Александр

Белгілі режиссер Александр Сокуровтың шәкірті («Фауст») түсірген жүрек жарды драма. Шалғай ауылда тұратын Тоня, табыс табуға кеткен ұлының оралуын күтуде. Күтпеген жерден ол қаралы хабар алады. Шын мәнінде, Женя Сирияға барып жалдамашы болып қызмет етіп, өзінен соң қарақағаз бен қомақты өтемақыдан басқа ештеңе де қалдырмай қайтыс болады. Есеңгіреген әйел биліктен жауап пен нақты тергеуді талап етеді. Көп ұзамай оның үйінде өзін Женямын деп атайтын жігіт пайда болады. Оның қолында барлық қажетті құжаттары да бар, ауыл кісілері де оны таниды, бірақ ананың жүрегін алдау мүмкін емес.

Драма

Ресей

Анашым, мен үйдемін

Лера есімді бойжеткен қыз бен Влад есімді жас жігіт жастықтың буымен жаман жолға түсіп, есірткі сатумен айналыса бастайды. Көп ұзамай бұл істері өмірлеріне қауіп төндіреді. Олар қылмыскерлерден бас сауғалап, Мәскеуге қашып кетуге мәжбүр болады. Бірақ мұнда да қиындықтарға тап болады. Соңғы ақшаларын пәтерақыға жұмсаған жастар жұмыс таба алмай әбігерге түседі. Амалы таусылған жастар вебкам кәсібіне бет бұрады. Лера камера алдында мың бұралып, ер адамдармен онлайн түрде көңіл көтере бастайды. Бұл кәсіп оларға қыруар ақша табуға мүмкіндік бергенімен, көптеген оқыс оқиғалар мен қиындықтарға әкелетін болады.

Александр Горчилин: фильмография