Федор

Ольга есімді заңгер әйелдің өмірі ішімдікке әуестенген сәттен бастап құрдымға кете бастайды. Бір күні ішімдікті ұрттап, көлік тізгініне отырған әйел кішкентай ұлымен бірге жол апатына ұшырайды. Мұны білген күйеуі дереу ажырасуға өтінім беріп, келіншектен ұлын тартып алады. Аналық құқығынан айырылған әйел терең күйзеліске түседі. Ақырында ол өзін қолға алуды жөн көріп, сыныптасының компаниясына заңгер болып орналасады. Осылайша бар уақытын жұмысына арнай бастайды. Ол ажырасуға байланысты түйіні шешілмеген қиын істерді жүргізіп, сотта зор жеңістер мен жетістіктерге жете бастайды. Алайда өз өмірін түзеуге қауқарсыз. Келіншек баласын қайтаруды армандайды. Бірақ мұндай жағдайда бұл мүмкін емес екенін түсінеді.

Драма

Ресей

Адалдықтан ада

Неверные

Таня — өмірінің мәніне айналған екі баласын жалғыз тәрбиелеп отырған ана. Күтпеген жерден ауыр диагноз қойылған сәттен бастап өмірі түбегейлі өзгереді. Себебі екі баласын сеніп қалдыратын ешкімі жоқ. Ана сенімді, мейірімді, әрі балаларына тіреу бола алатын адам табуға тырысады. Балаларына әке табу жолында өміріне мүлде жат, бірақ ерекше бір жанды жолықтырады. Олар бір-бірін сөзсіз түсініп қоймай, араларында көзге көрінбейтін химия пайда болады. Десекте, оның таңдап жүретін уақыты аз, ол үшін бұл — тек балаларының болашағы емес, өзіне де екінші мүмкіндік болмақ.

Комедия

Арамызда химия

Между нами химия

1986 жыл. Мәскеу маңындағы шағын қалада жасөспірім балалар із-түзсіз жоғалады. Қоғамда дүрбелең басталы, полиция қызметкерлері тезірек әрекет етуі керек. Тәжірибелі тергеуші Валерий Козырев пен әріптесі Евгений Боков істі қолға алды. Көп ұзамай олардың қатарына жас қызметкер Наталья Добровольская қосылады. Үш тергеушіге оқиғалардың жалғыз куәсі кішкентей Игорь көмектесуге тырысады. Алайда балақайдың әрбір айтқаны одан сайын шатастырып, істі тоқтатып қояды. Оның үстіне Игорьдің ата-анасы да баласының заң қызметкерлеріне көмектескенін қаламай, тергеуге бөгет жасайды.

Детектив

Қылмыстық

Триллер

Фишер

Лика есімді бикеш қылмыскерлердің сәттілік әкелетін тұмарына айналған. Қызды лас істерге тартқан сайын қарақшылардың айы оңынан туып, келеңсіз жайттардан сытылып кетіп жүреді. Бір күні қылмыс серкелерінің бірі Ликаны сұм іске араластырып, бағынышты күйге түсіреді. Ол аздай миллиондаған қаражат жымқырды деп айыпталған Антон есімді ер адаммен бірге қауіпті іске араласуына тура келеді. Ер адамның үнемі келеңсіздіктерге ұшырап жүретін әдеті бар. Оқыс әрі күлкілі оқиғаларға да жиі тап болады. Тығырықтан шығар жолды енді олар қалай таппақ?

Жолы болғыш Лика

Диагноз «Везучая»

Қарындасының өлімі Герман есімді ер адамға ауыр соққы болып тиіп, өмірін бір сәтте өзгертеді. Қайғыдан қан жұтқан ер адам қарындасы өзіне қол жұмсауы мүмкін емес деп санайды. Герман Ева есімді қарындасы екеуі ата-анасыз өскендіктен, бір-біріне қатты бауыр басқан. Қарындасының өлімі ер адамды есеңгіретіп жіберген. Кеудесі кек тұнған Герман қарындасының өліміне күйеуі Олег кінәлі деп есептейді. Олег Еваның өлімінен кейін көп ұзамай басқа отбасын құрып, бақытты ғұмыр кешіп жатады. Герман кек алуды көздеп, Олегтің үш жасар қызын ұрлап кетеді. Бірақ шын мәнінде істің қалай болғаны және Еваның өліміне кім кінәлі екені әлі жұмбақ күйде.

Сені кім өлтіргенін білемін

Я знаю, кто тебя убил

1980-жылдары болашағынан зор үміт күттірген балерина Рута Майерс гастроль кезінде қудалаудан қорқып, шетелде қалып, әлемдік сахналарда аты шығады. Қырық жыл шетелде тұрып, әлемдік деңгейдегі балет жұлдызына айналған ол, қызметін хореограф ретінде жалғастырады. Қырық жылдан кейін туған еліне оралып, ұлттық театрда жаңа қойылым қоюға келіседі. Дегенмен, ұлттық театрдың сахнасы — тек өнер алаңы емес, күрес, интрига мен көреалмаушылықтың ордасы екен. Сахнада бәрі әдемі көрінгенімен, сахна сыртында атақ пен даңқ үшін нағыз соғыс болып жатқанын көрермендер білмейді. Рута бұрынғы достарымен қауышып, жауларымен татуласуы керек.

Балет

1934 жыл Отто Шмидт пен капитан Владимир Воронин басқарған Челюскин кемесі экспедицияға шығады. Бастапқыда бұл — саяси мақсатпен де, ғылыми амбициямен де өрілген тарихи сәт еді. Алайда табиғаттың өз ережесі бар, мұхит олар күткеннен әлдеқайда қатігез болды. Кеме мұз астына кетіп, 104 адам мұздың үстінде шарасыз күйде қалады. Экипаж мүшелері үшін бұл ғылыми майдан емес, өмір үшін күреске айналады. Әрбір адамның бойын аштық, үмітсіздік, жүйеге деген күдік билеп, ішкі шайқасқа айналады. Ер мен әйел, офицер мен дәрігер, жас пен қарт — барлығы тең. Барлығының тілегі тек аман қалу.

Тарихи

Челюскин. Алғашқылар

Челюскин. Первые

Спорт

Сорақайлар

Дылды

1988 жыл. Кеңес Одағы ыдырауға жақын, жаңа заманның лебі ептеп сезіле бастаған шақ. Саратов қаласында жас продюсер Александр Шишинин өзінің де, өзгенің де өмірін өзгертуге бел байлайды. Ол өмірі сахнада өнер көрсетіп көрмеген, бір-біріне ұқсамайтын бір топ қызды жинап, поп-музыка әлеміне алып келеді. Осылайша, «Комбинация» атты қыздар тобы сахнаға шығады. Олар кезекті топ болған жоқ, олар шектеулерге қарсы күрес, әйелдердің өз дауысы мен орнын талап ету жолындағы қарсылық символына айналды.

Музыкалық

Биография

Комбинация

Марина, Люда және Света есімді үш құрбы жезөкшелікті кәсіп етіп, күнелтуде. Қу тіршіліктің қамымен жүрген құрбыларда басқа амал жоқ. Бұрын олар төртеу болған. Жанна есімді құрбыларының айы оңынан туып, шалғайдағы қаладан шаһарға көшіп, өмірін жақсы жаққа өзгерткен. Бір күні Жанна судай жаңа көлігімен туған мекеніне оралады. Құрбылары қызыға қарап, тамсана түседі. Жанна оларға лас өмірді артқа тастап, жаңадан кәсіп ашуды ұсынады. Құрбылар қуана келісе кетеді. Осылайша төрт келіншек ауылда фитнес клуб ашуды қолға алады. Тіпті іске білек сыбана кірісе кетеді. Алайда жезөкшелік өмірді артқа тастау оңайға соқпайды. Оларға жеңгетайлық етіп, қыздар арқылы арам ақша тауып жүрген қылмыскерлер құрбыларға кедергі келтіріп, аяқтан шала бастайды. Осы сәтте келіншектердің өмірі құрдымға кете жөнеледі. Төрт құрбы тағдырдың ауыр сынақтарына төтеп бере алар ма екен?

Федор Бондарчук: фильмография