Оксана

Ольга есімді заңгер әйелдің өмірі ішімдікке әуестенген сәттен бастап құрдымға кете бастайды. Бір күні ішімдікті ұрттап, көлік тізгініне отырған әйел кішкентай ұлымен бірге жол апатына ұшырайды. Мұны білген күйеуі дереу ажырасуға өтінім беріп, келіншектен ұлын тартып алады. Аналық құқығынан айырылған әйел терең күйзеліске түседі. Ақырында ол өзін қолға алуды жөн көріп, сыныптасының компаниясына заңгер болып орналасады. Осылайша бар уақытын жұмысына арнай бастайды. Ол ажырасуға байланысты түйіні шешілмеген қиын істерді жүргізіп, сотта зор жеңістер мен жетістіктерге жете бастайды. Алайда өз өмірін түзеуге қауқарсыз. Келіншек баласын қайтаруды армандайды. Бірақ мұндай жағдайда бұл мүмкін емес екенін түсінеді.

Драма

Ресей

Адалдықтан ада

Неверные

Бір кездері Бобровтар отбасының үйіне метеорит құлаған еді. Осы жағдайдан соң туыстары алаяқтық үшін қолданамыз деп шешім қабылдаған таңғажайып қабілеттерге ие болады. Бобровтармен кезінде жасалған қастықтары өздеріне оралып, алдымен олар Тайландқа қашып, содан кейін Ресейге асығыс оралуға мәжбүр болады. Енді кейіпкерлер адамдарға көмектескісі келеді, бірақ бұл оңай емес. Әсіресе, супер зұлымдарға қарсы тұрып, басқа орыс кейіпкерлерімен санасуға тура келгенде.

Комедия

Отбасылық

СуперБобровтар. Халық кек алушылары

Бала сүйгісі келетін бай отбасы Саша есімді 27 жасар келіншекпен келісімге келіп, оны суррогат ана ретінде жалдайды. Келіншектің көмегіне жүгінген адамдардың оған қояр бір шарты бар. Саша баланы дүниеге әкелгенше беделді отбасымен бірге бір шаңырақтың астында тұрып, олардың айтқандарын бұлжытпай орындауы тиіс. Алғашында қарсы болған келіншек кейіннен келісуге мәжбүр болады. Себебі қыр-соңынан қалмай жүрген белгісіз адам мазасын қашыра бастайды. Сашаның ешкімге тіс жармаған құпиясы бар. Бірақ беделді шенеуніктің зәулім үйіне көшкен сәттен бастап барлығының өмірі күрт өзгеретін болады. Саша қамқор болып көрінген ерлі-зайыптылар шын мәнінде оған ақшаға сатып алған ойыншық ретінде қарайтындарын байқап, қамығады. Келіншек ережеге бағынғысы келмейді. Ақырында үйдегі жағдай шиеленісе түседі.

Оксана Акиньшина: фильмография