Ли

Хо Джун Дже есімді жігіт адамдарды алдап-арбап, алаяқтықпен күнелтіп үйренген. Бір күні ол қонақүйдегі бөлмесінде бейтаныс қызды кездестіреді. Қыз бұл жерге қалай тап болғанын білмейді. Тіпті екі сөздің басын құрай алмайды. Құдды бір өзге әлемнен келгендей. Алғашында жігіттің қызға деген ниеті түзу болмайды. Алайда жүрегі қызға тартып тұратынын байқайды. Бұл құбылысты өзі де түсіне алмайды. Өткен шаққа оралған сәтте жігіт пен қыз бірнеше ғасыр бұрын бір-біріне ессіз ғашық болғаны мәлім болады. Қыз тура ертегілердегідей су перісі болған екен. Ғасырлар өте қос ғашық қайта қауышады.

Мелодрама

Фэнтези

Оңтүстік Корея

Көк теңіз туралы аңыз

Pureun badaui jeonseol

Ю Ын Су есімді келіншек пластикалық ота жасайтын хирург маман. Өз кәсібінің шебері. Дәрігер бикеш бір күні адам нанғысыз оқиғаға тап болады. Ауруханаға келген бойда бейтаныс ер адам қолынан шап беріп, жетектей жөнеледі. Екеуі нұр шашқан қақпаның ішіне кіріп ғайып болады. Ештеңе аңғарып үлгермеген келіншек бірден ортағасырлық мемлекетке тап болады. Ал оны күшпен алып кеткен жігіт патшаның бас күзетшісі екені белігілі болады. Патшаның бұйрығымен бас күзетші шартараптан емші іздеген екен. Себебі патшаның қызы ауыр жараланып, хал үстінде болады. Ханшайымға дәрігерлік көмек көрсетілмесе, өліп кетуі мүмкін. Дәрігер келіншекке шарт қойылады. Егер ол ханшайымды емдеп жазса, өз дәуіріне оралатын болады.

Сенім

Sineui

Кым Джан Ди есімді бойжеткен қызға ойламаған жерден байлардың балалары оқитын элиталы мектепке шәкіртақы тағайындалады. Ол беделді отбасының ұлын өлімнен құтқарып, ерлігі ел аузына тарайды. Сондықтан осы мектепте оқу мәртебесі бұйырады. Алайда ауқатты отбасынан шыққан төрт жігіттің келемежіне ұшырап, қорлық көре бастайды. Беттерінен ешкім қақпаған жігіттер бірбеткей қыздың қайсарлығына тәнті болады. Осы төрттіктің басты серісі қызға қалай ғашық болып қалғанын аңғармай қалады. Ал қыздың көңілі басқада.

Драма

Комедия

Нағыз сырбаз жігіттер

Kkotboda namja

Ли Мин-хо: фильмография