Буба – 4 маусым онлайн көру

Бубаның қызықты оқиғалары жалғасын тапты. Буба керемет түндердің бірінде достарымен бірге жұлдызды аспанды тамашалауға сыртқа шығады. Ол аққан жұлдызды байқап, артынан қуа жөнелген сәтте жер астындағы терең үңгірге түсіп кетеді. Үңгірде ғажап гномдар мекендейді екен. Сонымен бірге үңгірде көздің жауын алар жалт-жұлт еткен тастарды байқайды. Түрлі-түсті тастар әдемі болғанымен жұлдыздарды алмастыра алмайды. Мұны түсінген Буба жаңа достарымен бірге саты арқылы жер бетіне көтеріледі. Осылайша достары жұлдызды аспанды алғаш рет көріп, таңғажайып күй кешеді. Ал бір күні Буба көк түсті жынмен достасып, ойыншықтарды тірілте бастайды. Алғашында қызық болып көрінген құбылыс біраз уақыттан соң қиындықтарға соқтырады. Бойларына жан біткен ойыншықтар жан-жаққа қашып, ұстатпай кетеді. Енді оларды ұстап алып, бір жерге жинау керек. Алайда сергелдеңге түскен Буба не істерін білмей қалады. Бірақ соңында ерекше әдіс ойлап табады. Деседе оқиға мұнымен бітпейді. Достары түсініксіз жағдайға тап болып, Буба нағыз із кесушінің кейпіне енеді. «Буба» мультсериалының 4 маусымын Unico Play онлайн-кинотеатрынан көріңіздер.