Әшім

Шерхан және Қазанбас есімді екі жігіт Алматыға келіп, күнелту үшін заңсыз әрекеттермен айналыса бастайды. Бір күні достар қыдырып жүріп екі қызбен танысады. Таныстықты жалғастыру үшін қыздар оларды өз үйлеріне шақырады. Алайда ол жерде бұларды күтпеген тосын сый күтіп тұр. Осылайша екі дос байқамай құлдыққа түсіп қалады. Ол жерде олар күні-түні тұшпара жасауға мәжбүр. Шерхан бұл құлдықтан қашып құтылудың амалын ойласа, Қазанбас тұшпара сатылымын арттыру бойынша кеңестер айтып, жаңа басшыларын өзіне қаратып алады. Енді достар құлдықтан құтылумен қатар өздерінің араларындағы кикілжіңді де шешулері тиіс.

Комедия

Драма

Қазақстан

Қораға кірдік

Сегіз жасар Ахмет ата-анасымен бірге ауылда тұрады. Ол домбыра тартып, бәрінің көңілін аулайды. Бірақ жанындағы достары тілазар, үнемі бір нәрсеге тап болады. Бір күні Мәжит ағайдың алма бағына ұрлыққа түседі. Өздерін кім екенін жасыру үшін ниндзя тасбақалары сияқты киінуді әдетке айналдырған. Олардың арасында Ахмет те бар. Балалардың бұзақы әрекетін ата-аналары біліп қойып, сазайын береді. Әйтсе де, Ахметтің бар ойы алда өзі өнер көрсететін есеп беру концерті. Себебі концертке өзі ұнататын Әйгерім келеді. Бірақ концерт қарсаңында баланың домбырасын белгісіз біреу сындырып кетеді.

Шытырман оқиға

Қысқаметражды

Домбыра

Әлия Тәттібаева — күйеуі Берікпен бірге тыныш өмір сүріп жатқан үй шаруасындағы әйел. Берік әкімдікте істейді, отбасының негізгі табыскері сол. Әлия жасөспірім қызы Динараны тәрбиелеп, бос уақытында тапсырыспен торт пісіреді. Бір күні Әлия Беріктің опасыздығын біліп қалады. Сол кеште ол бұрынғы сүйіктісі Айдоспен жолығып, мас әрі жабырқау күйінде қонақ үйде түнеп шығады. Араларында ештеңе болмаса да, болғандай сезінеді. Күйеуін үйден қуып шыққан соң, Әлия табыссыз қалады. Бірақ сіңлісі Салтанат, өзіне өлердей ғашық заңгер Дархан және әкесі Жекен Әлияға қолдау білдіреді. Ол кондитерлік бизнес бастауға бел буады. Алайда жаңа өмірге апарар жол оның торттарындай тәтті болмай шығады.

Тәттібаева

Ақберен есімді бала әкесінен ерте айырылып, отбасы қиындыққа тап болады. Кішкентай балаларымен жалғыз қалған анасы өмірінің ауыр кезеңінен өтеді. Балаларын аяққа тұрғызу үшін келіншек екінші рет тұрмысқа шығуға мәжбүр болады. Алайда екінші күйеуі мейірімсіз, қатал адам болып шығады. Ақберен мен оның сырқат бауыры қорғансыздың күйін кешіп, жандары жабырқайды. Баланың өмірі қорқыныш пен үмітсіздікке толы болады. Ақберен өзіне және жақындарына қауіп төнген кезде, шынайы өмірден қашып, қиял әлеміне бойлайды. Онда ол батыр болып, отбасын қорғау үшін күреседі. Бірақ бұл тек қиял ғана екенін түсінгенде, Ақберен ішкі жан дүниесінің күшін, шынайы махаббат пен сенімнің маңызын түсіне бастайды.

Әшім Ахметов: фильмография