Мұрат

Самат отыздан асқан сүрбойдақ. Жанындағы достарының бәрі үйленіп, той жасап жатыр. Жігіт қалыңдық табу мақсатында әлеуметтік желіде Ләйлә есімді қызбен танысады. Ләйла да Самат сияқты мысықтарды жақсы көреді. Бауыржан досын Алматыға ертіп барып, Ләйланы алып бермекші. Ал дәл осы уақытта Алматы мұражайында Цин әулетінің XIV ғасырдағы бағалы құмырасын контрабандистер ұрлап кеткен. Полиция қылмысты ашуға тырысады, аңғал Бауыржан мен Самат күдікке ілінеді. Енді олар қалыңдық іздеумен қатар, өздерінің кінәсіз екенін дәлелдеуі керек.

Комедия

Қазақстан

Ең сұлу. 16 қыз — 2

Алмаз есімді жігіт бай әрі ірі беделге ие әкесінің арқасында жоқшылық тауқыметін тартып көрмеген. Деседе өзге байлардың еркетотай ұлдарынан ақылы мен көрегендігі және мейрімділігімен ерекшеленеді. Жігіт Эльвира есімді аруды кездестіріп, шаңырақ көтеруге ұсыныс жасайды. Бірақ дәл той күні оқыс оқиға орын алады. Жақын досы қоңырау соғып, көмектесуін өтінеді. Алмаз дереу көлігіне отырып, досына жол тартады. Жолда оған әкесі мен қалыңдығы қоңырау соғып, дегбірін қашырады. Ол аздай, бизнестегі серіктестері де мазасын алады. Дәл осы сәтте жақындары жайлы ол білмеген көлеңкелі тұстары айқын болады. Түрлі құпиялар да ақтарылады. Көңілі қалған Алмаз енді кері оралғысы келмейді.

Драма

Алмаз

Арман, Тұрсынбек және Тима — өмірге жеңіл қарайтын үш жақын дос. Достардың бірі махаббат іздейді, екіншісі үйленген, ал үшіншісі әйелдерден жалығып жүрген қызқұмар. Бір күні олар күтпеген жерден тек әйелдер ғана билік ететін, ер адамдар мүлде жоқ жұмбақ әлемге тап болады. Алғашында бұл әлем оларға жұмақтай көрінеді: әйелдердің махаббатына бөленіп, еркесіне айналады және барлығы үшеуінің айтқанын бұлжытпай орындайды. Алайда бұл әлемде бәрі оңай емес. Ережелер өзгеше, ал ер адамдар — экзотика. Көп ұзамай достар жұмақтың да өз тәртібі бар екенін түсінеді.

Барлығы жігіттер үшін

Все из-за мужиков

Фильм Қазақстанға оралған Ка мырзаның тағдырын баяндайды. Бар ғұмырын Бангкок түрмесінде өткізген қарт енді тыныш өмір сүремін дегенде пойызда Игорь есімді жігітпен танысады. Сырттай қарапайым көрінген бұл жас жігіт, шын мәнінде, есірткі тасымалдаушылар тобына қатысы бар екені анықталады. Олардың арасындағы әңгімеден қарт жас жігіттің қиындыққа ұшырағанын түсініп, оған көмектесуге шешім қабылдайды. Дегенмен бұл жағдай Ка ойлағандай оңай болып шықпады. Шындық ашылған сайын Ка мырзаның да құпиясы көп екені анықталады. Оның өткені — жұмбақ, бүгіні — өмір мен өлімнің шахмат ойыны іспеттес, болашағы бұлыңғыр.

Атыс-шабыс

Ресей

Сіз кімсіз, Ка мырза?

Теңіз жағасындағы шағын балықшылар ауылында қайғылы жағдай орын алады. Қадір есімді жігіт қайығымен бірге суға батып кетеді. Оның артында әйелі мен қызы қалады. Қайықтың иесі Макош шығынды өтеуді талап етеді. Сара бұл мәселені шешу үшін қызын Макошқа тұрмысқа беруге дайын. Алайда Зеренің жүрегін жаулаған сүйіктісі бар. Қыз өмірінде алғаш рет анасына қарсы шығады. Теңіз жағасында еркін өскен бойжеткен еркінен тыс егде адамға тұрмысқа шығуға қарсы. Алайда Сара аналық борышын өтеп жүрмін деп санайды. Ол Зерені жанындай жақсы көреді және бұл қадам перзентінің қамы үшін жасалды деп ойлайды.

Зере

Бұрынғы «үш жүздің семсері» Бақытжан Әбдулаев өткен өміріндегі атышулы істерден кейін жақындарынан айырылып, қылмыстық әрекеттерінен бас тартады. Тауда оңаша өмір сүреді. Алайда жиенінің айуандықпен өлтірілгені туралы хабар оны бей-жай қалдырмайды. Баха оның өліміне кінәлі қауіпті де ықпалды, заңға бағынбайтын жергілікті олигарх Сансызбайдың баласы Сәкен екенін біледі. Баха үш жүздің ең күшті, беделді руларына қарсы соғыс жариялауды ұйғарады.

Криминал

Аға

Фильмде Саян есімді жігіттің өмірі баяндалады. Зиялы отбасынан шыққан бала жастайынан боксқа қызығып, жақсы нәтижелер көрсетеді. Алайда КСРО ыдырағанда ел ішіндегі күрделі жағдайға байланысты Саян оқуын тастап, қылмыс жолына түседі. Руслан атты жігіт басқаратын бандиттық топтың қатарына кірген ол қылмыстық өмірдің барлық қыр-сырымен танысады.

Рэкетир

Жау шапқыншылығы жиілеген заманда ата-анасынан айырылған Томирис қиындық пен соғысты бала кезден көріп өседі. Бұл қасірет оның мінезін шыңдап, батыр мінезді ержүрек бойжеткенге айналдырады. Дәл осы кезеңде айбынды парсы патшасы  Кир жаңа жерлерді басып алуды көздейді. Оның назары сақтардың жеріне түсіп, сақ тайпасын бағындыру үшін түрлі айла-тәсілдер қолданады. Жорықтардың бірінде Кир әскері Томиристің ұлы мен күйеуін өлтіреді. Енді Томирис елі мен жерінің ғана емес, отбасының да кегін қайтару керек.

Мұрат Бисенбин: фильмография