Фильм Отбасылық кәсіп – онлайн көру

Ида Уолкер есімді әйел темір торға тоғытылса да қылмыстық әлемнен қол үзбеген жан. Жиреншаш лақап атымен танымал Ида түрмеге 25 жылға қамалған. Десе де ұлы мен інісі барша тұрғындарды үрейде ұстауда. Тіпті тәртіп сақшыларының өзі олардан жасқанады. Иданың ауыр дертке шалдығып, күндері санаулы екенін естіген туғандары оны енді түрмеден шығарып алудың жолын іздестіре бастайды. Мерзімінен бұрын босап шығуына болар еді, бірақ әккі қылмыскердің ондай мүмкіндігі жоқ. Өлім аузында жатса да әйел ұлына қыруар қаржыны тонауды тапсырады. Осылайша қылмыс әлемінде өз ізін қалдырмақшы әрі мол қазынаға ие болмақ. «Отбасылық кәсіп» фильмін Unico Play онлайн-кинотеатрынан көріңіздер.