Ерболат

Айдос пен Әлия ажырасуға бел буады. Бірақ барлық құжаттарды рәсімдеу үшін олар Жаркентке барулары керек. Жолға шығар алдында жас жұбайлардың көлігі бұзылады. Осы кезде оларға көмекке шулы көршілері келеді. Олар Жаркентке өрік жинауға кетіп бара жатқан еді. Мәселені естіген олар жас жұбайларға көмек қолын созып, керек жеріне жеткізіп тастауға келіседі. Бұл жол екі отбасының өмірін толығымен өзгертеді.

Комедия

Қазақстан

Родной

Қайырбек аға көңілі құлазыған адамға қамқор, сүрінгенге демеу бола білген мейірімді жан еді. Күндердің бір күні жол апатына ұшырап, сұм ажалдың құрбаны болады. Дәрігерлер оның жүрегін донор ретінде басқа адамға береді. Жүрегі қанішер қарақшыға бұйырады. Бірақ таңғажайып оқиға орын алып, донордың жүрегі қарақшының өмірін түбегейлі өзгертеді. Ол жақсы жолға түсіп, түзеле бастайды. Ал Қайырбек ағаның ұлы түсінде әкесін жиі көре бастайды. Не болғанын білгісі келген Дидар жүректің жаңа иесін іздеуге шығады.

Әкеге апарар жол

Бақыт Шри-Ланкада бастығымен сөзге келіп қалып, үйге қайтуға бел буады. Бірақ оның ақшасы жоқ. Әуежайда ол қазақ жігітін кездестіреді. Ол волейболдан жарысқа келген қыздар командасының жаңа бапкері екен. Жағдайды түсіндірген соң, ол Бақытқа көмектесуге келіседі. Алайда оларды көлік қағып, екеуі ауруханаға түседі. Онда есін жиған Бақытты қыздар жаңа бапкер деп ойлап қалып, жарысқа алып кетеді. Ол командадағы Айгерім есімді қызға ғашық болып, шатасқанын айтпай, сырын бүгіп қалады. Бірақ бұл өтірігі оны алысқа апармайды.

Солай болып қалды

Шағын ауылда мекендейтін Бөлекбай есімді электриктің өмірі бір сарынды. Үй мен шаруаның айналасында ғана, еш қызығы жоқ. Бір күні сұрықсыз өмірі бір сәтте өзгеріп, бойына тылсым қасиет дариды. Ер адамды найзағай ұрып, есінен танады. Көп ұзамай тылсым күшке ие болғанын байқайды. Енді ол кез келген металдан тұратын затты түйсігі арқылы орнынан жылжыта алатын қасиетке ие. Билік басындағыларға бұл құбылыс мәлім болып, оған ел мүддесі үшін арнайы тапсырмалар жүктеледі. Бірақ ер адамның өмірі қыл үстінде болады. Себебі саяси ойынның тырнағына ілігеді. Енді бұл шырғалаңнан қалай құтылмақ?

Фантастика

Драма

Атыс-шабыс

Сен маған керексің

Ұлболсын есімді келіншек бар тапқан ақшасын шалғай ауылдағы мектепті тәмамдағалы отырған сіңілісіне жұмсап, шет елде білім алуын қалайды. Осы ниетпен ол Қаратас ауылына жол тартады. Бірақ ауылға келген сәтте Ажар есімді сіңілісін Үрген есімді бақсы алып қашқанын біледі. Ауылда бедел мен құрметке ие бақсы өрімдей жас қызды тоқал еткісі келеді. Ең сорақысы қыздың ата-анасы мен ет жақындары бұл сұм әрекетін қолдайды. Алайда келіншек сіңілісін азғын Үргеннің тырнағынан құтқаруды көздеп, әйел құқығын таптайтын ескі дәстүрге қарсы шығады. Қайсар келіншек тіпті ерлердің қолынан келмеген қадамға барады.

Франция

Ұлболсын

Мұражайда жаңа көрме ашылайын деп жатқанда ол жерден ең басты экспонат — «Алтын адам» мүсіні жоғалады. Басты күдікті — Нышан есімді жігіт. Ол қылмысты мойындағанымен, қалай ұрлағанын және экспонатты қайда жібергенін есіне түсіре алмайды. Қылмыскердің гипноз әсерімен жұмыс істегенін түсінген полиция қызметкері онымен бірге сол түні болған оқиғаны қайта қалпына келтіру үшін іске кіріседі. Оларда «Алтын адамды» тауып, қайтып орнына қою үшін тек 24 сағат бар.

«Алтын Адам» операциясы

Шерхан және Қазанбас есімді екі жігіт Алматыға келіп, күнелту үшін заңсыз әрекеттермен айналыса бастайды. Бір күні достар қыдырып жүріп екі қызбен танысады. Таныстықты жалғастыру үшін қыздар оларды өз үйлеріне шақырады. Алайда ол жерде бұларды күтпеген тосын сый күтіп тұр. Осылайша екі дос байқамай құлдыққа түсіп қалады. Ол жерде олар күні-түні тұшпара жасауға мәжбүр. Шерхан бұл құлдықтан қашып құтылудың амалын ойласа, Қазанбас тұшпара сатылымын арттыру бойынша кеңестер айтып, жаңа басшыларын өзіне қаратып алады. Енді достар құлдықтан құтылумен қатар өздерінің араларындағы кикілжіңді де шешулері тиіс.

Ерболат Әлқожа: фильмография