Ли

Чхан У есімді студент жігіт полиция академиясына оқуға түсу үшін бар ынтасымен дайындыққа кіріседі. Бірақ 404-ші пәтерде тұратын көршісі жігітке сабағын оқуға кедергі жасап, әбден мезі қылады. Жігіт пәтер иесіне талай рет шағымданғанымен, бұл әрекеті ешқандай нәтижеге әкелмеді. Бір күні жігіттің досы сабақтан бір мезгіл тынығып, сергіп қайтуға ұсыныс жасайды. Алайда көңілді кештің соңы сұмдық оқиғамен аяқталады. Ішімдікті сілтеген жігіт көршісінің үйінде оянады. Бөлмеде бейтаныс адамның жансыз денесін көріп, қатты шошиды. Ең сорақысы – жігіт кештегі оқиғаны есіне түсіре алмайды. Бұл сұмдықтан құтылу үшін бір амал табуы керек. Оның үстіне, армандаған мамандығына қол жеткізе алмауы да мүмкін.

Триллер

Комедия

Оңтүстік Корея

404-ші пәтер

Yeopjipsaram

Детектив Хэ Джун таулы аймақта болған жұмбақ өлімді тергеп жатыр. Марқұмның жесірі Со Рэ тергеу барысында бас күдіктіге айналады. Алайда, Хэ Джунның тергеу барысында Со Рэге деген сезімі оянып, оның кінәсіз екеніне сенгісі келеді. Бұл сезімдер оның кәсіби міндеті мен жеке эмоциялары арасындағы күрделі қақтығысқа әкеледі. Фильм барысында көрермендерді күмән мен шындықтың шекарасын қайта қарауға итермелейтін шиеленісті оқиғалар мен күтпеген бұрылыстар орын алады. Со Рэнің әрекеттері мен шынайылығы белгісіз болып қала береді, бұл Хэ Джунды әрі қарай шешім қабылдауға мәжбүрлейді.

Ли Джон-хён: фильмография