Федор

Борис есімді полиция қызметкері жеке өміріндегі келеңсіздіктерге байланысты күйзеліске ұшырап, ішімдікке әуестенген. Қызметіне де немқұрайлы қарап, жауапкершіліктен қашқақтауды әдетке айналдырған. Бірақ бір күні ол адам танымастай болып өзгереді. Қандықол қылмыскерлерді құрықтап, өмірін қатерге тіге бастайды. Ең қауіпті істерді ашуға қол сыбана кірісіп, қарша жауған оққа қарамастан істі аяғына дейін жеткізетін деңгейге жеткен. Әп сәтте қаһарманға айналған жігіт айналасындағыларды есеңгіретіп, аң-таң етуде. Бұл өзгерістің себебін жақындары мен әріптестері түсіне алмауда. Алайда ер адамның ешкімге тіс жармаған құпиясы бар.

Комедия

Ресей

Мен кеттім!

Ухожу красиво

Даша есімді бойжеткен шағын қалашықта өмір сүреді. Әйел теңдігі мәселесін қозғап жүрген қыздың бұл ойын мұнда ешкім құптамайды. Тіпті түсінбейді. Қыз қоғамдағы әйел рөлі туралы өз ойын әлеуметтік желі арқылы жеткізуді қолға алады. Егер қыздың парақшасы танымал болып, көп оқырман жинаса — Мәскеуге грант ұтып алу мүмкіндігіне ие болмақ. Бір күні мұндай мүмкіндік туады. Бойжеткен поезде дөрекі жігітті кездестіреді. Антон есімді жігіттің әйел затына тіл тигізгені бойжеткеннің шамына батады. Қыз жігітті райынан қайтарып, түзетпек болады. Осылайша видео түсіріп, блог жүргізуді қолға алады. Парақшаның басты кейіпкері Антон болады. Жігіт бұл ұсынысқа оңайлықпен келіспейді. Оның ойластырған арам жоспары бар.

Драма

Жастарға арналған

АльфаРомео

Максим жұмыста қолы босамайтыны сонша, бәрін істеуге тырысып, бастығының көңілін қалдырмай, өміріндегі ең маңызды нәрселерден тыс қалып жүр. Бітпейтін жұмыс пен сүйіктісінің көңілін аулау үшін шапқылап жүр. Сүйіктісі Сашамен мерейтойын атап өтетін күні жұмбақ таксиспен ұрысып қалған соң, Максимнің өмірі күрт өзгереді. Сашамен үйленгенін, балалы болғанын, үй алғанын, тіпті ажырасып, қартайғанын байқамай қалады. Өмірі жарықтың жылдамдығындай зуылдап, әр сағаты бір жылға татиды. Мұның себебі неде екен?

Фантастика

Отбасылық

Өткенге оралу

Я на перемотке

Тағдыр Паша мен Яна есімді заңгер мамандығы иелерін тоғыстырып, бір-біріне ғашық етеді. Ғашықтар сөз байласып, отбасыларын бір-бірлерімен таныстыруға бел буады. Бірақ кездесу барысында ғашық жұптың әкелері бір-біріне дұшпан екені белгілі болады. Кезінде жігіттің әкесі қалыңдығының әкесін түрмеге жапқан екен. Сондықтан Пашаның әкесі ұлының Янаға үйленуіне үзілді-кесілді қарсы. Ол тойды болдырмаудың бар амалын жасай бастайды. Әкелері қырқысып жатқанда қос жұп сезімдеріне берік бола ала ма?

Федор Лавров: фильмография