Даниил

Анна есімді келіншектің тағдыры бір сәтте күйреп, жесір атанады. Қайғыдан қан жұтқан әйелге құрбылары медеу болып, қолдау білдіреді. Келіншек тағдырға қарсы тұрып, еш мойымайды. Анна табысқа қол жеткізген әйел. Кәсібі ешнәрседен таршылық көрмей өмір сүруге мүмкіндік беруде. Алайда Матвей есімді ер адамды кездестірген сәттен бастап қалыпты өмірі өзгеріске ұшырайды. Алғашында жігіттің серісі болып көрінген азамат уақыт өте келе шынайы келбетін көрсете бастайды. Әйелді өзіне баурап алу үшін түрлі тәсілдерді қолданады. Алғашында ештеңеден сезіктенбеген келіншек оқиғаларды тізбектей келе тұзаққа түскенін аңғарады.

Драма

Триллер

Ресей

Өмірді сүю

Жить жизнь

1988 жыл. Кеңес Одағы ыдырауға жақын, жаңа заманның лебі ептеп сезіле бастаған шақ. Саратов қаласында жас продюсер Александр Шишинин өзінің де, өзгенің де өмірін өзгертуге бел байлайды. Ол өмірі сахнада өнер көрсетіп көрмеген, бір-біріне ұқсамайтын бір топ қызды жинап, поп-музыка әлеміне алып келеді. Осылайша, «Комбинация» атты қыздар тобы сахнаға шығады. Олар кезекті топ болған жоқ, олар шектеулерге қарсы күрес, әйелдердің өз дауысы мен орнын талап ету жолындағы қарсылық символына айналды.

Музыкалық

Биография

Комедия

Комбинация

Лера есімді бойжеткен қыз бен Влад есімді жас жігіт жастықтың буымен жаман жолға түсіп, есірткі сатумен айналыса бастайды. Көп ұзамай бұл істері өмірлеріне қауіп төндіреді. Олар қылмыскерлерден бас сауғалап, Мәскеуге қашып кетуге мәжбүр болады. Бірақ мұнда да қиындықтарға тап болады. Соңғы ақшаларын пәтерақыға жұмсаған жастар жұмыс таба алмай әбігерге түседі. Амалы таусылған жастар вебкам кәсібіне бет бұрады. Лера камера алдында мың бұралып, ер адамдармен онлайн түрде көңіл көтере бастайды. Бұл кәсіп оларға қыруар ақша табуға мүмкіндік бергенімен, көптеген оқыс оқиғалар мен қиындықтарға әкелетін болады.

Happy End

Михаил Романов есімді азамат қағидаларына берік, әділ әрі шыншыл судья ретінде танымал. Заң алдында бәрі бірдей деген ұғымды ұстанған судьяның өмірі бір сәтте өзгереді деп ешкім ойламаған еді. Бір күні Антон есімді ұлы әкесінің көлігін ескертпей тізгіндеп, мотоциклдегі жігітті қағып кетеді. Бойын үрей билеген жігіт оқиға орнынан қашып кетеді. Ер адам ұлы барлығын мойындап, тиісті жазасын алуы керек деп санайды. Осы мақсатпен ол ұлын полиция бөліміне апаруды жөн көреді. Алайда мотоциклді тізгіндеген жігіт Александр Разин есімді қылмыс серкесінің ұлы екені мәлім болады. Осыдан бір жыл бұрын Михаил Разинді түрмеге жапқан еді. Ер адам осы сәтте ұлының өмірі қыл үстінде екенін түсінеді. Енді ол басқаша әрекет ете бастайды.

Қылмыстық

Сот мырза

Ваша честь

Адам жаны түсініп болмайтын тұңғиық сырға толы болып келеді. Тіпті өмірімен қош айтысса да, кей адамдар сырын бүгіп қалады. Десе де арғы дүние мен бұл дүниенің арасына кептеліп қалған марқұм жандардың тығырықтан шығар жолы бар. Бұған себепкер ерекше адам. Ол Андрей есімді такси жүргізушісі. Бір қарағанда қарапайым шопыр болып көрінгенімен, шын мәнінде ол о дүниелік болған адамдардың жанын түсінетін әрі көмекшісі болатын бірден бір бірегей жан. Оның көлігіне мінген әрбір марқұм құпиясын айтуы шарт. Сонда ғана жаны тыныш таба алады.

Даниил Воробьев: фильмография