Қуандық

Бай әрі ықпалды кісі өз өмірі туралы фильм түсіру үшін белгісіз бір режиссерге тапсырыс береді. Алайда ол фильмге деп берілген ақшаны жоғалтып алады. Амалдың жоғынан және өміріне қауіп төніп тұрғандықтан ол енді ешбір қаражатсыз фильм түсіруге кіріседі. Бұл жолда ол талай қиыншылықтар мен қызықты сәттерді басынан кешіреді.

Комедия

Қазақстан

Басқа вариант жоқ

Жарқын мен Раушан күнделікті өмірде бір-біріне мүлдем ұқсамайтын жандар. Жарқын — кәуап пісірумен айналысатын қарапайым жалғыз басты әке. Қызын қалай өсіріп бағамын деп ақшаға қиналып жүрген ол бір күні Раушанды кездестіреді. Раушан бизнеспен айналысатын бай әйел, бірақ оның денсаулығы сыр берген. Қос бүйрегі істен шығып, ауыр дертке ұшыраған. Екі тарап келісімге келген соң, отаға дейін ағзаны қалыпқа келтіру үшін ортақ ем-шара қабылдай бастайды. Ем алып жүргенде бір-бірін жақсы танып, жақындаса бастайды.

Мелодрама

Донор

Отандық робототехник Әлімжан бүкіл әлемді таңқалдырып, жаңа робот әйелді құрастырып шығады. Енді роботты жұмыс жағдайында тексеру үшін ол оны ауылға апарып, өзінің ағасының үйіне әкеледі. Қошқарбай басында роботқа қызықпайды. Себебі оны жақында ғана әйелі тастап кеткен. Бірақ уақыт өте екіойлы болып жүрген Қошқарбай әйел роботқа бет бұра бастайды.

Робот әйел

Қатыгез бандит Талғат Қыли ықпалды кәсіпкерден ірі көлемде ақша ұрлап, қашып жүріп, өзін майор Пішембай деп таныстырады. Осылайша ол кенеттен Бесқоныр атты шағын қалашықтағы полиция бөлімінің бастығына айналады. Жергілікті халық оны нағыз офицер деп қабылдайды — бірі құрметтейді, бірі ғашық болады, ал енді бірі күмәндана қарайды. Жаңа «майор» бұл жерден кетуге асықпайды: заңмен өмір сүру оған ұнай бастайды — әрине, өз ережесімен. Ұсақ қылмыстарды үлкен қылмыскерлерше ашып жүрген Қыли шынайы сынаққа тап болады — бұл нағыз Пішембайдың оралуы мен өткен өмірінің қайта ізіне түсуі.

Драма

Майор мырза

Мұражайда жаңа көрме ашылайын деп жатқанда ол жерден ең басты экспонат — «Алтын адам» мүсіні жоғалады. Басты күдікті — Нышан есімді жігіт. Ол қылмысты мойындағанымен, қалай ұрлағанын және экспонатты қайда жібергенін есіне түсіре алмайды. Қылмыскердің гипноз әсерімен жұмыс істегенін түсінген полиция қызметкері онымен бірге сол түні болған оқиғаны қайта қалпына келтіру үшін іске кіріседі. Оларда «Алтын адамды» тауып, қайтып орнына қою үшін тек 24 сағат бар.

«Алтын Адам» операциясы

Тимур есімді ауылдың жас жігіті құқық қорғау органдарында қызмет етуді армандайды. Осы мақсатпен академияға түсу үшін ол қалаға келеді. Тимур ағасының үйінде тұрады және оның кішігірім бизнесіне көмектеседі. Алайда аудандағы бандиттер ағасының бизнесін дамытуға кедергілер келтіреді. Тимур оларға қарсы шығады. Шытырман оқиғаны басынан кешіп жүргенде өз махаббатын кездестіреді. 2023 жылы шыққан Тимур Бақтыбаевтың фильмі Джеки Чанның туындыларын қазақша нұсқада көрсетуге тырысады.

Атыс-шабыс

Тимучин

Бай және зиялы отбасынан шыққан Дидар Салтанат есімді қарапайым қызға ғашық болып, ақыры үйленеді. Қыздың ата-анасы тұрмыс тауқыметін тартып отырған отбасылардың бірі. Өз үйлері жоқ, пәтерден пәтерге көшіп өмір сүрүде. Бір күні қиын жағдайға тап болып далада қалады. Бай да жомарт құдалары оларға көмек қолын созып, бірге, бір шаңырақ астында уақытша тұруға ұсыныс жасайды. Осы мезеттен бастап екі отбасы әртүрлі жағдайларға тап болып, талай қызықтарды бастан өткереді. Керемет отбасылық комедия, 2022 жылдың кассалық хиттерінің бірі.

Қуандық Шәкіржанов: фильмография