Фильм Франклин – онлайн көру

Фильм сюжеті екі түрлі әлемде қатар өрбиді: бірі Лондон болса, екіншісі қиялдан туған Минуайл Сити. Минуайл Ситидегі саясатқа байланысты бүкіл халық белгілі бір дінге сену керек, ал сенімнің болмауы қылмыс саналады. Лондонда тұратын өнер факультетінің студенті Эмилия суицид жасауға бейім. Майло — сүйіктісінен айырылып қалғаннан кейін, өмірден мән іздеген жігіт, ал Питер — соғыста із-түссіз жоғалған ұлын іздеген діншіл адам. Ал Минуайл Ситиде маска таққан Джон Престон — қаладағы қылмыскерлердің қорқынышты түсіне айналған кәсіби детектив. Алғашында бұл төрт кейіпкердің бір-бірімен кездесу мүмкіндігі тым аздай көрінер, алайда шырмауы көп тағдыр оларды бір жерде тоғыстырады. Жұмбаққа толы «Франклин» фильмін Unico Play онлайн-кинотеатрынан көріңіздер.