Жомарт. Еңсеп құдық қазумен күнелтеді және күндердің күнінде жердің астында жасырылған теңізді табатынына сенеді. Алайда Жомарт әкесінің мақсатына жетуі үшін жәрдемдеспейді, есесіне ол қарақалпақ көпесінің қызына үйленуді көздейді. Екі ұрпақтың көзқарасындағы қайшылықтар шарасыздыққа әкеледі.

Шыңырау

Фильмде өмірінің шырқын бұзып, барымташылар отағасын аяусыз өлтірген отбасы туралы баяндалады. Марқұмның Олжас есімді 12-жасар баласы барымташылардың қолынан мерт болған әкесінің өліміне қайғырып, зұлымдықпен күресіп, отбасыларына түскен ауыртпалықты қарындастарымен бірге кешеді. Қорғансыз қалған Олжастың отбасына ғайыптан пайда болған бөгде біреу қол ұшын созады.

Жапония

Барымташылар. Уақыт жолдары

Кішкентай Қайсар атасымен бірге ауылда тұрады. Оңы мен соңын танып үлгермеген бала жақында әкесінен айырылған. Атасы оған шындықты айтуға бата алмай, әкесі сапарға шығып кетті деп өтірік айтады. Бірақ бала сонда да сұрай береді. Қайсардың сұрағынан мезі болған атасы оны дарияның арғы жағына кетті дейді. Оның артынан іздеп бара алмайды, себебі дариядан қайығымен өткізетін шалға бір қап тиын беру керек. Енді Қайсар бар күшін әкесіне баруға жететіндей бір қап ақша жинауға арнайды. Шыны бөтелке жинап сатып, ауылдастарына азын-аулақ ақыға көмектеседі.

Тиын

Бұл — қазақ аңыз әңгімесіне негізделген әсерлі махаббат хикаясы. Сарыбай мен Қарабай дос және белқұда болуға серттеседі. Бірақ Сарыбайдың қайғылы қазасынан соң Қарабай қызын басқа байға қоспақ болып, берген уәдесінен таяды. Уақыт өтеді, Қарабайдың жоспарына қарамастан, екі достың балалары Қозы мен Баян бір-біріне ғашық болады. Олардың пәк махаббаты қоғамның қатал заңдары мен ата дәстүрге қарсы тұру керек болады. Қос ғашық бұл кедергілерді жеңе ала ма, әлде олардың сезімі қатыгез өмірдің талқысына түсе ме?

Қозы Көрпеш-Баян сұлу

Төлеген сұлу әрі ақылды Жібекке ғашық болып, оған үйленуге серт береді. Алайда қос ғашықтың рулары бір-бірімен бітіспес жауға айналғанына біраз жыл болған. Әкесінің батасын алмастан, Төлеген сүйіктісіне құда түсу үшін жолға шығады. Алайда Жібекті айттырып қойған Бекежан оның жолын тосып, өмірін қияды. Төлегеннің қайтыс болғанын естіген Жібектің жүрегі қарс айрылады.

Қыз-Жібек

Ауыл баласы Құрмаш даладан бөлтірік тауып алып, оны «Көксерек» деп атайды. Бала оны досындай баптап, бауыр басады. Бірақ қанша асыраса да Көксеректің жабайы болмысы жеңіп кетіп, даланы аңсайды. Мұны көрген нағашысы Көксеректен құтылғысы келеді. Бір күні нағашысы ұрлап әкелген қойға басқа қасқыр шауып, Көксерек те соларға қосылып, Құрмаштан кетіп қалады. Араға біраз уақыт салып бала мен қасқыр қайта жолығады. Адам мен аңның арасындағы бұл күрес қайғылы қақтығыспен аяқталып, адам баласы жабайы әлемнің ырқына бағыну керек екенін көрсетеді.

Кеңестік Социалистік Республикалар Одағы

Көксерек

Бизнеспен айналысатын қатал Жанна марқұм әжесінің үйін сату үшін ауылға көшіп келуге мәжбүр.  Ал Гүлзия апа бүкіл балаларын бір дастархан басында жинауды армандайды. Ол үшін қарт әйел бүкіл ауылға интернет кіргізуге де дайын. Айжан өмірлік жарын күтумен күдері үзілуге жақын. Ал Жанат балаларын бағып, ауыл шарушылығымен айналысады. Бұл жарқын да нәзік жандарды не байланыстырады?

Анашым

Бір қарағанда фильмде екі түрлі оқиға өрбіп жатқандай. Бір жағынан «Дегелен» ауылының күнделікті тұрмыс тіршілігі, ал екінші жағынан әскерилердің атом бомбасын сынап жатқан әрекеті бейнеленген. Ауыл адамдары кешке биге барады, күнделікті жұмысын істейді. Бұл ауылда Ләйлә да тұрады, ол бес жасында жетім қалған. Қызды апасы Қатира асырап алған. Ләйлә есегіне мініп, ауылды аралайды. Сұлу әрі аңғал Ләйләға ауыл жігіттері көз тігіп, жаман ойларын іске асырғысы келеді. Таудың арғы жағында алып саңырауқұлақтарға ұқсас бұлттар көрінген күні қатты жел тұрып, адамдар мазасыздана бастайды. Қатар болып жатқан бұл екі оқиға түйіскен кезде, адам өмірі құрбан боларын әлі ешкім білмейді.

Қызжылаған

Фильмде аз ғұмырында баға жетпес туындылар қалдырған ақиық ақынның тағдыры мен күресі баяндалады. Көзі тірісінде поэзияға қосқан үлесі тиісті бағасын алмаған мұзбалақ ақын Мұқағалидың жан дүниесімен ішкі арпалысы ақыры дертке ұласады. Ол аздай сұм ажал көзінің қарашығындай аялаған қызынан айырады. Жазушылар Одағынан қуылып, жұмыссыз қалады. Ауыр сынақтар ақынның сағын сындырғанымен өмірінің соңына дейін бойындағы талантынан айыра алмады. Қиын-қыстау кезеңде Мұқағали Мақатаевтың өлеңдері оған рух беріп, жаралы жанына медеу болды. Фильмде тек ақындық болмысы ғана емес, сондай-ақ, адам баласына тән көлеңкелі тұсымен күресі де көрініс тапқан.

Мұқағали

Қазақ даласын аштық жайлаған кезең. Ауыл адамдары нәубетке шыдамай, ел асып кетуге бел буады. Олардың ішінде кішкентай ұлы бар жас отбасы да бар. Бар мүлкін арбаға тиеп, жолға аттанады. Арбада немересі мен әжесі, арбаны сүйрейтін әкесі, ал итеретін атасы мен келіні. Жол бойы олар аштан өлген адамдардың мәйітін, қаңырап бос қалған ауылдар мен дала кезіп жүрген руластарын кездестіреді. Әбден ашыққан отбасының бар тамағы — құрт. Балақай құртты қаптан байқатпай алып, жол бойы жеп отырады. Әкесі демалуға тоқтаған кезде құрттың жоғалғанын біліп, қатты ашуланып, баласын жазаламақшы.

Шырғалаң

Толик есімді орта жастағы кейіпкер үлкен қалада өз жанұясын асырау үшін барынша тырысып бағуда. Жалақысы ешнәрсеге жетпейді. Отбасы пәтер жалдап тұрады, әйелі тоқаш пісіріп сатады, әкесінің зейнетақысы комуналдық қызметтерден артылмайды. Әйелінің аяғы ауыр, онымен қоса мектеп оқитын қызы да жүкті болып қалады. Бүкіл басқа түскен ауырпашылықтарды шешу үшін Толик кредит алып, қарызға кіруге мәжбүр. Өмірдің қиын сынақтарына қарамастан сағы сынбады. Жарқын да жеңіл отбасылық драманың режиссері — Айжан Қасымбек. Түсірілім тобының басым көпшілігін әйелдер қауымы құрайды.

От

Жас ана қызы екеуі қалада өмір сүреді. Бұл қалада қызы екеуінен басқа тірі жан жоқ. Бірде бір тіршілік нышаны байқалмайды. Айнала мүлгіген тыныштыққа оранған. Бір күні олар қаладан тағы бір тұрғынның ізін байқайды. Осы сәттен бастап олардың өмірі түбегейлі өзгереді.

Әйел

Жергілікті бандалардың көшбасшысы Муха тұтас бір ауданды басқарып, қитұрқылық іс-әрекеттермен айналысады. Оның мұндай батылдығы кіші інісінің қызығушылығын туғызады. Алайда бір қарақшылық шабуылдан кейін бауырлардың жолы екіге бөлінеді. Үлкені әскерге кетеді, ал кішісі ауданда оның ісін жалғастырады. Бір күні олардың жолы қайта түйіседі.

Жігіттер

Шерхан және Қазанбас есімді екі жігіт Алматыға келіп, күнелту үшін заңсыз әрекеттермен айналыса бастайды. Бір күні достар қыдырып жүріп екі қызбен танысады. Таныстықты жалғастыру үшін қыздар оларды өз үйлеріне шақырады. Алайда ол жерде бұларды күтпеген тосын сый күтіп тұр. Осылайша екі дос байқамай құлдыққа түсіп қалады. Ол жерде олар күні-түні тұшпара жасауға мәжбүр. Шерхан бұл құлдықтан қашып құтылудың амалын ойласа, Қазанбас тұшпара сатылымын арттыру бойынша кеңестер айтып, жаңа басшыларын өзіне қаратып алады. Енді достар құлдықтан құтылумен қатар өздерінің араларындағы кикілжіңді де шешулері тиіс.

Қораға кірдік

Кеңес Одағының жауынгері Мәншүк қатал әрі тұйық қыз. Алдымен ол штабта қызмет атқарады, бірақ өзі майдан шебіне сұранып, көп ұзамай пулеметшілер батальонына қосылады. Онда ол Валентин Ежов есімді лейтенантпен танысады. Ол жас қызға назарын аударады, алайда Мәншүк тек жауды жеңуді ойлап, оны тіпті елемейді. Соңғы шайқасында ол жарақат алғанына қарамастан соңына дейін күресіп, пулеметінен бір елі ажырамайды.

Мәншүк туралы дастан

Амир есімді жасөспірім шын өмірден виртуалды әлемде жасырынады. Үйі мен мектептегі қиындықтардан бас сауғалаған балаға ол жақта бәрі оңай болып көрінеді. Алайда барған сайын ол цифрлық әлемге толығымен кіріп кетеді. Ата-анасы өздерінің арасындағы кикілжіңдерді шешумен жүргенде бала виртуалды әлемге тәуелді болып қалады.

Күнбағыс

Кеңсе тіршілігінің бірсарынды әлемінде тұншыққан Жолдас есімді ақын бұл өмірде оны ешкім түсінбейді деп қорқады. Күндердің бір күні ол бұрынғы армандарын, поэзияға деген махаббатын еске түсіріп, өзін қайта іздей бастайды. Шабыт пен ішкі дауыс, өнер мен өмірдің, жан мен жүйенің арасындағы күрес туралы фильмнің режиссері —  Дәрежан Өмірбаев. Режиссер өзіне тән минимализм мен шынайылық арқылы шығармашылық пен тұрмыс, өнер мен бейқам қоғам арасындағы қайшылықтарды терең сараптайды.

Ақын

Алматы, 1987 жыл. Фильмнің басты кейіпкері — 16 жастағы Арсен есімді бозбала. Ол қала шетінен орталыққа көшіп, жаңа мектепке ауысады. Жаңа мектепте ол аудандарға бөлініп, бұзақылардың белсенді өкілдері болып табылатын сыныптастарымен араласа бастайды. Арсен көшедегі жасөспірімдер арасындағы әлімжеттік пен зорлық-зомбылықты көреді. Оның алдында тек екі таңдау ғана бар: көше бұзақыларының заңын қабылдап, солардың бірі болу немесе өз қағидаларына адал болып қалу.

Аудандар

Оның мансабын қызғаныш жойды. Аурухана төсегіне танылып, өзіне мүлдем таныс емес әлемді көрді. Қайта аяққа тұрып, қалпына келу үшін ол бала кезде арманының арқасында биік шыңға қалай жеткенін есіне алды. Себебі тек арманы ғана оны аяққа тұрғызып, кедергілерді еңсеруге көмектеседі.

Серпіліс

Өркениеттен алыс ауыл өзінің жайбарақат өмірін сүруде. Бір күні ауыл жанындағы жолда үлкен машина бұзылады. Ол аса қымбат тауарды тасымалдап бара жатқан қылмыскерлер. Олар ауылды уақытша паналай тұрайық деп келіп, жергілікті тұрғындарға тиісе бастайды. Оларды құтқаратын бір-ақ адам бар — ол полиция қызметкері.

Вестерн

Саташ

Шағын ауылда мекендейтін Бөлекбай есімді электриктің өмірі бір сарынды. Үй мен шаруаның айналасында ғана, еш қызығы жоқ. Бір күні сұрықсыз өмірі бір сәтте өзгеріп, бойына тылсым қасиет дариды. Ер адамды найзағай ұрып, есінен танады. Көп ұзамай тылсым күшке ие болғанын байқайды. Енді ол кез келген металдан тұратын затты түйсігі арқылы орнынан жылжыта алатын қасиетке ие. Билік басындағыларға бұл құбылыс мәлім болып, оған ел мүддесі үшін арнайы тапсырмалар жүктеледі. Бірақ ер адамның өмірі қыл үстінде болады. Себебі саяси ойынның тырнағына ілігеді. Енді бұл шырғалаңнан қалай құтылмақ?

Фантастика

Сен маған керексің

Шер есімді бала құлын туралы армандап, ағасын буаз биені сатпауға көндіреді. Жаңа туған құлынға олар Шоқ деген ат беріп, бала екеуі бірге өсіп, дос балады. Бір күні Шер аттан құлап, ауруханаға түседі. Сол кезде ағасы Шоқты сатып жіберіп, орнына мотоцикл алады. Жазылып шыққан Шер құлынын қимай, оны іздеуге шығады.

Шок пен Шер

1943 жыл Екінші Дүниежүзілік соғысы үшін сұрапыл, бетбұрысты жыл болды. Атқыштар курсын тәмамдаған кәмелетке толған жас қыздар майданға аттануы керек. Олардың ішінде Әлия да бар. Әлия Ленинградтағы мергендер училищесінде оқиды. Курстастарымен соғысқа дайындалып, қабілеттерін шындайды. Жаздың мамыражай күндерінің бірінде неміс әскері әуеден шабуылдап, достарынан айырылып қалады, ал тірі қалғандар майданға аттанады.  Әлия үшін соғыс тек жауға қарсы күрес емес, өз қорқынышымен де күресу. Бар-жоғы 18 жастағы бойжеткен енді жерін қорғау керек.

Мергендер

Қазақтың жапан даласында жалғыз темір жол бекеті бар. Дәл осы жерде Айдар өзінің қызы Сәулемен тұрады. Көп ұзамай бұл жерде ақшасы жоқ және қазақ тілін білмейтін француз туристі Этьен пайда болады. Айдар саяхатшыға көмектесіп, пана беріп, қызымен таныстырады. Жастар арасында алдымен достық, содан кейін романтикалық сезімдер біртіндеп пайда бола бастайды. Алайда, Сауле мен Этьеннің қарым-қатынасы әкесіне ұнамайды. Сәуле Этьенмен бірге Еуропаға кетуге шешім қабылдағанда, Айдар ашуланып, оларға қарсы тұруға тырысады.

Дала экспресі

Зәкір кішкентай кезінен аттарды жақсы көреді. Өмірдің талай қиыншылықтарына қарамастан ол Тарлан деп ат қойған құлыншағын өсіріп, бәйгеде жеңімпаз атануды армандайды. Бұл жолда оған атасы Сафа мен Айгүль есімді дос қызы көмектеседі. Сабантойда жеңіске жету үшін ат пен бала бар күшін салады.

Тарлан

1927 жылы Қиыр Шығыста Кеңес Одағымен сауда келіссөздерін жүргізіп жатқан ірі жапон бизнесменінің қызы араңдату мақсатында жауыздықпен өлтіріледі. Бұл қайғылы жағдайға қарамастан бизнесмен Транссібір экспрессіне отырып, Мәскеуге жол тартады. Шет елдің тыңшылары оның жоспарын барынша бұзу үшін түрлі амалдар қарастырады. Алайда олардың жолына мемлекеттік қауіпсіздік қызметкері — Қасымхан Шадияров бөгет болады.

Транссібір экспресі

Жергілікті шабандоздың отбасында қайғылы жағдай орын алды: көлік апатында сүйікті әйелі қайтыс болады, ал өзі мүгедектер арбасына таңылады. Отбасында тек ер адамдар қалады. Олар өмір сүруді қайта үйреніп, әр жаңа күннен қуаныш табуға тырысады. Үлкен ұлы әкесінің ісін жалғастырып, атақты шабандоз болуды шешеді. Алайда арманға жету жолында ол көптеген күтпеген кедергілерді жеңуі керек.

Құйын

Кино ұлы ақын Жамбыл Жабаевтың өмір тарихын бейнелейді. Фильм оның балалық және жасөспірім кезеңін, поэзия ол үшін өмірінің маңызды бөлшегіне айналған дәуірін қамтиды. Ғашық болу, алғашқы өлеңдер, сынақтар мен шабыт алған сәттер — оның бірегей болмысын қалыптастырды. Картинада оның шығармашылық жолына ерекше назар аударылды: фильмде Жамбылдың поэзиясының күші мен ұлылығын көрсететін шығармалары шырқалады.

Жамбылдың жастық шағы

Теңіз жағасындағы шағын балықшылар ауылында қайғылы жағдай орын алады. Қадір есімді жігіт қайығымен бірге суға батып кетеді. Оның артында әйелі мен қызы қалады. Қайықтың иесі Макош шығынды өтеуді талап етеді. Сара бұл мәселені шешу үшін қызын Макошқа тұрмысқа беруге дайын. Алайда Зеренің жүрегін жаулаған сүйіктісі бар. Қыз өмірінде алғаш рет анасына қарсы шығады. Теңіз жағасында еркін өскен бойжеткен еркінен тыс егде адамға тұрмысқа шығуға қарсы. Алайда Сара аналық борышын өтеп жүрмін деп санайды. Ол Зерені жанындай жақсы көреді және бұл қадам перзентінің қамы үшін жасалды деп ойлайды.

Зере

Фильмнің басты кейіпкері — өз ісіне адал, сұлу әрі заман ағымына сай өмір салтын ұстанатын Александра есімді қаланың қызы. Оның ғашығы — сән фотографы, бірақ ол үйленген жігіт. Ол әйелімен ажырасам деп уәде береді, бірақ оны орындауға құлшынысы жоқ. Бір күні кейіпкердің өмірінде бандиттерден бой тасалаған жас жігіт пайда болады. Және сол жігіттің арқасында ол әлемде шынайы және риясыз махаббат бар екенін түсінеді.

Күн әйелі

Бас кейіпкер Темірлан күндіз базарда арба сүйреп, көліктерді тонап күнелтеді, ал кешке ережесіз бокс алаңына шығып күш сынасады. Заңсыз әрекеттер арқылы күн көрсе де, айналасындағы мұқтаж жандарға көмегін аямайды. Атасымен бірге тұратын бойжеткен Рауанға да қамқор.  Оның бар арманы Головкин, Сапиев сияқты кәсіби боксшы болу. Сондықтан ережесіз бокстан кетіп, кәсіби рингке шығуға дайындала бастайды. Алайда, Темірланның арқасында табыс тауып жүрген Босс оны оңайлықпен жібергісі келмейді.

Жол

Ақылды әрі зерек Кәусар кішкентай ауылда әкесімен бірге тұрады. Қыздың анасы ертеректе қайтыс болған. Анасын қатты сағынса да, бүлдіршін мойымайды. Ал әкесі Әлихан әйелінің қазасын көтере алмай, ішімдікке салынып, қызына көңіл бөлуді тоқтатты. Анасы аққан жұлдызға қарап, тілек тілесең, міндетті түрде орындалатынын айтқаны Кәусардың есінде. Сондықтан бүлдіршін әр түні аспанға ұзақ қараумен болады. Оның жалғыз тілегі — әкесі оны қайта жақсы көрсе екен. Бір күні Кәусар жұлдыздар анығырақ көріну үшін шатырға шығады. Бұл әрекеті оның өмірін түбегейлі өзгертеді.

Қысқаметражды

Жұлдыздар

Австралия

Армения

Бельгия

Германия

Гонконг

Дания

Ирландия

Испания

Италия

Канада

Қытай

Латвия

Нидерланды

Норвегия

Оңтүстік Корея

Түркия

Украина

Ұлыбритания

Финляндия

Швеция

Ел

Детективтер

Балаларға арналған

Деректі

Драмалар

Комедиялар

Жанр

https://api.unicoplay.com/categories?category=movie&genre=drama&for_kids=false&apikey=KNnpXL0TCyMm9F0qFqF5vsBzj3O4NGBs&locale=kk&content_lang=kk

Фильмдер: драмалар - онлайн көру