Квартиранттар – 1 маусым онлайн көру

Бақытжан есімді ер адам отбасымен бірге ауылдан қалаға көшіп келген сәттен бастап оқыс әрі күлкілі оқиғаларға тап болады. Табыс табу үшін қалаға қоныс аударған ер адам такси жүргізушісі болып жұмыс істейді. Ауыл тұрғынының сөйлеу мәнері мен әрекеттері кей адамның ызасын келтірсе, кейбірін езу тарттырады. Ал Бақытжанның Қарлығаш есімді әйелі күні бойы үй шаруасымен айналысады. Отбасының ұйытқысы әрі отанасы. Ерлі-зайыптылардың Алтынай есімді студент қызы мен Жалғас есімді ұлы бар. Ұлы тентек мінезді әрі еркетотай. Үнемі оқыс жағдайларға ұшырап жүреді. Олармен бірге бір шаңырақтың астында отағасының Ержан есімді інісі және әйелі тұрады. Бүкіл отбасы шағын пәтерді жалдап тұруға мәжбүр. Салдарынан күнде бір күтпеген қызықты сәттерді бастан кешеді. Тіпті келіспей қалатын кездер де аз емес. «Квартиранттар» сериалының 1 маусымын Unico Play онлайн-кинотеатрынан көріңіздер.