Асель

Аяла сырт көзге табысты, мансап пен жетістікке жеткен сенімді әйел болып көрінеді. Алайда мықты болып көрінгісі келетін келіншектің жаны жаралы еді. Сүйкімді қызының әкесінен кенеттен айырылғанда өмірінің сәні мен мәні де кеткен еді.  Жүрегін мәңгі мұз басқандай күй кешуде. Қызына аналық мейірімін көрсете алмайды. Аяланың жан азабын көрген құрбысы бір күні оны балгерге ертіп апарады. Осы сәттен бастап келіншектің жүрегінде үміт ұшқыны пайда болады. Алайда бұл ұшқын алапат өрттің нышаны ма әлде жанбай жатып сөнетін алдамшы сағым ба?

Драма

Мелодрама

Детектив

Қазақстан

Үлкен кішкентай өмір

Большая маленькая жизнь

Фильм қырық жасқа келген, орта жас күйзелісін кешіп жүрген, өмірден ештеңе күтпейтін банк қызметкері Қанат туралы баяндайды. Бір күні бас кейіпкер коуч-тренердің өмірде табысқа жету және көшбасшы болу жайлы тұлғалық өсу тренингіне қатысады. Көшбасшылықтың қыр-сырын түсініп, біраздан бері көрмеген танысы Даниярды кездестіргенде, оның өмірге деген көзқарасы өзгереді.

Криминал

Тұлғалық өсу тренингі

Тренинг личностного роста

Дастан есімді жігіттің өмірінде қиын кезең белең алып, әйелі екеуінің арасында түсініспеушілік орнаған. Аяғы ауыр келіншек ашуға ерік беріп, отбасының шырқы бұзыла бастаған. Кикілжіңнен шаршаған Дастан достарымен бірге бірнеше күн сауық-сайран құрып келуге шешім қабылдайды. Достарының бірі жолы болмаған кәсіпкер болса, екіншісі — қарапайым учаскелік полицей. Осылайша үш дос кездесіп, балық аулауға аттанады. Алайда үрейге толы шытырман оқиғалардың куәсі атанамыз деп әсте ойламаған еді. Олар қандықол қарақшыларға кезігіп, өмірлері қыл үстінде болады. Әрбір оқиға олар үшін қиын сынаққа айналады. Сындарлы сәтте жігіттер достығын сақтап қала ала ма?

Комедия

Жаным, айтсам сене алмассың

Жаным, ты не поверишь

Басты кейіпкер — сымбатты, табысты, сырт көзге бақытты көрінетін Диана есімді келіншек. Бірақ шын мәнінде Диананың өмірі қорлық пен қорқынышқа толы. Асқар есімді беделді кәсіпкер күйеуі оны ұрып-соғып, жанын жаралап, қорлаған. Диана көпке дейін үндемей төзіп келген. Бірақ бір күні бұл үнсіздік үзіліп, оқиға қайғылы жағдаймен аяқталады. Асқар мерт болып, Диана айыпталушыға айналады. Сот залына бес әйел жиналады: айыпталушы, адвокат, прокурор, судья және марқұмның қарындасы. Әрқайсысы өз тағдырын мен қайғысын айтып, әйелдің қоғамдағы орны, әділетсіздік пен қорқыныш туралы ой қозғайды. Әр кейіпкердің үнінде жан жарасы мен жеке күресі көрініс тапқан. Бұл жай ғана сот емес, бұл үнсіздікпен күрес, қоғамға қойылған сұрақ.

Жауап бер

Марк — жекеменшік мектепте оқитын жоғарғы сынып оқушысы. Оның өмірі бірқалыпты өтуде: сабағы, достары және сүйген қызы Айлинмен кездесулері бар. Бірақ бір күні бәрі кенеттен өзгереді. Айлин себептен себепсіз одан алыстай бастайды, ал Марктың әлеуметтік желідегі лентасында біртүрлі таргет жарнамалар қаптап кетеді — олар болашақтан жіберілгендей, бір жайт туралы алдын ала ескерткендей болады. Сондай видеоның біреуінде мектепте үлкен өрт болатыны айтылады. Енді Марк Айлинмен ара-қатынасын қалпына келтіріп қана қоймай, сонымен бірге келе жатқан апаттың алдын алып, кінәліні табуы керек. Бірақ ең алдымен — ол өз достарына сол әлеуметтік желідегі видеода шындық көрсетіліп тұрғанын дәлелдеуі қажет.

Асель Калиева: фильмография