Никита

Григорий мен Ингу ортақ мәселелерінің арқасында Ден, Ляля есімді ерлі-зайыптымен танысады. Жас жұбайлар бір тұрғын үй кешенінен пәтер сатып алған, бірақ қанша уақыт өтсе де үйдің құрылысы аяқталар емес. Алаяқ құрылысшы Олег Статский салымшыларды алдап, митингілер мен адамдардың шағымдарына қарамастан пайда жасайды. Алаяқ тіпті жақын арада кездейсоқ жағдайдың салдарынан төрт үлескер сұрағының астында қалып, олардың тұтқыны болатынын білмейді. Ұрыс-керіс, ұрлық, бәрін білгісі келетін полиция — кейіпкерлер ештеңеден тайсалмай соңына дейін барады.

Комедия

Ресей

Тайсалмайтын үлескерлер

Жұмбақ орыс жаны туралы ирониялық комедия. Студент пен оған ғашық жігіт әлеуметтік сауалнама жүргізу үшін қала көшелеріне шығады. Олар жинақ ақшасын жоғалту қаупі бар кәсіпкерді, бейбақ-фермердің зор көкірек көңілдесін, ереуілге шыққан жұмысшыны және басқа да кездейсоқ емес адамдарды кездестіреді. Таңқаларлық түрде кейіпкерлердің тағдырлары тоғысып, бұл жағдай атыссыз, оқсыз өтпейтіні анық болады.

Шынайы болашақ

1988 жыл. Кеңес Одағы ыдырауға жақын, жаңа заманның лебі ептеп сезіле бастаған шақ. Саратов қаласында жас продюсер Александр Шишинин өзінің де, өзгенің де өмірін өзгертуге бел байлайды. Ол өмірі сахнада өнер көрсетіп көрмеген, бір-біріне ұқсамайтын бір топ қызды жинап, поп-музыка әлеміне алып келеді. Осылайша, «Комбинация» атты қыздар тобы сахнаға шығады. Олар кезекті топ болған жоқ, олар шектеулерге қарсы күрес, әйелдердің өз дауысы мен орнын талап ету жолындағы қарсылық символына айналды.

Музыкалық

Биография

Драма

Комбинация

Полина мен Якут есімді жеткіншектер балалар үйінің тәрбиеленушілері. Екеуі де тағдыр тәлкегіне ұшыраған. Полина көзтартар сұлулығымен бозбаланың жүрегін бірден баурап алады. Балалар үйінің қатаң тәртібі мен қатарластарының қорлығы жеткіншектерді әбден мезі қылған. Бір күні екеуі балалар үйінен қашуға уағдаласады. Бірақ 15 жасар бозбала мен бойжеткенннің қалтасы жұқа. Амалсыз жеткіншектер бандасының бас қарақшысының ақшасына көз тігеді. Бұл әрекеттері бастарына бәле болып жабысып, өмірлерін қатерге тігеді.

Шытырман оқиға

Жастарға арналған

Өмір ғой

Жиза

Макс — жас әрі өзіне сенімді каппер. Күнделікті өмірін тәуекел етіп, тез ақша табуға арнайды. Бірақ Пензадағы шынайы табыс жолы қылмыс әлемімен тығыз байланысты. Макстың жанында бала күннен бірге өскен, әзілқой әрі сенімді досы Қаз бар. Екеуі жеңіл жолмен байлыққа кенеліп, қылмыс әлемінде орын алғысы келеді. Алайда қылмыс әлемінде әр таңдаудың артында қауіп, ал әр тиынның өз құны бар. Алғашында бәріне дайын болған Макс, уақыт өте келе тек ақша мен билік емес, адамдық пен адалдықтың бағасын сезіне бастайды.

Криминал

Макс пен Қаз

Макс и Гусь

Арлан есімді боксер жігіт Олимпиадаға қатысып, қанжығасына жеңіс тұғырын байлауды армандайды. Алайда анасы мен ауыр дертке шалдыққан інісіне көмектесу үшін қара жұмысқа жегілуге мәжбүр. Інісінің сырқаты күннен-күнге дендеп, асқына бастайды. Еміне қыруар қаражат қажет болады. Ақша табу үшін жігітке ережесіз жекпе-жекте жұдырықтасуға тура келеді. Осылайша арманынан бас тартып, Олимпиада алтынын иемдену жоспарының күл-талқаны шығады. Арлан ешқашан жеңіліп көрмеген Никита Адай есімді адуынды чемпионға қарсы тұруға мәжбүр болады.

Спорт

Қазақстан

Арлан. Шешуші раунд

Арлан. Решающий раунд

Кеңес Одағы ыдыраған тұста әрбір отбасы жоқшылық тауқыметін тартып, қиын кезеңдерге тап болды. Жаңа дәуірге дағдылануға тура келді. Дәл осы тұста шаһар бозбалалары өз аймақтары үшін қырық пышақ болып, қырқысқа түседі. Ата-аналары күнкөріс қамымен жүргенде балалары топтар мен бандаларға бөлініп, қатігез әлеммен бетпе-бет кездеседі. Ережеге бағынбағандар жұдырықтың астына алынып, соққыға жығылады. Топқа бөлінген бозбалалар сертіне берік. Уәдеде тұру — жігіттіктің белгісі. Дәл осы кезде Андрей есімді 14 жасар бозбала қатарластарының қыспағына ұшырап, қиын кезеңді басынан кешіреді. Себебі жасөспірімнің анасы мен қарындасынан басқа тірегі жоқ. Ақырында ол бандалық топқа қосылуға мәжбүр болады. Осы кезде ол Марат есімді топ мүшесімен танысып, тек мықтының сөзі жүретініне көзі жетеді. Алда оларды көптеген сынақтар күтіп тұр: қарсылас топпен жұдырықтасу, сатқындық, қатігездік, шытынаған тағдырлар мен махаббат.

Жігіттің сөзі. Қанды жол

Слово пацана. Кровь на асфальте

2140 жыл келіп, жаңа заман орнаған. Алайда қауіпті вирус ерлер қауымын түгел дерлік жойып жіберген. Аман қалған әйелдер бірігіп, экологиясы мінсіз, қауіпсіз жаңа мемлекет құрады. Әйелдер осылайша қалаған ісімен айналысып, бар уақытын тек өздеріне жұмсай алатын мүмкіндікке қол жеткізеді. Ал биологиялық қарудың кесапатынан аман қалған ерлер мен оларға жақтас әйелдердің бір бөлігі түгел құрдымға кетіп, талқандалған қалаларда жасырынуға мәжбүр. Бірақ әйелдер мемлекеті оларға түбегейлі қарсы және қабылдамайды. Оларға шекарадан асуға мүлдем болмайды. Әйелдер қауымына ерлерге жақындауға да тыйым салынған. Бірақ бір күні Рада есімді мұғалім келіншек тыйым салынған жерге абайсыз өтіп кетіп, Гера есімді ер азаматпен танысады.

Никита Кологривый: фильмография