Еркебұлан

XIX ғасырдың соңында патшалық Ресейдің билеушілері қазақ жеріне үстемдік орнатып, халықты қиын жағдайға душар етеді. Халықтың қарсылығына қарамастан орыс офицерлері қазақ ауылдарына жат елдің халқын қоныс аударуға шешім шығарады. Ал Балуан Шолақтың үй ішін түрмеге қамайды. Мәселені шешу үшін балуан уезд басшысының қызын ұрлап, қазақ жерін азат етуді талап етеді.  Әр шайқас пен қақтығыс оның бойындағы батырлықты шыңдап, әділдік жолындағы күресін тереңдете түседі.

Драма

Биография

Тарихи

Қазақстан

Балуан Шолақ

Туынды 2011 жылғы 12 қарашада Тараз қаласында орын алған ауыр оқиғаны баяндайды. Қару-жарақ дүкеніне жасалған қарулы шабуылдың салдарынан бірнеше бейбіт тұрғын мен құқық қорғау органдарының қызметкерлері қаза тапқан болатын. Фильм сол күні өз өмірін құрбан етіп, ондаған адамның өмірін сақтап қалған полиция капитаны Ғазиз Байтасовтың ерлігін халық жадында мәңгі сақтауға көмектеседі. Бас рөлде — Азамат Сатыбалды.

Капитан Байтасов

XV ғасыр. Шыңғысханның ұрпақтары бүкіл Еуразияны билеп, талан-таражға салуда. Солардың бірі Әбілхайыр Шайбани Ақ Ордада үстемдік етеді. Екі сұлтан Керей мен Жәнібек оны тайпаларға бөлініп, бөлек шығуға шақырады. Бұл тайпаларды болашақта талай қиыншылықтар мен сынақтар күтіп тұр. Алайда осы тарихи оқиғаның арқасында әлем картасында Қазақ хандығы пайда болады.

Қазақ хандығы. Алтын тақ

Курьер болып нәпақасын тауып жүрген Тимур есімді жігіт тағдыры бір сәтте өзгереді деп әсте ойламаған еді. Оның бойында ерекше асыл қасиет бар. Тимур қиын жағдайға түскен кез келген адамға көмек қолын созуға даяр. Тіпті бұл көмегі өзіне зардабын тигізсе де, өзін құрбан етуге дайын. Бір күні ол судья әйелді бір топ қарақшылардан құтқарып, жанын арашалап қалады. Жігіттің көзсіз ерлігіне тәнті болған әйел оған жалақысы жоғары жұмыс ұсынады. Осылайша Тимур судья әйелдің Сабина есімді қызының жүргізушісі болып жалданады. Бірақ көп ұзамай бойжеткеннің жеке оққағарына айналады. Себебі беделді бай отбасының жаулары жан-жақтан қауіп төндіре бастайды. Ақыры арам істері жүзеге асып, Сабинаны ұрлап кетеді. Тимур қызды құтқару үшін қандықол қылмыскерлердің ізіне түсуге мәжбүр болады. Кезінде күреске қатысқан шымыр жігіт бойындағы қасиетін пайдаланып, қас қағым сәтте қаһарманға айналады.

Атыс-шабыс

Комедия

Криминал

Super курьер

Амир есімді жасөспірім шын өмірден виртуалды әлемде жасырынады. Үйі мен мектептегі қиындықтардан бас сауғалаған балаға ол жақта бәрі оңай болып көрінеді. Алайда барған сайын ол цифрлық әлемге толығымен кіріп кетеді. Ата-анасы өздерінің арасындағы кикілжіңдерді шешумен жүргенде бала виртуалды әлемге тәуелді болып қалады.

Күнбағыс

Подсолнух

Әбілқайыр ханның әділетсіздігі мен қатал саясаты халықтың наразылығын туырады. Керей мен Жәнібек өз халқының азаттығы мен болашағын ойлап, оларды ханның ықпалынан шығарып, Жетісу аймағына көшуге шешім қабылдайды. Бұл қадам халықтың бірлігін сақтап қалу үшін маңызды шешімге айналады. Олар халықты еркіндікке жетелеп, жаңа мемлекеттің негізін қалауға бел буады. Жаңа мемлекеттің іргесін қалай отырып, жауларынан қорғануды және ішкі бірлікті сақтауды ойлайды. Көрші елдер мен бұрынғы жаулардың қысымына қарамастан, Керей мен Жәнібек қазақ жұртын аман сақтап қалу үшін бірлеседі. Режиссер Рүстем Әбдіраштың «Қазақ хандығы.

Шытырман оқиға

Қазақ хандығы. Алмас қылыш

Қытайдың мықты бизнесмендері отандық тау-кен байыту орнын сатып алуға ұсыныс жасайды. Жергілікті билік өкілдерінің бәрі бұл келісімнен өз пайдасын көретініне кәміл сенімді. Сол себепті олар кәсіпорынды сатуға бел буады. Алайда тау-кен байыту орнының директоры бұларға қарсы шығып, мемлекеттік кәсіпорынды аман алып қалу үшін қауіпті күрес жолына түседі.

ГОК

Дастан есімді жігіттің өмірінде қиын кезең белең алып, әйелі екеуінің арасында түсініспеушілік орнаған. Аяғы ауыр келіншек ашуға ерік беріп, отбасының шырқы бұзыла бастаған. Кикілжіңнен шаршаған Дастан достарымен бірге бірнеше күн сауық-сайран құрып келуге шешім қабылдайды. Достарының бірі жолы болмаған кәсіпкер болса, екіншісі — қарапайым учаскелік полицей. Осылайша үш дос кездесіп, балық аулауға аттанады. Алайда үрейге толы шытырман оқиғалардың куәсі атанамыз деп әсте ойламаған еді. Олар қандықол қарақшыларға кезігіп, өмірлері қыл үстінде болады. Әрбір оқиға олар үшін қиын сынаққа айналады. Сындарлы сәтте жігіттер достығын сақтап қала ала ма?

Еркебұлан Дайыров: фильмография