Анна есімді келіншектің тағдыры бір сәтте күйреп, жесір атанады. Қайғыдан қан жұтқан әйелге құрбылары медеу болып, қолдау білдіреді. Келіншек тағдырға қарсы тұрып, еш мойымайды. Анна табысқа қол жеткізген әйел. Кәсібі ешнәрседен таршылық көрмей өмір сүруге мүмкіндік беруде. Алайда Матвей есімді ер адамды кездестірген сәттен бастап қалыпты өмірі өзгеріске ұшырайды. Алғашында жігіттің серісі болып көрінген азамат уақыт өте келе шынайы келбетін көрсете бастайды. Әйелді өзіне баурап алу үшін түрлі тәсілдерді қолданады. Алғашында ештеңеден сезіктенбеген келіншек оқиғаларды тізбектей келе тұзаққа түскенін аңғарады.

Драма

Триллер

Ресей

Өмірді сүю

Мәскеу қаласына жетістіктер мен табыстарға жету үшін келген келіншектер бастарынан түрлі оқиғаларды өткеретін болады. Ешнәрседен тарлық көрмей, шалқып өмір сүру үшін олар арын сатуға даяр. Тіпті зұлым әрекеттерге де баруға дайын. Басты мақсаттары қалтасы қалың бай әрі беделді ер азаматтарды уысына түсіру. Көбісі дегеніне жетеді. Бірақ әдемі өмірдің ар жағында денені тітіркендірер құпиялар мен лас әрекеттер тұрғанын сезбейді.

Тоқалдар

Смоленск қаласында ерекше отбасы мекендейді. Мұнда ғасырлар бойы вампирлер әулеті өмір сүреді. Алайда қарапайым жұртқа кесірі ешқашан тимеген. Олар өздерінің заңын қатаң сақтайды. Адамға шабуыл жасау үзілді-кесілді тыйым салынған. Бір күні қала шетінде екі жігіттің мәйіті табылады. Бозарған денелеріндегі іздер оларға вампир шабуылдағанын көрсетеді. Қарт Святослав басқарған вампирлер әулетіне күдік түсе бастайды. Бірақ шын мәнінде адам өліміне олардың ешқандай қатысы жоқ. Енді бұл айыптан құтылу үшін олар жігіттерді өлтіріп, заңды бұзған қанішерді табулары тиіс.

Детектив

Комедия

Фэнтези

Шағын қаланың вампирлері

Мәскеудегі француз мейрамханасы «Клод Моне» қызметкерлерінің кәсіби және жеке оқиғаларын баяндайтын танымал ресейлік телехикая. Ауылдан шыққан жас маман Максим аспаз болу арманын орындау үшін астанаға келеді. Әттең, көмекші болу үшін ең төменнен бастау керек. Мекеменің есігі ең бай және ең танымал қонақтар үшін әрқашан ашық, бірақ ең қызықты оқиғалар залдан тысқары бөлмеде болады.  Мейрамхана қонақтарының назарынан тыс Максим мен оның әріптестерін  қызқыты әңгімелер, тәтті махаббат және ащы көз жасы күтеді.

Ас үй

Мәскеу шаһарында ерекше еврей әулеті мекендейді. Отбасы заманауи көзқарасты ұстанады. Дінге аса жақын емес. Әдет-ғұрыптар мен салт-дәстүрлерді ұстанбайды. Мәселен, Борис Абрамович есімді отағасы дінде шошқа жеуге тыйым салынса да, жей береді. Тіпті шошқа етін сатып, нәпақасын тауып жүр. Бірақ сонда да ақшаға жарымай, қарызға белшеден батқан. Ал Давид есімді ұлы қатарластарынан ұлты еврей екенін жасыруға мәжбүр. Бір күні Борис қарызын уақытылы төлей алмай, коллекторлардан қашып келе жатқанда найзағай соғып, есінен танып қалады. Есін жиған сәтте бір қарияның елесін көреді. Хаим есімді қыңыр қария шын мәнінде Бористің арғы атасы болып шығады. Кезінде шал үлкен күнә жасап, қарғысқа ұшыраған екен. Бұл қарғыс бүкіл ұрпақтарына тарап, сәтсіздіктерге ұрындырған. Қария қарғыстың күшін жою тек Бористің қолынан келетінін жеткізеді. Сонда ғана жаны жай тауып, рухы тынышталатынын айтады.

Байғұс Абрамовичтер

Лена есімді әйел зұлым күйеуінен талай қорлық көріп, ақыры қараңғы қапастан құтылу мүмкіндігіне қол жеткізеді. Жазушы келіншек Мәскеуге кетіп, қаламынан туған романын жарыққа шығаруды армандайды. Осы кезде ол талантына табынушы ер адаммен кездеседі. Бұл кездесу өмірін өзгертетін болады. Бір тұзақтан екінші тұзаққа қалай тап болғанын аңғармай қалады.

Қызыл жолақтар

Бала сүйгісі келетін бай отбасы Саша есімді 27 жасар келіншекпен келісімге келіп, оны суррогат ана ретінде жалдайды. Келіншектің көмегіне жүгінген адамдардың оған қояр бір шарты бар. Саша баланы дүниеге әкелгенше беделді отбасымен бірге бір шаңырақтың астында тұрып, олардың айтқандарын бұлжытпай орындауы тиіс. Алғашында қарсы болған келіншек кейіннен келісуге мәжбүр болады. Себебі қыр-соңынан қалмай жүрген белгісіз адам мазасын қашыра бастайды. Сашаның ешкімге тіс жармаған құпиясы бар. Бірақ беделді шенеуніктің зәулім үйіне көшкен сәттен бастап барлығының өмірі күрт өзгеретін болады. Саша қамқор болып көрінген ерлі-зайыптылар шын мәнінде оған ақшаға сатып алған ойыншық ретінде қарайтындарын байқап, қамығады. Келіншек ережеге бағынғысы келмейді. Ақырында үйдегі жағдай шиеленісе түседі.

Контейнер

Максим есімді жасөспірім жігіт шалғайдағы қалалардың біріне анасымен бірге көшіп келеді. Мәскеудегі шалқыған өмірі мен үйренген ортасынан жырақтап, қош айтысуға мәжбүр болады. Себебі ата-анасының арасы суып, ажырасуға бел буған. Жаңа метебінің оқушылары мен сыныптастары жігітті жатырқап, өз орталарына қабылдамай қояды. Бозбала әлімжетікке ұшырап, түрлі қиындықтарға тап болады. Бір күні бала жоғалып кетеді. Ал сыныптастары көрген-білгендерін ешкімге тіс жармай, жұмған ауыздарын ашпайды. Олар қандай құпияны жасыруда?

Жастарға арналған

Жаңа орта

Адам жаны түсініп болмайтын тұңғиық сырға толы болып келеді. Тіпті өмірімен қош айтысса да, кей адамдар сырын бүгіп қалады. Десе де арғы дүние мен бұл дүниенің арасына кептеліп қалған марқұм жандардың тығырықтан шығар жолы бар. Бұған себепкер ерекше адам. Ол Андрей есімді такси жүргізушісі. Бір қарағанда қарапайым шопыр болып көрінгенімен, шын мәнінде ол о дүниелік болған адамдардың жанын түсінетін әрі көмекшісі болатын бірден бір бірегей жан. Оның көлігіне мінген әрбір марқұм құпиясын айтуы шарт. Сонда ғана жаны тыныш таба алады.

Мистикалық

Жолаушылар

Даша есімді бойжеткен шағын қалашықта өмір сүреді. Әйел теңдігі мәселесін қозғап жүрген қыздың бұл ойын мұнда ешкім құптамайды. Тіпті түсінбейді. Қыз қоғамдағы әйел рөлі туралы өз ойын әлеуметтік желі арқылы жеткізуді қолға алады. Егер қыздың парақшасы танымал болып, көп оқырман жинаса — Мәскеуге грант ұтып алу мүмкіндігіне ие болмақ. Бір күні мұндай мүмкіндік туады. Бойжеткен поезде дөрекі жігітті кездестіреді. Антон есімді жігіттің әйел затына тіл тигізгені бойжеткеннің шамына батады. Қыз жігітті райынан қайтарып, түзетпек болады. Осылайша видео түсіріп, блог жүргізуді қолға алады. Парақшаның басты кейіпкері Антон болады. Жігіт бұл ұсынысқа оңайлықпен келіспейді. Оның ойластырған арам жоспары бар.

АльфаРомео

Сеня есімді жас скрипкашы жігіт арманына қол жеткізгелі тұр. Ол Санкт-Петербург қаласындағы белді консерваторияға оқуға түсуге ниетті. Жолға жинала бастаған жігіт алдында қандай оқиға күтіп тұрғанынан бейхабар. Поезде ол Лера есімді бойжеткенмен танысып, құштарлық отына күйеді. Ертесіне бойжеткен жігіттің қолына белгісіз түйіншекті ұстатып, оның көзін жоюға көмектесуін өтінеді. Жігіт қыздың айтқанын орындап, түйіншектегі ұнтақ тәрізді затты суға ағызып жібереді. Кейіннен бұл зат есірткі екенін түсініп, басы бәлеге ұрынады. Енді ол есірткі тасымалдаушыларға қомақты ақша қарыз болып, олардың дегендеріне көнуге мәжбүр. Күндіз классикалық әуендерді орындайтын скрипкашы жігіт түнде есірткі тасымалымен айналысуға мәжбүр. Тіпті бұл заңсыз кәсібі үшін көп ақша таба бастайды. Бірақ бұл құрсаудан шығар амал тауып, тура жолға түсуді армандайды. Жігіттің ендігі әрекеті қандай нәтижеге әкелмек?

Өнерпаз

Бір күні белгісіз біреу есік қоңырауын басып, ғайып болады. Есікті Эван есімді балақай ашып, бір қорапты байқайды. Қорапты ашқанда бала бойын үрей билеген жасыл түсті белгісіз жаратылыс иесін көреді. Бала оның қорқынышын сейілту үшін тәтті кәмпит береді. Құбыжық кәмпитті бірден жеп қояды. Осы сәттен бастап тәттіге жаны құмар Ам Ням есімді кішкентай жасыл құбыжық пен балақай Эван достасып, талай қызықты оқиғаларды бастан кешіреді.

Мультфильм

Ойын-сауық

Шытырман оқиға

Балаларға арналған

Ұлыбритания

Ам Нямның ғажап оқиғалары

Полина мен Якут есімді жеткіншектер балалар үйінің тәрбиеленушілері. Екеуі де тағдыр тәлкегіне ұшыраған. Полина көзтартар сұлулығымен бозбаланың жүрегін бірден баурап алады. Балалар үйінің қатаң тәртібі мен қатарластарының қорлығы жеткіншектерді әбден мезі қылған. Бір күні екеуі балалар үйінен қашуға уағдаласады. Бірақ 15 жасар бозбала мен бойжеткенннің қалтасы жұқа. Амалсыз жеткіншектер бандасының бас қарақшысының ақшасына көз тігеді. Бұл әрекеттері бастарына бәле болып жабысып, өмірлерін қатерге тігеді.

Өмір ғой

Көңілді Серго тағы да сергелдеңге түседі. Ол вакцина салдырып, кенеттен аурухана төсегіне таңылады. Достары мен жақындары жігіттің көңілін аулау үшін барын салуда. Оның көңілін тіпті ерекше тәсілмен көтеруде. Әрқайсысы күнде түрлі ертегі айтып беруі тиіс. Бірақ жай ертегі емес, қызықты әрі ерекше болуы керек. Сөз шебері Каха күлкіге қарық қылары сөзсіз.

Ева есімді келіншек би өнерінің майталманы. Өзгелерге өнерін үйретіп, бидің қыр-сырын меңгеруге көмектеседі. Бұл оның кәсібі. Алайда Ева жұмысқа беріліп кеткені соншалықты тіпті отбасын құру туралы ойына да кіріп-шықпайды. Жеке өмірі мүлде ұмыт болған. Оның үстіне отбасылы әріптестері үнемі келіншекке олардың орнына жұмысқа шығып беруге өтінеді. Ева өтініштерін екі етпейді. Бір күні ол бұрынғы ғашығы балалы болғанын естіп, қатты есеңгірейді. Жүрегі шымдап, қамығады. Сол сәтте келіншек жалғыздық жанына бататынын түсінеді. Енді оның бар ойы тезірек ана атанып, дүниеге бала әкелу. Алайда баланы кімнен туарын білмейді. Ева аласұра жігіт іздей бастайды. Осы тұста көптеген қызықты оқиғаларға тап болады.

Ева

Коронавирус кесірінен орнаған карантин салдарынан жұрт бір-бірімен тек байланыс құралдары арқылы араласқан кезеңде ерекше жағдайлар орын алады. Маша мен Коля есімді кейіпкерлердің арасында сезім бар. Алайда екеуі де отбасылы. Пандемия кезінде олар бір-бірінен жырақтап, тек онлайн байланыс орнатуға мүмкіндіктері болады. Өмірлік серіктерінен жасырған құпияларының ашылып кету қаупі бар. Ал Люба есімді жас қыз жұмыс іздеймін деп, Леонид есімді ер адаммен танысады. Леонид оған анасы сияқты қамқорлық танытуын өтінеді. Бұл оғаш қылығы алғашында қызды үркітеді.

Қауіпсіз байланыс

Музыка мектебінің Арина мен Ростислав есімді оқытушылары жұп боламыз дем мүлде ойламаған еді. Интернеттен бастау алған таныстық бір түнмен ғана шектелуі тиіс еді. Бірақ күтпеген оқиғаның арқасында олар қайта жүздесті. Екеуі фильмге түсу туралы ұсыныс алады. Ол аздай келіншектің анасы дұрыс түсінбей оларды бір-біріне ғашық деп ойлап қалады. Арина анасын алдауға мәжбүр болады. Фильм сценаристері де кезінде жұп болған. Олардың тағдырлары да өзгеше. Осылайша төрт жұптың тосын оқиғалары өрби бастайды.

Мезет

Бұл жолы Ам Ням естен кетпес тосын оқиғаларды бастан кешеді. Күннің жайма шуақ бір күнінде Ам Ням терезеден түскен күн сәулесінен көлегейленген түрлі заттардың көлеңкесін байқап, қызықтап отырады. Осы сәтте заттарды көлеңкесіне қарап, анықтауға бола ма деген ой сап ете қалады. Осылайша сұрақ-жауап түріндегі еліктірер ойын басталып кетеді.

Даму

Көлеңкесіне қарап тап

Тілші әрі блогер Настя Красильникова мен актер Владимир Мишуков әйелдерге арналған ерекше бағдарламаны жарыққа шығаруды қолға алады. Настя әлеуметтік желідегі оқырмандарына өтініш жасап, бастарынан өткен оқиғаларымен бөлісуге шақырады. Осылайша 300 адам тілші қыздың өтінішіне жауап қалдырады. Арнайы бағдарламада зорлық-зомбылыққа ұшыраған көптеген әйелдер басынан кешкендерін айтып береді. Көбісі бала кезінде зорлық құрбаны атанған. Сұмдық құпияны жылдар бойы жасыруға мәжбүр болған.

Деректі

Жетер!

Тәттіқұмар Ам Ням түрлі жан-жануарлар мен құс-жәндіктердің кейпіне енеді. Түрлі-түсті бояулар мен қалам арқылы оның суретін салу керек. Күлкілі сәттерін де қалт жібермеу қажет. Ам Нямға бұл жолы да ескі жауы кедергі жасап, аяқтан шалады. Сиқыршы өрмекші түрлі айласы арқылы оны торына түсірмекші. Бар ойы Ам Нямды жеңіп, алапат күшке ие болу.

Салып үйренейік

Алиса есімді 16 жасар жеткіншек қыздың көру қабілеті бала күнінен нашар. Кезекті тексеруден соң дәрігер қыздың анасына үрейлі хабарды жеткізеді. Сирек кездесетін кеселдің салдарынан қыз бірнеше жылда соқыр болып қалуы мүмкін. Анасы қызынан мұны жасырғанымен, қызы бәрібір біліп қояды. Осы сәттен бастап бойжеткен қыз оқуын тәрк етіп, оқыс қадамға барады. Жеңіл жолмен ақша тауып, басқа қалаға біржола көшіп кетуді көздейді. Ол пәктігін ақшаға сатуды жөн көріп, тіпті келісімшарт жасасады.

Алиса күте алмайды

Ғашықтар күніне арналған мерекеге орай махаббаттан басы айналған Ам Ням сыйлық жасаудың хас шебері атанады. Тәттінің түр-түрін білетін Ам Ням сүйіктісіне ғажап тосын сый жасауды ойластырады. Тамаша жоспар құрамын деп, біраз сергелдеңге де түседі. Қос ғашықты тосын әрі қызықты оқиғалар күтіп тұр.

Ам Нямның ғажап оқиғалары: Ғашықтар мерекесі

Тәттіқұмар Ам Ням кішкентай бүлдіршіндерге ағылшын әріптерін жаттатып, сөздердің айтылуы мен жазылуын үйретеді. Тіпті санауды да үйретеді. Әр сабағы көңілді әрі қызықты өтеді. Ойын түрінде өткізілетін сабақ барысында балалар жан-жануарлардың, үй жиһаздарының, тағамдардың, гүлдердің, көкөністер мен жеміс-жидектердің атауын ағылшын тілінде жаттап алады.

Ам Няммен бірге ағылшын тілін үйрену

Көне жәдігерлерді жинаушы қылмыстық топқа Ұлттық мұражайда сақталған өте ерекше және эксклюзивті экспонатқа тапсырыс түседі. Бұл Алтын Адам. Қылмыскерлердің ниеті сәтті жүзеге асады, ал басты күдікті ретінде Айша есімді мекеменің жас қызметкері ұсталады. Кейіпкер қылмыскерлерге көмектесті деп айыпталып, түрмеге түседі. Бірақ Айша негізсіз айыптауға шыдамай, адал есімін қайтару үшін және отбасын ұяттан құтқару үшін түрмеден қашады. Бәрінен көңілі қалған Айша жоғалған мүсінді өзі іздеп табуға бел буады.

Қазақстан

Айша

Бірнеше жыл бұрын Қазақстанның әуе кеңістігінде ұшып бара жатқан ұшақтың бортында ықпалды түрік олигархының әйелі қыз туды. Ал оны әуеде босандырған қазақ дәрігер әйелдің бір жасар ұлы бар. Қуанғаннан екеуі сол жерде балаларын үйлендіреміз деп келіседі. 25 жыл өткен соң жастар Астанада кездесіп, онда қазақстандық және түрік құрылысшыларының бизнес мүдделері тоғысады.

Мелодрама

Түркия

Астана — махаббатым менің!

Тағдыр қарапайым ұста жігітке тосын сый жасап, ол бір сәтте есік шығаратын ірі компанияның бастығы болып шыға келеді. Бұрын-соңды басшы болып көрмеген ер адам миллиондаған табысы бар компанияны басқарып қана қоймай, оны дамытып, көшбасшылар қатарына шығаруы тиіс. Деседе тәжірибесінің жоқтығы басты кедергі емес. Лауазымынан айырылып қалған бұрынғы басшы ұста жігіттің аяғынан шалып, қитұрқы арам істерге баратын болады

Есіктер

Бір күні бүтін бір отбасы шалғайдағы ауылдан қалаға көшіп келеді. Ағайынды ер адамдар бала-шағаларымен тар пәтерде бірге тұруға мәжбүр болады. Қаланың тұрмыс-тіршілігіне бейімделмеген отбасы алғашында көптеген қиындықтар мен күлкілі жағдайларға тап болады. Әуелі жұмыс тауып, көршілермен тіл табысуы керек. Ақша үнемдеп үйреніп, қала тіршілігіне төселуі тиіс.

Отбасылық

Квартиранттар

Алматы шаһары жас келіншектердің тағдырын тоғыстырып, өмірлеріне жаңа леп әкеледі. Әрқайсысының жүрегінде асқақ арманы бар. Сол армандарын жүзеге асыру үшін олар бәріне дайын. Олар бірігіп, ортақ іс бастап кетеді. Бірақ бұл талпыныстары зор кедергілер мен қиындықтарға әкеледі. Жас аналар өмірдің сан түрлі сынақтарынан өтетін болады. Тіпті жақындары тарапынан ту сыртынан пышақ ұрылады. Бірақ жүректегі жылы сезім өшпеуі тиіс.

Өткінші жаңбыр

Айсұлу есімді консерватория түлегі қаладан жұмыс таба алмай, туған ауылына оралуға мәжбүр болады. Сұлу қыз ауылда Ержігіт есімді жылқы өсіретін шаруа қожалығында істейтін жігітпен танысады. Көп ұзамай жастар бір-біріне ғашық болады. Деседе Айсұлу ауылдың өміріне төселе алмай, жүрегі қалаға жиі тартып тұрады. Ал Ержігіт ауылдағы өмірін қаланың қарбалас тіршілігіне айырбастығысы келмейді. Бұл екі жастың арасына сызат түсіріп, сезімдері сынаққа ұшырайды.

Өміріңе келдім

Жасыл желекке оранған ауылда туып өскен қарияның өмірі бір сәтте алай-дүлейге айналады. Ауыл енді бұрынғыдай емес. Жан-жағына тұрғын-үй кешені салынған. Бірақ Захар есімді қарттың жұпыны жер үйі кешеннің көркін қашыруда. Көршілері мен үлескерлер үйін жермен-жексен етіп, орнына автотұрақтар мен балалар алаңын салуға ниетті. Алайда қазымыр қария бұған жол бермеу үшін барын салуда. Көршілері де қол құсырып отырған жоқ. Қарттың өмірін одан сайын қиындатуда. Тіпті лас қадамдарға да баруда. Осы шиеленісті жағдайда ғажап әрі күтпеген оқиғалар да өрбиді. Жауласқан отбасылардың балалары бір-біріне ғашық болып қалады.

Жалғыздың күресі

Австралия

Америка Құрама Штаттары

Армения

Бельгия

Германия

Гонконг

Дания

Жапония

Ирландия

Испания

Италия

Канада

Қытай

Латвия

Нидерланды

Норвегия

Оңтүстік Корея

Украина

Финляндия

Франция

Швеция

Ел

Биография

Атыс-шабыс

Әскери

Детективтер

Драмалар

Тарихи

Комедиялар

Қылмыстық

Мелодрамалар

Музыкалық

Мультфильмдер

Шытырман оқиғалар

Реалити

Спорт

Триллерлер

Қорқынышты

Фантастика

Шоу

Аниме

Қысқаметражды

Вестерн

Жанр

2025

2024

2023

2022

2021

2020

2019

2018

2017

2016

2015

2014

2013

2012

2011

2010

2000-2009

1990-1999

1980-1989

1970-1979

Жыл

https://api.unicoplay.com/categories?category=series&for_kids=false&apikey=KNnpXL0TCyMm9F0qFqF5vsBzj3O4NGBs&locale=kk&content_lang=kk

Сериалдар - онлайн көру