Сәбит

Туыстарының көмегімен қонақ үйдің жұмысын қайта жандандырған Жомарт енді бес жұлдыз мәртебесін алу үшін Америкадан келетін арнайы маманды күтуде. Алайда сол туысқандардың кесірінен маман ашуға мініп, қонақ үйге аяқ баспай жатып қайтып кетеді. Енді оның шешімін өзгертіп, ықыласын алу үшін Жомарт кішігірім командасымен Америкаға аттанады. Онда олар талай қызықты оқиғаларға тап болып, бизнесті құтқаруға бар күштерін салады.

Комедия

Қазақстан

Қазақша бизнес Америкада

Жомарт Айсұлуға үйленіп, екеуі Дубайға демалуға аттанады. Алайда туыстары олармен бірге ілесіп алады. Ол жерде олар Африка бизнесмендерімен кездесіп, шәй сатып, баюдың жоспарын құра бастайды. Шәй плантацияларын көріп келеміз деп олар алаяқтарға алданып, Кенияға кетіп қалады. Енді Жомарт оларды құтқару үшін тағы бір саяхатқа аттануы тиіс.

Қазақша бизнес Африкада

Ермек анасының жалғыз баласы. Үйленген соң әйелі мен анасының арасында кикілжіңдер басталады. Екі оттың арасында қалған Ермек ажырасуға бел буады. Бұл шешім тек оның өміріне емес, бүкіл достарының қарым-қатынастарына өзгеріс енгізеді. Енді олар бірігіп, жаңа өмір бастауға тырысады.

Гудбай, байым

Гудбай, мой бай!

Отбасылық мәселелер ешқашан бітпейді. Ермектің әйелі тағы да балалы болғысы келеді, бірақ ол әлі де күмәнданып жүр. Бақыт үш қыздан соң ұлды болам ба деп үміттенуде, ал Вага жарымен бірге Америкаға көшуге дайындалуда. Тек Тимурдың отбасында ғана бір қарағанда бәрі жақсы болып көрінеді, бірақ оларды талай сынақ күтіп тұр. Достар түйінді түйткілді шешу үшін бірігеді.

Гудбай, байым! 2

Гудбай, мой бай! 2

Жомарт жақындарымен бірге Үндістандағы таныстарының тойына келеді. Бұл жерде ол туыстарына қонақ үйді сатып, оларды жұмыстан шығаратыны туралы айтады. Алайда оқыс оқиға болып, Жомартты жергілікті бандиттер ұрлап кетеді. Қиын жағдайға тап болғанда Жомартты құтқаруға сол баяғы туыстары келеді.

Қазақша бизнес Үндістанда

Асхат есімді жас жігіт небәрі үш ай отасқан соң әйелі Гүлжанмен ажырасып кетеді. Бір күні ол бұрынғы әйелінің қайта тұрмысқа шығайын деп жатқанын естіп қалады. Киім-кешегін алып кетуге келген Гүлжан оған: «Сен кімге керексің?»- деп ауыр сөздер айтады. Бұл сөздер оның шамына тиіп, өтірік айтуға итермелейді. Асхат қалыңдығы бар екенін және Гүлжанның тойына сүйіктісімен бірге келетінін айтады. Осы сөзден кейін ол өзіне шын мәнінде біреуге керектігін дәлелдегісі келеді. Сол себепті Вьетнамдағы халықаралық танысу агенттігіне жүгініп, Хошимин қаласына жол тартады. Бірақ тағдыр нәсіп еткен жарын дәл сол жерде табамын деп ойламаған еді.

Кімге керексің?

Жомарттың бизнесі халықаралық деңгейге шығып, енді ол шетелден қонақ үй сатып алуды көздейді. Осы мақсатпен ол туысқандарымен бірге Түркияға аттанады. Онда бес жұлдызды қонақ үй аукционға қойылған. Алайда жаңа мүлікті сатып алу оңай іс емес және біздің сүйікті кейіпкерлер тағы да көптеген қызықты оқиғаларды бастан кешіреді.

Қазақша бизнес Түркияда

Еркош жұмысына салғырт қарап, басшысының ызасын келтірумен күнін өткізіп жүреді. Басшысы — нәзік жанды ару. Келеңсіз қылықтарынан әбден титықтаған келіншек Жомартқа шағымданады. Еркош бұл жайтқа бей-жай қарай қоймасы анық. Ал есерсоқ туысынан мезі болған Жомарт оны әріптесімен бірге жұмыс сапарымен Түркияға аттандырады. Онда Еркош Үндістанның атақты актрисасы Авика Гормен достасып, Әлияға ғашық болып, өз махаббаты үшін күреседі.

Сәбит Рахимбаев: фильмография