Алексей

80-жылдары Матвей Пиотровский есімді физик ғалым болашаққа зу етіп жеткізетін құрылғы ойлап табады. Алайда бәрі ол ойлағаннан мүлдем басқаша болып шығады. Тәжірибе нәтижесінде тұрып жатқан пәтері екі дәуірге бөлінеді. Пәтердің бір бөлігі 1982 жылдың еншісінде қалып қояды. Ал екінші бөлігі 21 ғасырдың 2020 жылғы интернет дәуіріне өтеді. Жаңа дәуірде Сергей есімді азамат отбасымен бірге тұрады. Бәр пәтерде мекендейтін көршілер енді түрлі қызықты оқиғалар мен кедергілерге тап болады. Екі түрлі дәуірде қалып қойған отбасылар бұл жағдайдан құтылу амалдарын іздей бастайды. Осы тұста ғалымның немересі атасының жіберген қателіктерін түзеуге кіріседі. Бұдан қандай нәтиже шығары белгісіз.

Комедия

Фантастика

Ресей

Өткеннен келген меймандар

Борис есімді полиция қызметкері жеке өміріндегі келеңсіздіктерге байланысты күйзеліске ұшырап, ішімдікке әуестенген. Қызметіне де немқұрайлы қарап, жауапкершіліктен қашқақтауды әдетке айналдырған. Бірақ бір күні ол адам танымастай болып өзгереді. Қандықол қылмыскерлерді құрықтап, өмірін қатерге тіге бастайды. Ең қауіпті істерді ашуға қол сыбана кірісіп, қарша жауған оққа қарамастан істі аяғына дейін жеткізетін деңгейге жеткен. Әп сәтте қаһарманға айналған жігіт айналасындағыларды есеңгіретіп, аң-таң етуде. Бұл өзгерістің себебін жақындары мен әріптестері түсіне алмауда. Алайда ер адамның ешкімге тіс жармаған құпиясы бар.

Мен кеттім!

Ухожу красиво

Даша есімді бойжеткен шағын қалашықта өмір сүреді. Әйел теңдігі мәселесін қозғап жүрген қыздың бұл ойын мұнда ешкім құптамайды. Тіпті түсінбейді. Қыз қоғамдағы әйел рөлі туралы өз ойын әлеуметтік желі арқылы жеткізуді қолға алады. Егер қыздың парақшасы танымал болып, көп оқырман жинаса — Мәскеуге грант ұтып алу мүмкіндігіне ие болмақ. Бір күні мұндай мүмкіндік туады. Бойжеткен поезде дөрекі жігітті кездестіреді. Антон есімді жігіттің әйел затына тіл тигізгені бойжеткеннің шамына батады. Қыз жігітті райынан қайтарып, түзетпек болады. Осылайша видео түсіріп, блог жүргізуді қолға алады. Парақшаның басты кейіпкері Антон болады. Жігіт бұл ұсынысқа оңайлықпен келіспейді. Оның ойластырған арам жоспары бар.

Алексей Макаров: фильмография