Чон

Шин Джун Ен атағы дүркіреп тұрған жарық жұлдыз. Сегіз қырлы бір сырлы жігіт. Бірақ әркімді жақтыра бермейтін өркөкірек шатақ мінезге ие. Бір күні ауыр дертке шалдығып, небәрі үш ай өмірі қалғанын біледі. Бұл хабар оған төбесінен мұздай су төккендей әсер етеді. Енді ол үшін ешнәрсенің мәні қалмаған. Осы кезде оған деректі фильмге түсуге ұсыныс түседі. Ұсыныстан үзілді-кесілді бас тартқан жігіт фильм продюсері кім екенін білмейді. Білген кезде өткеннің елесімен бетпе-бет кездесіп, екі адамның өмірі мүлдем басқа арнаға бұрылады.

Мелодрама

Драма

Комедия

Оңтүстік Корея

Ессiз ғашықтар

Hamburo Aeteuthage

Пак Су Ха есімді жігіт бала кезінде көлік апатына ұшырап, әкесінен айырылады. Бұл апат әкесі мен ұлының өмірлерін қию үшін қасақана жасалған еді. Баланы сол кезде Чан Хэ Сон есімді қыз құтқарып, аман алып қалады. Сот отырысында қыз апаттың қалай болғанын және кім жасағанын бүге-шігесіне дейін айтып береді. Нәтижесінде қылмыскер қамауға алынады. Алайда қызға кек сақтап қалады. Тағдыр екі жеткіншектің жолын екіге айырады. Жігіт ер жеткенде қызды тауып алып, зұлым әлемнен қорғауға серт береді. Бірақ қызды кездестіргенде оның мүлде басқа адамға айналғанын байқайды. Алда әлі ауыр сынақтар күтіп тұрған еді.

Фантастика

Детектив

Мен сізді ести аламын

Neoui moksoriga deulleo

Ку Чхан Сон есімді жігіт шет елде білім алған, болашағынан зор үміт күттіретін жастардың бірі. Оқуын аяқтап, туған еліне қайтатын күн туады. Әкесінің қазасы елге қайтуға мәжбүр етеді. Оралған сәтте Ман Воль есімді ерекше әйелмен танысады. Әйел сиқыр күшке ие. Осы тылсым күштің әсерінен жігіт марқұмдардың елесін көре бастайды. Әйел оған 20 жыл бұрын әкесімен келісімге келгенін айтады. Келісім бойынша, жігіт әйелге тиесілі қонақүйде қызмет етуі шарт. Бұл қонақүй жай адамдардың көзіне көрінбейді. Мұнда тек қайтыс болған жандардың елестері ғана кезіп жүреді. Ал қонақүйді тек ай тұтылғанда ғана көруге болады. Алғашында бұл жайтқа шошыған жігіт қызметіне ақырындап үйренісе бастайды. Осылайша сиқырға толы құпиялар ашыла бастайды.

Фэнтези

«Дель Луна» мейманханасы

Hotel Delluna

Чон Дон-хван: фильмография