Ұлболсын

Майлз есімді оқушы бала күтпеген жерден орасан зор тылсым күшке ие болады. Метро бекетінде оны өрмекші шағып алып, баланың бойында ерекше қасиет пайда болады. Бірақ ол Питер Паркер есімді өрмекші адам сияқты өз күшін басқара алмайды. Бір күні ол Уилсон Фиск есімді зұлым адамның құпия зертханасына тап болады. Уилсонның мақсаты —  ерекше құрылғы жасап, сол арқылы өзге әлеммен байланысқа шығу. Ол осылайша қайтыс болған әйелі және ұлымен қауышқысы келеді. Бірақ бұл құрылғы Жер шарын түгел жойып жіберу мүмкін. Сондықтан Питер есімді аңызға айналған өрмекші адам зұлым адамды тоқтатуға тырысады. Алайда дегеніне жете алмай, оның қолынан қаза табады. Өлер алдында ол балаға ерекше флешканы береді. Бұл флешканың көмегімен құрылғыну тоқтатуға болады. Енді Майлз есімді жаңа өрмекші адамның алдында әлемді құтқару тұр. Шайқас барысында ол өзге әлемдерден келген барлық өрмекші адамдармен бірігіп, жауға қарсы шығатын болады.

Мультфильм

Фантастика

Фэнтези

Атыс-шабыс

Комедия

Шытырман оқиға

Отбасылық

Канада

Америка Құрама Штаттары

Өрмекші адам: Ғаламдар арасында

Spider-Man: Into the Spider-Verse

Шерхан және Қазанбас есімді екі жігіт Алматыға келіп, күнелту үшін заңсыз әрекеттермен айналыса бастайды. Бір күні достар қыдырып жүріп екі қызбен танысады. Таныстықты жалғастыру үшін қыздар оларды өз үйлеріне шақырады. Алайда ол жерде бұларды күтпеген тосын сый күтіп тұр. Осылайша екі дос байқамай құлдыққа түсіп қалады. Ол жерде олар күні-түні тұшпара жасауға мәжбүр. Шерхан бұл құлдықтан қашып құтылудың амалын ойласа, Қазанбас тұшпара сатылымын арттыру бойынша кеңестер айтып, жаңа басшыларын өзіне қаратып алады. Енді достар құлдықтан құтылумен қатар өздерінің араларындағы кикілжіңді де шешулері тиіс.

Драма

Қазақстан

Қораға кірдік

Алты қыздың ата-анасы жетінші сәбиін асыға күтуде. Үлбіреген үміттері орындалып, жетінші перзенттерінің ұл болғанын қалайды. Құат пен Жұлдыз есімді көпбалалы жұп ырымдап, қыздарына тіпті  «ұл» түбірінен басталатын Ұлбосын, Ұлмекен сынды есімдер қойған. Дәрігердің кезекті бақылауында Жұлдыз ұлды болатынын біледі. Отағасының қуаныштан басы айналып, төбесі бір елі көкке жетпей әбден шаттанады. Айтулы күн туып, толғақ қысқан Жұлдыз ауруханаға жол тартады. Бірақ дүниеге қыз әкеледі. Дәрігер қателесіп, ультрадыбыстық тексеруде қызды ұл деп шатастырған екен. Дәл осы тұста отағасы ұлды болғанын тойлатып, думандатып ауруханаға келеді. Қамыққан келіншек не істерін білмей, жыларман күйге түседі. Осы кезде көршісінің ұлына көзі түседі. Ол көрші келіншекке ақша ұсынып, сәбилерді бір күнге ауыстыра тұруға көндіреді. Осылайша күйеуі мен барша жұртты ұл босандым деп сендіреді. Бірақ өтіріктің құйрығы бір-ақ тұтам демекші, күндердің бір күні жасырған құпиясы мәлім болады. Осы кезде оқиға мүлде басқаша өрбиді.

Жеті гүл

Серік есімді кәсіпкер қызының туған күнін атап өту үшін дастархан басына бүкіл отбасын жинайды. Дәл осы кезде үйге мұздай қаруланған қарақшылар баса-көктеп кіріп келеді. Бірақ беттерін бетпердемен тұмшалаған баукеспелер тонау үшін емес, мүлде басқа себеппен келген. Ақша мен мүлік оларды әсте қызықтырмайды. Осы сәтте шақырылған қонақтар, көршілер мен курьерлер келіп, абыр-сабыр басталып кетеді. Баукеспелер келген қонақтардың барлығын кепілге алады. Дүйім жұрт не істерін білмей, абдырап қалады. Деседе осындай аласапыранда араларына сызат түскен отбасы бір-бірін жақсы түсіне бастайды. Алғаш рет бір-біріне құлақ асып, араздығын ұмытады.

Шала бандиттер

Ұлболсын Шалқарова: фильмография