Марк

Сеня есімді жас скрипкашы жігіт арманына қол жеткізгелі тұр. Ол Санкт-Петербург қаласындағы белді консерваторияға оқуға түсуге ниетті. Жолға жинала бастаған жігіт алдында қандай оқиға күтіп тұрғанынан бейхабар. Поезде ол Лера есімді бойжеткенмен танысып, құштарлық отына күйеді. Ертесіне бойжеткен жігіттің қолына белгісіз түйіншекті ұстатып, оның көзін жоюға көмектесуін өтінеді. Жігіт қыздың айтқанын орындап, түйіншектегі ұнтақ тәрізді затты суға ағызып жібереді. Кейіннен бұл зат есірткі екенін түсініп, басы бәлеге ұрынады. Енді ол есірткі тасымалдаушыларға қомақты ақша қарыз болып, олардың дегендеріне көнуге мәжбүр. Күндіз классикалық әуендерді орындайтын скрипкашы жігіт түнде есірткі тасымалымен айналысуға мәжбүр. Тіпті бұл заңсыз кәсібі үшін көп ақша таба бастайды. Бірақ бұл құрсаудан шығар амал тауып, тура жолға түсуді армандайды. Жігіттің ендігі әрекеті қандай нәтижеге әкелмек?

Драма

Ресей

Өнерпаз

Смычок

Кристина мен Маша есімді қыздар бір туған бауырлар. Кристина Машадан үлкен, 17 жаста. Бір қарағанда өзіне сенімді, әдемі және заманауи қыз  болып көрінеді. Ол әлеуметтік желілерде танымал болғысы келеді. Бірақ ішкі жан-дүниесінде ол өте осал, өзін бағаламайтын, махаббат пен қолдауды іздейтін қыз. Ал 16 жасар Маша туылғаннан көзі көрмейді. Бірақ ол ешқандай мүсіркеуді қажет етпейді. Керісінше, ол өте ақылды әрі айлакер. Өзіне қажет нәрсеге қалай жету керектігін жақсы біледі. Ол айналасындағы адамдарды, әсіресе әпкесін өз дегеніне көндіре алатын қасиетке ие. Қыздар бір-бірімен тіл табысай алмай, жиі сөзге келеді. Әр бөлімде олар түрлі оқиғаларды бастан кешеді. Интернеттегі әлімжеттікпен бетпе-бет келіп, сынға ұшырайды. Ата-анасы мен ұстаздарын алдап, ақылға қонымсыз әрекеттерге барады. Кейде өмірден түңіліп, кейде қуаныштан жадырайды. Жүректерінде махаббат оты тұтанып, алғашқы сезімді де бастан кешеді.

Марк Эйдельштейн: фильмография