Трейлер

start над лого

Бір күні белгісіз біреу есік қоңырауын басып, ғайып болады. Есікті Эван есімді балақай ашып, бір қорапты байқайды. Қорапты ашқанда бала бойын үрей билеген жасыл түсті белгісіз жаратылыс иесін көреді. Бала оның қорқынышын сейілту үшін тәтті кәмпит береді. Құбыжық кәмпитті бірден жеп қояды. Осы сәттен бастап тәттіге жаны құмар Ам Ням есімді кішкентай жасыл құбыжық пен балақай Эван достасып, талай қызықты оқиғаларды бастан кешіреді.

Артур Меркулов

Мультфильм

Ойын-сауық

Шытырман оқиға

Балаларға арналған

Ам Нямның ғажап хикаялары тәтті кәмпит іздеймін деп көкөніс салынған қалташаға түсіп, мысықтан қашудан басталады. Бір күні Эван оны шомылдырмақ болады. Алайда Ам Ням бұрын-соңды ешқашан шомылып көрмегендіктен, бойын қорқыныш билей бастайды. Бірақ су бетіндегі көпіршіктерді көргенде, мәз болып ойнай бастайды. Деседе Ам Ням абайсызда сабынды жеп қояды. Ал бірде Эван Ам Нямның суретін салайын деп жатқанда, терезеден ұшып кірген шыбынды қуалаймын деп, бояуларды төгіп, қылқаламдарды жерге құлатады. Алда оны қорқыныш пен қызыққа толы Хэллоуин мен ғажап Рождество мерекелері күтіп тұр. «Ам Нямның ғажап оқиғалары» мультсериалының 1 маусымын Unico Play онлайн-кинотеатрынан көріңіздер.

1-серия

2-серия

3-серия

4-серия

5-серия

6-серия

7-серия

8-серия

9-серия

10-серия

11-серия

Ам Нямның ғажап оқиғалары: 1-маусым

Бұл жолы кішкентай құбыжық ортағасырлық дәуірге түсіп, ата-бабаларына тәтті кәмпиттерді іздеп табуға көмектеседі. Ол сондай-ақ, ежелгі Мысыр мен Греция елдеріне саяхаттап, қазына сақталған аралға тап болады. Мысыр елінде кәмпит толы кесеге қол жеткіземін дегенде, қабірдегі перғауынның тыныштығын бұзып, тырнағына іліге жаздайды. Ал Америкаға ат басын тірегенде, тәртіп сақшысына ұсталып, әрең құтылады. Деседе ерекше саяхаты думанды кешпен аяқталады. Ам Ням би алаңы алып кәмпиттен жасалғанын көріп, аң-таң болады. «Ам Нямның ғажап оқиғалары» мультсериалының 2 маусымын Unico Play онлайн-кинотеатрынан көріңіздер.

АМ Нямның шытырман оқиғалары: 2-маусым

Бұл жолы Ам Ням тәтті кәмпиттері үшін көптеген өрмекшілермен алысады. Қара өрмекшілер бір-бірден кәмпиттерін ұрлап, қаша жөнеледі. Ақырында әуе шарына отырып, көкке ұшады. Ам Ням арттарынан қуа бастайды. Осы кезде өрмекшілер кәмпиттерді жан-жаққа төбеден лақтыра бастайды. Ам Ням әр жерге шашыраған кәмпиттерді жинауға кіріседі. Су лалагүлінің бетіне түскен тәттіні аламын деп жүріп, су түбінде тасқа тірелген тіршілік иесін құтқарып қалады. Кәмпит іздеймін деп жүріп, ол тіпті жердің астына да түсіп кетеді. «Ам Нямның ғажап оқиғалары» мультсериалының 3 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 3-маусым

Бірде Ам Ням белгісіз үйге тап болады. Үйдің ішінде бұрын-соңды көрмеген ерекше заттарды байқайды. Қазанда қайнап жатқан сусынды көремін деп жүргенде сыпыртқыға ілініп қалады. Атқылаған су көпіршіктерінің әсерінен үй мұржасынан сыпыртқыға мінгескен күйі ұшып шығады. Бірте-бірте сыпырғышпен достасып, ұшуды үйренеді. Ал бір күні шөл даланы кезіп жүріп, сиқырлы Алладин шамына тап болады. Сөйтіп әбден әбігерге түседі. Бірде ол мүлдем ертегі әлеміне түсіп, қаһарман атанады. Ұйқыдағы аруды зұлым сиқыршыдан құтқару кезінде сиқыршы Ам Нямды бірінші балыққа, сосын айдаһарға айналдырады. Бірақ Ам Ням бәрібір жеңіске жетеді. Көп ұзамай Ам Ням Қар ханшайымы мен перілер мекеніне аттанады. «Ам Нямның ғажап оқиғалары» мультсериалының 4 маусымын Unico Play онлайн-кинотеатрынан көріңіздер.  

Ам Нямның ғажап оқиғалары: 4-маусым

Бұл жолы Ам Ням көптеген елдерге саяхаттап, түрлі тағамдардың дәмін татады. Жапония еліне келген кезде жергілікті вагаси тәттілері ұнап қалады. Алайда бұл тәттіге қол жеткізу үшін Ном есімді шеберді жекпе-жекте жеңу керек деген шарт қойылады. Ал Францияға саяхаттап барғанда веложарыс мүшелері абайсызда оның бір себет тәттілерін алып кетеді. Мұнымен қызықты оқиғалары аяқталмайды. Мексикаға ат басын тірегенде жергілікті чуррос атты тәттінің дәмін тату бұйырады. Ал Италияда өзі пісірген пиццаның дәмін көреді. Бірақ алғашында қамырмен алысып, әбден әуре-сарсаңға түседі. «Ам Нямның ғажап оқиғалары» мультсериалының 5 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 5-маусым

Ам Ням бұл жолы блогер болуды қалап, барлық іс-әрекетін видеоға түсіре бастайды. Оның ғажап хикаялары робот шаңсорғышымен үй жинаудан басталады. Шаңсорғыш Ам Нямның қолындағы қорабын жұтып, істен шығады. Осылайша Ам Нямның артынан қуа жөнеледі. Қуып жетіп, енді жұтайын дегенде жарылып кетеді. Осылаша Ам Ням қауіптен құтылады. Сөйтіп әлеуметтік желіде алғашқы лүпіліне қол жеткізеді. Бір күні макияж жасауды видеоға түсірмек болып, күлкілі жағдайға тап болады. Әтірді үстіне себудің орнына аузына сеуіп, құсып жібере жаздайды. Тіпті кірпігін бояп, шашын бұйралайды. Ал қызыл далапты ерніне жағудың орнына қылғытып жеп қояды. «Ам Нямның ғажап оқиғалары» мультсериалының 6 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 6-маусым

Ам Ням зымыранды тізгіндеп, алғаш рет ғарышқа ұшады. Ғарыш кемесінің ішінде құрылғылардың түймелерін басып, уақытын көңілді өткізе бастайды. Бір түймені басқанда тәтті кәмпит шықса, келесісін басқанда дәретхана қағазы шығып, оны аң-таң етеді. Осы сәттен бастап Ам Ням өзін түрлі мамандықта сынап көреді. Алдымен ол циркте сиқыршы болып, өнер көрсетуді қолға алады. Сосын пошта сәлемдемелрін таситын пошташы болады. Бір күні кішкентай күшік оның сәлемдемесін алып, қаша жөнеледі. Оның артынан қуалаймын деп, сәлемдемеге тапсырыс берген үйдің астаң-кестеңін шығарады. Ол даяшы, актер, инженер, ғалым, тіпті із кесуші де болып үлгереді. Даяшы болып жүргенде сымбатты аруды кездестіріп, ұнатып қалады. «Ам Нямның ғажап оқиғалары» мультсериалының 7 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 7-маусым

Бұл жолы ғашық Ам Ням сүйіктісі үшін нағыз қаһарманға айналады. Ам Ням гүл суарып жүргенде, аспаннан ерекше кір жуғыш машинасы гүрс етіп есік алдына түседі. Сүйіктісі Ам Няша кір жуғыш құрылғының есігін ашамын деп, ішіне кептеліп қалады. Бірақ сиқырлы тәждің арқасында аман құтылады. Бірде ғашықтар мерекесіне орай Ам Ням сүйіктісіне тосын сый жасамақ болады. Ол тәтті бәліш дайындауға білек сыбана кірісе кетеді. Тәтті күлшені безендіре бастағанда ішінен атылып өрмекші шығады. Өрмекшімен алысамын деп әбден әбігерге түседі. Ғашықтарды алда әлі талай сынақ күтіп тұр. Оларға банкты тонауға келген ұрлықшы күзенмен күресуге тура келеді. Сондай-ақ, өзге ғаламшардан келгендермен де алысуға мәжбүр болады. «Ам Нямның ғажап оқиғалары» мультсериалының 8 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 8-маусым

Бұл жолы Ам Ням мен Ам Няшаға бүкіл қылмыскерлерді темір тордан босатуға ұмтылған зұлыммен күресуге тура келеді. Сондай-ақ, сиқыршы өрмекшінің көмегімен тылсым күшке ие болған күзенді тоқтатуға мәжбүр болады. Бірде қос ғашық уақыттарын бірге өткізбек болғанда тағы да зұлымдардың тырнағына іліге жаздайды. Оларды сиқырлы тәжі мен қолғап құтқарып қалады. Бірақ ғалым тышқанға қонаққа барғанда, сиқырлы құрылғымен ойнаймын деп жүріп, көлемдері екі есе кішірейіп кетеді. «Ам Нямның ғажап оқиғалары» мультсериалының 9 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 9-маусым

Сиқыршы өрмекші аққаланы отқа оранған құбыжыққа айналдырып, Ам Ням мен Ам Няшаның басына қауіп төнеді. Бұл жолы көмекке кемпір келіп, құбыжықтың көзін жояды. Оқиға мұнымен аяқталмайды. Фокусты жаны сүйетін Ам Ням алғашында өзін мейірбан сиқыршы етіп көрсеткен зұлымның құрбанына айнала жаздайды. Қауіптен енді құтылған қос ғашық профессор тышқанның сыйы - супер күшке ие көлікті тізгіндей алмай, әуре-сарсаңға түседі. Ал Жаңа жыл қарсаңында тағы бір тосын оқиға орын алады. Алыстан ат терлетіп келген Аяз ата үйдің мұржасына кептеліп қалады. Себебі тәттіні тым көп жеймін деп, семіріп кеткен. Соның салдарынан бүлдіршіндерге сыйлықты уақытында жеткізіп бере алмау қаупі туындайды. Ам Ням мен Ам Няша дереу оны спортқа баули бастайды. Бұл әрекетері жемісін беріп, Аяз ата ақыры арықтап, балаларға дер кезінде сыйлықтарын жеткізіп береді. «Ам Нямның ғажап оқиғалары» мультсериалының 10 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 10-маусым

Жай ғана дүкенге барудың өзі Ам Ням мен Ам Няшаны күтпеген тосын жағдайларға соқтырады. Сондай күндердің бірі дүкенде олар әр түрлі кейіпке енетін түсін өзгерткіш кесірткіні кезіктіреді. Қос ғашыққа зұлым кесірткімен күресуге тура келеді. Ал Қытай Жаңа жылын қарсы алу кезінде кішкентай торайды құтқаруға мәжбүр болады. Үнді еліне сапары кезінде қос ғашық күлкілі оқиғаға тап болады. Бұзық маймыл Ам Нямның үстіне бояу шашып, әбден мазасын алады. Ам Ням да оған қарымта қайтарып, бетіне бояу шашады. Екеуі бір-бірлеріне қарап, қарқылдап күледі. Осылайша күтпеген жерден достасып кетеді. Ал Бразилия еліне сапары кезінде карнавалға киетін киімдерін күйдіріп, тіпті бүкіл үйді өртеп жібере жаздайды. «Ам Нямның ғажап оқиғалары» мультсериалының 11 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 11-маусым

Бұл жолы Ам Ням өзгелердің есік алдына қоқыс тастайтын әдеті бар арсыз бұқаны тәртіпке шақыратын болады. Бір-бірлерін аяқтан шалып, неше түрлі айла-әрекеттерге барады. Ақыр соңында кемпір оларды сабасына түсіріп, бүкіл қоқысты бірге жинатады. Ал бірде кішкентай торай мен күшік Ам Ням мен Ам Няшаның сиқырлы тәжі мен қолғабын киіп кетіп, әуреге салады. Сондай-ақ, қос қаһарманға тиесілі балмұздаққа көз тіккен қу пингвинмен күресулеріне тура келеді. Сиқырлы заттарын қайтарған тұста, мотоцикліне мініп алып, жол ережесіне бағынбаған ешкіні сабасына келтіретін болады. Сонымен қатар сиқыршы өрмекшіден ақ марғауды құтқарып қалады. «Ам Нямның ғажап оқиғалары» мультсериалының 12 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 12-маусым

Бұзық әрі тентек тотықұс Ам Ням мен Ам Няшаның мазасын алып, келемеждей бастайды. Ам Ням ақыр соңында оны жазалап, тәртіпке келтіретін болады. Мұнымен оқиға аяқталмайды. Бірде Тышқан мырзаны құтқаруларына тура келеді. Профессордың үстіне қызыл түсті сұйықтық төгіліп, көлемі үлкейіп, алыпқа айналады. Бойын ашу кернеп, барлығын қуала бастайды. Ақыры Ам Ням оның аузына жасыл түсті сұйықтық құйып, бұрынғы қалпына келтіреді. Бұл қиындықтан енді құтылдым дегенде сиқыршы өрмекші жіберген зұлым роботтарға қарсы тұруға мәжбүр болады. Бұл роботтар жан-жақтарын жайпап өтіп, қирата бастайды. Ал зұлым өрмекші Ам Ням мен Ам Няшаны түрмеге қамап қояды. Ол аздай қансорғыш Дракула кейпіндегі өздері тектес жасыл құбыжық қауіп төндіре бастайды. «Ам Нямның ғажап оқиғалары» мультсериалының 13 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 13-маусым

Қайтыс болғандардың рухына арналған еске алу күні ретінде танымал мексикалық дәстүрді дәріптеу кезінде зұлым рух балалардың ойыншығын ұрлап кетеді. Ам Ням бұл жолы тағы да ерлік танытады. Бірде Нямдар ежелгі майя елінің пирамидаларын көру үшін саяхатқа шығады. Бірақ Ам Нямның ебедейсіздігі салдарынан пирамиданың ішінен шыға алмай, әбден әуреге түседі. Бірде олар теңізге кемемен саяхатқа шыққан зұлым өрмекшіні кезіктіреді. Осылайша араларында арпалыс басталады. Бірақ алда Нямдарды ғажап оқиға күтіп тұр. Сиқырлы микрофонның арқасында олар адам тілінде сөйлеп кетеді. «Ам Нямның ғажап оқиғалары» мультсериалының 14 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 14-маусым

Ам Ням мен Ам Няша күтпеген жерден ата-ана атанады. Ләйлек құс бір күні шатырдың төбесіне қорап тастап кетеді. Қораптың ішінен Нямдар өздері тектес кішкентай балақайды көреді. Осылайша олар баланы асырап алады. Кусь Ням есімді балақай шомылуды ұнатпайды екен. Әкесі Ам Ням судың бетін көпіршікке толтырып, ойынға айналдырады. Түрлі ойыншықтарды да алып келеді. Нямдар баласының мұншалықты қырсық екенін сезбеген еді. Алда талай оқиғалар күтіп тұр. Ойынқұмар балақайды ұйқыға жатқызудың өзі қиынға соғатын болады. Ковбой болуды армандайтын баласы үшін Ам Нямға тіпті атқа айналуға тура келеді. «Ам Нямның ғажап оқиғалары» мультсериалының 15 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 15-маусым

Кусь Нямның тентектігі кейде шектен шығып жатады. Ол бүкіл үйдің қабырғаларына шимай суреттерін салып үлгереді. Ал бірде дәрігер болып ойнаймын деп, әкесін әбден әуреге салады. Жүйке жүйесін тексеремін деп, әкесін балғамен тоқпақтай бастайды. Тіпті оны рентгенге де түсіреді. Бір күні әкесі мен баласы қарбыз дәндерін егіп, қарбыз бақшасына айналдырмақшы болады. Бірақ піскен қарбыздарының көп бөлігін құрттар жеп қояды. Деседе мойымай, көкөністерді үйінде өсіре бастайды. Алда оларды талай қызықты ойындар мен оқиғалар күтіп тұр. «Ам Нямның ғажап оқиғалары» мультсериалының 16 маусымын Unico Play онлайн-кинотеатрынан көріңіздер.

АМ Нямның шытырман оқиғалары: 16-маусым

Бір күні Ам Ням баласы екеуі Ам Няшаның інжу алқасымен ойнаймын деп, үзіп алады. Енді олар шарқ ұра үйдің барлық жерінен шашылған інжу моншақтарын іздей бастайды. Ал бірде Ам Ням мен Кусь Ням ағаш басында үйшік саламыз деп жүріп, тоқылдақ құстың мазасын алып қойғанын байқамай қалады. Ал Жаңа жыл мерекесі жақындап, қыс басталғанда ғажап оқиғалар тіпті көбейе түседі. Бір күні Аяз ата Нямдардың үйінде ұйықтап қалып, мерекені тойлай алмай қаупі туындап, балалар сыйлықсыз қала жаздайды. Бірақ Ам Ням мен Кусь Ням көмекке келіп, балақайларға сыйлықтарды үлестіре бастайды. «Ам Нямның ғажап оқиғалары» мультсериалының 17 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 17-маусым

Бұл жолы Нямдар отбасы өз мейрамханасын ашуды қолға алады. Бірақ түрлі тағамдарды дайындау оңайға соқпайды. Ам Нямның ашытқан қамыры атқылап, жан-жақты жайпап өтеді. Бірақ ақырында ол қамырдан дәмді тоқаштар пісіріп, алғаш рет ақшалай табысқа бөленеді. Ал бірде торт пісіреміз деп, қызықты оқиғаға тап болады. Сондай-ақ, күтпеген жағдайға да ұрынады. Зұлым өрмекші дәл Ам Нямның мейрамханасына қарама-қарсы сэндвич әзірлейтін өз мейрамханасын ашып, бәсекес болады. Ол аздай тойымсыз алып динозавр келіп, берекелерін қашыратын болады. «Ам Нямның ғажап оқиғалары» мультсериалының 18 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 18-маусым

Ам Ням тағы да қиындыққа тап болады. Зұлым өрмекші мейрамханаға мейман болып келіп, сорпаның ішіне әдейі жәндік салып жібереді. Ам Ням жәндіктің артынан қуалаймын деп, ас үйдің астаң-кестеңін шығарады. Ол аздай келген меймандардың да мазасын қашырады. Салдарынан барлығы кетіп қалады. Ал Ам Нямның туған күнінде сиқыршы өрмекші неше түрлі бұзақылық жасап, кеш шырқын кетірмек болады. Бұл күтпеген әрі қызықты оқиғалардың бастамасы ғана еді. Бір күні ашты чили бұрышын жеуден сайыс өтетіні белгілі болады. Бұқа мен Ам Ням жарыса бастайды. Кім көбірек жесе, сол жеңімпаз атанады. Бірақ ойламаған жерден басқа мейман жеңіп кетеді. «Ам Нямның ғажап оқиғалары» мультсериалының 19 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 19-маусым

Бұл жолы Нямдар отбасы Номсити атты қалашыққа қоныстанып, көршілерімен достасып үлгереді. Алда отағасын ерекше сыйлық, күлкілі әзілдер, оқыс оқиғалар, достарының реніші, спорт жарыстары, ғажап видео ойындар, Рождество мерекесі мен дарындылар шоуы күтіп тұр. Бір күні ол тіпті әйелінің бет күтіміне арналған заттарын қолданып, сәндене бастайды. Әтірді шектен тыс мөлшерде сеуіп, барлығын естен тандыра жаздайды. «Ам Нямның ғажап оқиғалары» мультсериалының 20 маусымын Unico Play онлайн-кинотеатрынан көріңіздер. 

Ам Нямның ғажап оқиғалары: 20-маусым

Бір күні түнде Ам Нямның әйелі қатты қорылдап, мазасын қашыра бастайды. Осылайша әр көршісінің үйіне барып, ұйқысын қандыруды ойластырады. Бірінші барған көршісінің төсегі мен көрпесі ыңғайсыз болып, басқа көршісіне кетіп қалады. Келесі көршісінің төсегі ыңғайлы болғанымен, бойын қорқыныш билеп, көз ілмей қояды. Ал үшінші көршісінің робот төсегін сындырып алып, әбден әуреге түседі. Осылайша, өз үйінен жайлы жер жоқ екенін ұғады. Алда Ам Ням мен көршілерін қызықты ойындар мен Пасха мерекесіне дайындық күтіп тұр. Сондай-ақ, әлеуметтік желіге жүктеуге арналған суреттерді жасап, суретке түсіруді үйренеді. «Ам Нямның ғажап оқиғалары» мультсериалының 21 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 21-маусым

Бұл жолы Ам Ням көршілерін спортқа баули бастайды. Әр түрлі дене бітімдеріне қарай әрқайсысы өз жаттығуларын таңдауды үйренеді. Бір күні көңілді достар қағаздан түрлі нәрсе жасап, қиял әлеміне беттейді. Ғажайыпқа толы әлемде олар түрлі кейіпке ене алады. Патша, айдаһар, теңіз қарақшысы, тіпті робот бола алады. Бірде Ам Ням түрлі киімдерді киіп, айнаның алдынан шықпай қояды. Тіпті әйелінің біз өкше аяқ киімін деп киіп көреді.Мұны көрген көршілері де шабыттанып, түрлі стильде сәндене бастайды. Мәселен, ғалым Ном түрлі қалпақтар мен бас киімдерді шығаратын құрылғы ойлап табады. Ал Грум тастан көйлек жасап шығарады. Сол көйлекті киемін деп, Ам Ням ішіне кептеліп қалады. «Ам Нямның ғажап оқиғалары» мультсериалының 22 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 22-маусым

Оқиға Хэллоуин мерекесін тойлаудан бастау алады. Көршілер асқабақтан түрлі мүсіндер жасап, бір-бірін қорқыта бастайды. Ал бір күні қатты ыстықтан қорғанамын деп, Ам Ням желдеткішті қосады. Міне, осы сәттен бастап нағыз қызық басталады. Желдеткіші істен шығып, қапа болады. Осы кезде көмекке ғалым Ном келіп, аққалаға айналдыратын ерекше құрылғы жасап береді. Алда достарды табиғат аясына көңілді серуен мен Жаңа жыл мерекесін тойлау күтіп тұр. Сондай-ақ, Ном есімді ғалым Ам Нямды ақ ұлпа қардан түрлі бейнелерді жасап шығаруды үйрететін болады. «Ам Нямның ғажап оқиғалары» мультсериалының 23 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 23-маусым

Бұл жолы Ам Ням айдаһар, жолбарыс пен қоянның кейпіне енетін болады. Тек ерекше бетпердені кисе болғаны. Мұны көрген достары да шабыттанып, Ам Нямның әрекетін қайталайды. Бір күні ұялы телефоны арқылы күтпеген күлкілі оқиғаларға тап болады. Қызыл алманың суреті белгіленген батырманы басамын деп, үйі алмаға лық толады. Ал бірде дүкенде кезекке тұрғысы келмей, қитұрқы әрекеттерге барады. Бірақ құрған тұзағына өзі түсіп қалады. Алда оны көңілді жәрмеңке, футбол, баскетбол мен гольф ойындары күтіп тұр. «Ам Нямның ғажап оқиғалары» мультсериалының 24 маусымын Unico Play онлайн-кинотеатрынан көріңіздер.

Ам Нямның ғажап оқиғалары: 24-маусым

Ам Нямның ғажап оқиғалары: 25-маусым

Баласы Кусь Нямның оқуда жетістіктеріне қызыққан Ам Ням мектепке барып, сауатын ашуды қолға алады. Ересек болса да, әріп танығысы келеді. Бірақ алғашында оңайға соқпайды. Кей сабақтарда тіпті қалғып, оқушыларға ілесе алмай қалады. Сонда да есте сақтау қабілетінің арқасында жетістіктерге жете бастайды. Бірде дене шынықтыру сабағында математикалық формулаларады есіне түсіріп, достарын құтқарып қалады. Бір күні  Хэллоуин мерекесі қарсаңында сиқырлы кәмпиттерді жеймін деп, Ам Ням асқабақ құбыжығына айналады. Тұрғындардың мазасын алып, қорқыта бастайды. Кәмпиттерін ұрлап, қомағай атанады. Тіпті әйелі Ам Няшаны да жеп қоя жаздайды. Ам Няша оны бетінен сүйгенде ғана есін жинайды. Қиындықтар енді артта қалды деп ойлап жүргенде, Номвилль қаласының ғылыми зертханасында ерекше құрылғы пайда болады. Бұл құрылғы екі түрлі затты бір затқа айналдыру қасиетіне ие. Ам Ням тәжірибе жасап көрмек болғанда көрші мысық килігіп, барлығын сергелдеңге түсіреді. Ал Рождество мерекесінде Ам Нямның жүрегіне қар ұшқыны түсіп, мұздай қатырып жібереді. Ам Ням зұлымға айналып, сыйлықтарды ұрлай бастайды. «Ам Нямның ғажап оқиғалары» мультсериалының 26 маусымын Unico Play онлайн-кинотеатрынан көріңіздер.

Ам Нямның ғажап оқиғалары – 2 маусым онлайн көру

Сипаттамасы

Маусымдар және сериялар

Трейлерлер

Актерлер және түсірілім тобы