Жан

90-жылдар артта қалып, еліміз жаңа ғасырға бет алды. Саян бұрынғы қылмыстық өмірімен қоштасып, үлгілі отбасын құрып, қалыпты өмірін сүруде. Алайда бір күні оған Русланның інісі келіп, ағасы үшін кек алуды ұсынады. Саян қарсылық танытқанымен Була оны тыңдамай іске кіріседі. Жас жігітті құтқару үшін Саянға бұрынғы өмірімен бетпе-бет жүздесуіне тура келеді.

Атыс-шабыс

Драма

Криминал

Қазақстан

Рэкетир 2

Серік есімді кәсіпкер қызының туған күнін атап өту үшін дастархан басына бүкіл отбасын жинайды. Дәл осы кезде үйге мұздай қаруланған қарақшылар баса-көктеп кіріп келеді. Бірақ беттерін бетпердемен тұмшалаған баукеспелер тонау үшін емес, мүлде басқа себеппен келген. Ақша мен мүлік оларды әсте қызықтырмайды. Осы сәтте шақырылған қонақтар, көршілер мен курьерлер келіп, абыр-сабыр басталып кетеді. Баукеспелер келген қонақтардың барлығын кепілге алады. Дүйім жұрт не істерін білмей, абдырап қалады. Деседе осындай аласапыранда араларына сызат түскен отбасы бір-бірін жақсы түсіне бастайды. Алғаш рет бір-біріне құлақ асып, араздығын ұмытады.

Комедия

Шала бандиттер

Жомарт жақындарымен бірге Үндістандағы таныстарының тойына келеді. Бұл жерде ол туыстарына қонақ үйді сатып, оларды жұмыстан шығаратыны туралы айтады. Алайда оқыс оқиға болып, Жомартты жергілікті бандиттер ұрлап кетеді. Қиын жағдайға тап болғанда Жомартты құтқаруға сол баяғы туыстары келеді.

Қазақша бизнес Үндістанда

Бай және зиялы отбасынан шыққан Дидар Салтанат есімді қарапайым қызға ғашық болып, ақыры үйленеді. Қыздың ата-анасы тұрмыс тауқыметін тартып отырған отбасылардың бірі. Өз үйлері жоқ, пәтерден пәтерге көшіп өмір сүрүде. Бір күні қиын жағдайға тап болып далада қалады. Бай да жомарт құдалары оларға көмек қолын созып, бірге, бір шаңырақ астында уақытша тұруға ұсыныс жасайды. Осы мезеттен бастап екі отбасы әртүрлі жағдайларға тап болып, талай қызықтарды бастан өткереді. Керемет отбасылық комедия, 2022 жылдың кассалық хиттерінің бірі.

Күшік құда

Квартиранты. Күшік құда

Қонақ үй бизнесі қарқынды дамуда. Жомарт енді жаңа технологияларды енгізуге бел буады. Алайда ауылдан шыққан туыстары Оңтүстік Кореядан әкелінген қымбат роботты сындырып алады. Енді оны жөндеу үшін Жомарт көмекшісі Аланмен Кореяға аттанады. Олардың артынан еремін деген Еркош байқамай Солтүстік Кореядан бірақ шығады. Енді олар Еркошты құтқарудың амалдарын ойластыру керек.

Қазақша бизнес Кореяда

Батырбек қалада оқуға түсе алмай, ауылға қайтып келеді. Онда інісі Аян оған көмектесуге бел буып, қалыңдық іздеуге кіріседі. Ол ағасына қалыңдық таңдап, оның орнына хат-хабар алмасып, өмірін басқа арнаға бұрады. Інісінің жоспары жүзеге асар ма екен? Мүмкін тағдырына балта шапқалы тұрған шығар.

Мелодрама

КСРО

Ағама арналған қалыңдық

Невеста для брата

Тентек бауырлар Баха мен Таха анасынан айырылған. Қос ұлдың әкесі жұмыстан үнемі босамайды. Балаларға ағылшын тілі мұғалімі мен өгей аналары қарайды. Балалар Амазонка ханшайымы жайлы ертегіні сүйіп оқиды. Ертегі желісі бойынша, ханшайымның ұлы соғыста қатты жараланып, көз жұмады. Енді оны қайта тірілтетін дәрі керек. Дәріні сиқырлы карта арқылы табуға болады. Баха мен Таха сиқырлы қартаны тауып, қайта тірілтетін дәрімен аналарын қайтарғысы келеді. Жұмбақ ормандағы сынақтар арқылы бауырлар бауырмашылық, достық пен батылдықтың маңызын түсінеді. Ақтық шайқаста жеңіске жетіп, балалар нағыз батыр атанады.

Мультфильм

Фэнтези

Шытырман оқиға

Аңыздар кітабы. Жұмбақ орман

Книга легенд. Таинственный лес

Жомарт Айсұлуға үйленіп, екеуі Дубайға демалуға аттанады. Алайда туыстары олармен бірге ілесіп алады. Ол жерде олар Африка бизнесмендерімен кездесіп, шәй сатып, баюдың жоспарын құра бастайды. Шәй плантацияларын көріп келеміз деп олар алаяқтарға алданып, Кенияға кетіп қалады. Енді Жомарт оларды құтқару үшін тағы бір саяхатқа аттануы тиіс.

Қазақша бизнес Африкада

Қытайдың мықты бизнесмендері отандық тау-кен байыту орнын сатып алуға ұсыныс жасайды. Жергілікті билік өкілдерінің бәрі бұл келісімнен өз пайдасын көретініне кәміл сенімді. Сол себепті олар кәсіпорынды сатуға бел буады. Алайда тау-кен байыту орнының директоры бұларға қарсы шығып, мемлекеттік кәсіпорынды аман алып қалу үшін қауіпті күрес жолына түседі.

ГОК

Фильмде Саян есімді жігіттің өмірі баяндалады. Зиялы отбасынан шыққан бала жастайынан боксқа қызығып, жақсы нәтижелер көрсетеді. Алайда КСРО ыдырағанда ел ішіндегі күрделі жағдайға байланысты Саян оқуын тастап, қылмыс жолына түседі. Руслан атты жігіт басқаратын бандиттық топтың қатарына кірген ол қылмыстық өмірдің барлық қыр-сырымен танысады.

Рэкетир

Жомарттың бизнесі халықаралық деңгейге шығып, енді ол шетелден қонақ үй сатып алуды көздейді. Осы мақсатпен ол туысқандарымен бірге Түркияға аттанады. Онда бес жұлдызды қонақ үй аукционға қойылған. Алайда жаңа мүлікті сатып алу оңай іс емес және біздің сүйікті кейіпкерлер тағы да көптеген қызықты оқиғаларды бастан кешіреді.

Қазақша бизнес Түркияда

Жаңа жыл қарсаңында әдеттегідей жатақхана студенттері ауылдарына қайта бастайды. Тек Ермек және Дәурен есімді екі студент пен Асхат ағай қалады. Асхат жұбайымен ұрсысып қалады және ол ренжіп төркініне кетіп қалады. Іші пысқан ағай екі студентті өзінің бөлмесіне шақырып, көңіл көтеруге ұсыныс тастайды. Бірақ студенттер тек су ішеміз деп байқамай емші оқытып қойған сусынды ішіп қояды. Барлық қызық осыдан кейін басталады.

Таиландтағы демалыс

Жомарт есімді жігіт әкесінен мұра ретінде қалған қонақ үйді шетелдік инвесторларға сатуды ұйғарады. Алайда жаңа сатып алушылар алдымен қонақ үйге келіп, оның жағдайын өз көздерімен көргісі келеді. Қызметкерлерінің бәрі жұмыстан шығып кеткен, Жомарт амалсыздан ауылға барып, өзінің туысқандарын жұмысқа тартады. Мұндай жерде ешқашан жұмыс істеп көрмеген оларға басында қиын болады, бірақ уақыт өте келе туыстары да өздерінің жақсы қырларын көрсетіп, Жомартқа барынша көмектеседі.

Қазақша бизнес

Туыстарының көмегімен қонақ үйдің жұмысын қайта жандандырған Жомарт енді бес жұлдыз мәртебесін алу үшін Америкадан келетін арнайы маманды күтуде. Алайда сол туысқандардың кесірінен маман ашуға мініп, қонақ үйге аяқ баспай жатып қайтып кетеді. Енді оның шешімін өзгертіп, ықыласын алу үшін Жомарт кішігірім командасымен Америкаға аттанады. Онда олар талай қызықты оқиғаларға тап болып, бизнесті құтқаруға бар күштерін салады.

Қазақша бизнес Америкада

Жас сценарист Дамир шабыт іздеп жүріп, үлкен қонақ үйге швейцар болып жұмысқа тұрады. Маңызды да қызыққа толы қызметте ол нешетүрлі адамдарды кездестіріп, талай көңілді жағдайларға тап болады. Дамир өзін жақсы қырынан көрсетіп, қонақ үй тұрғындарының көңілінен шығады. Алайда бәріне жағу мүмкін емес және бас кейіпкер әлі талай сәттерді бастан кешіреді.

Жан Байжанбаев: фильмография