Борис

Сергей мен Надежда есімді ерлі-зайыптылардың аралары суып, бір-біріне деген өкпе-реніштері көптеп жиналып қалған. Отбасы ұрыс-керістен көз ашпайды. Оған қоса үш баласының мәселелері бар. Бойжетіп келе жатқан қыздары жеткіншек шақтың қиын кезеңіне тап болған. Ал ұлдары тіпті беймаза. Ол аздай, келіншектің енесі де күнделікті күңкілімен күн көрсетпеуде. Жанжалдан шаршаған жұп ажырасудың сәл-ақ алдында тұр. Амалы таусылған ерлі-зайыптылар психолог маманына жүгінуге бел буады. Отбасында орын алып жатқан жағдайлардан хабардар болған психологтың өзі де таңданысын жасыра алмайды. Алайда отағасы психологтың көмегі тимейді, тек ақша шығын болады деп есептейді. Бұл күдігі орынды ма екен? Әлде психологтың көмегі тиіп, түсініспеушіліктердің түп-тамыры айқындала ма?

Комедия

Мелодрама

Ресей

Отбасы

Семейка

Митя ыңғайсыз жағдайға тап болады: ол өзінің бұрынғы әйелі Василисасымен ажыраспаса да, кездейсоқ жаңа қызы Алисаға үйлену туралы ұсыныс жасайды. Енді жігіт көкпет сұлу әйелін некені бұзуға көндіруі керек, бірақ «бұрынғы сүйіктісінің» бірқатар шарттары бар. Солардың бірі – қалыңдықпен кездесіп, танысу. Митя екі әйелдің кездесуіне жол бере алмаған соң, бейтаныс Настядан сүйіктісінің рөлін ойнауын сұрайды. Бұл шытырман оқиға көптеген түсініспеушіліктер мен хаосқа әкеледі, өйткені эксцентрикалық Вася оған жаңа күйеу табуды талап етеді.

Демал, Вася

Отыз жастағыларды шынымен не қызықтыратыны туралы скетч комедия. Басты кейіпкер- әркім өзін танитын өз заманындағы типтік өкілі. Ол қыздардан ұялшақ, жұмыс істегенді ұнатпайды, сирек оқиды, әлеуметтік желілерде бірнеше сағат отырады, жұма күндері достарымен сыра ішеді. Жігіт күн сайын күтпеген және кейде күлкілі жағдайларға тап болады, бірақ оптимизм мен әзіл-сықақ сезімі кез-келген қиындықты жеңуге көмектеседі.

Қысқа айтқанда

Белград қаласындағы көздің жауын алар қонақ үйдің Павел есімді иесінің өмірі бір күннің ішінде өзгеріп шыға келеді. Күндері мен түндерін түрлі сұлу қыздармен өткізіп, шалқып өмір сүруге үйренген жігіттің басы дауға қалады. Көлігімен кетіп бара жатқанда өзгенің көлігімен соқтығысып, сәтсіздікке ұшырайды. Соққан көліктің иесі мафия бастығы болып шығады. Ол аздай мафияға тиесілі құнды затты сындырып, үш миллион евро қарыз болады. Ашуға мінген қарақшы жігіттің өмірін талқандамақ ниетте. Алайда ортаға қызы түсіп, жағдай басқаша өрби бастайды. Ақыр соңында жігіт мафия бастығының қызына үйленуге мәжбүр болады. Осы сәтте тағдыр оның жолын бұрынғы сүйіктісімен тоғыстырады. Әбігерге түскен жігіт бұл шытырман оқиғадан қалай құтылып шықпақ?

Борис Дергачев: фильмография